‘Gâd mita upla nani nakra laya ba sut dikbia, bara prura kau âpu kabia, inanka, pura mata inaia lâka, latwanka sin.ʼ (Param Marikanka 21:3, 4, Dawan Bîla.)

Yawan kasak lukaia sip sa wan trabilka nani bri ba Gâd patka apia sa (Jems 1:13).

Gâd pain ai tânka brisa nahki wan dara wali ba; naha ba wan kupia bukisa (Sakaraya 2:8).

Pât wahwanka sut ba danh takan kabia bîla kaikanka brisa (Lawana 37:9-11).

Âu, natka wâl bâra sa:

• Gâd misbara kaikisa kasak apia lâka ba. Jehova patitara piua ra nisan wala mita Israel uplika nani ra saura muni kan taim, ¿nahki ai dara walan? Baibil ra wisa ai uplika ra “taiban lâka ra muni kan” ba kaiki Ai kupia ra sari takan (Wihta Nani 2:18).

  Gâd ba saura kaikisa ani uplika upla wala ra saura muni ba. Sampla baku, Baibil ra wisa “mihta nani tala pâtkas laiki ba” Witin ai kupia aiska wal misbara kaikisa (Sins Lâka 6:16, 17).

• Gâd yawan kumi bani dukiara lukisa. Ban kra man lukma ‘trabil nani bara kupiam pâtka nani’ ba yakan wahwisma, sakuna Jehova dîa mai taki ba pain nu sa (2 Kronikas 6:29, 30).

  Gâd Kingka lâka bâk pât wahwanka sut ba âpu daukan kabia (Matiu 6:9, 10). Naha pramiska kau aimakras ba ra ya uplika, bawan lâka ra, Gâd ra plikbia ba kupia bukisa (Apastil Nani Sturka 17:27; 2 Korint 1:3, 4).