Што стана од Божиќ?
„Лесно е да бидеш понесен од еуфоријата која владее за време на Божиќ. Празничните обичаи стануваат само една обврска повеќе, а времето што треба да се помине со семејството и пријателите може да биде скратено заради пренатрупаниот распоред. Радоста што треба да ја чувствуваме во тие мигови понекогаш е засенета од стресот“ (БРЕД ХЕНРИ, ПОРАНЕШЕН ГУВЕРНЕР НА ОКЛАХОМА [САД], 23 ДЕКЕМВРИ 2008 ГОД.)
КАКО што наближуваат божиќните празници, разни песни, филмови и ТВ емисии создаваат весело и празнично расположение — божиќна атмосфера. Според тебе, што треба да биде најважно во тој период?
Да се сеќаваме на Исус Христос?
Да ја почувствуваме радоста од давањето?
Да им помагаме на другите?
Да бидеме со семејството?
Да шириме мир?
Како што изјавил поранешниот гувернер цитиран претходно, на мнозина од оние што го слават Божиќ им е тешко да постигнат некоја од овие цели за време на празниците. Периодот околу Божиќ сѐ повеќе станува трескавичен и стресен и, пред сѐ, прилика добро да се заработи. Но, можно ли е да се доживеат радоста и љубовта што би требало да бидат суштината на божиќните празници?
Библијата нѐ поттикнува да се сеќаваме на Исус Христос, да даваме великодушно, да им помагаме на другите и да одвојуваме време за семејството. Таа исто така нѐ поучува да бидеме во мир со другите. Затоа, наместо во овие статии да стане збор зошто некои луѓе не слават Божиќ, * тие ќе ни дадат одговор на следниве прашања:
Што мислат некои, зошто треба да се слави Божиќ?
Зошто е тешко да се почувствуваат радоста и љубовта кои би требало да бидат суштината на Божиќ?
Кои библиски начела им помогнале на милиони луѓе да најдат нешто поубаво од Божиќ?
^ пас. 10 Од кои библиски причини некои не слават Божиќ можеш да прочиташ во статијата „Читателите прашуваат — зошто некои луѓе не слават Божиќ?“
