ചെറു​പ്പ​കാ​ല​ത്തെ​ക്കു​റിച്ച്‌ ഒന്നു പറയാ​മോ?

1979-ൽ ഐക്യ​നാ​ടു​ക​ളി​ലാണ്‌ ഞാൻ ജനിച്ചത്‌. എനിക്കു മൂന്നു വയസ്സു​ള്ള​പ്പോൾ അച്ഛനും അമ്മയും വിവാ​ഹ​മോ​ചനം ചെയ്‌തു. പിന്നെ അമ്മയുടെ കൂടെ​യാ​യി​രു​ന്നു ഞാൻ. ജൂതപാ​ര​മ്പ​ര്യം അനുസ​രി​ച്ചാണ്‌ അമ്മ എന്നെ വളർത്തി​യത്‌. യഷീവ എന്നു വിളി​ക്കുന്ന ജൂതസ്‌കൂ​ളിൽവിട്ട്‌ എന്നെ ജൂതമ​ത​വി​ശ്വാ​സ​ങ്ങ​ളും പഠിപ്പി​ച്ചു. എനിക്ക്‌ ഏഴു വയസ്സാ​യ​പ്പോൾ ഞങ്ങൾ ഇസ്രാ​യേ​ലി​ലേക്കു പോയി. ജൂതകു​ടും​ബങ്ങൾ ഒന്നിച്ച്‌ താമസിച്ച്‌ ജോലി ചെയ്‌തു കഴിയുന്ന ഒരു ഗ്രാമ​ത്തി​ലാ​യി​രു​ന്നു താമസം. കിബൂ​ട്‌സ്‌ എന്നാണ്‌ അങ്ങനെ​യുള്ള ഗ്രാമ​ങ്ങളെ വിളി​ക്കു​ന്നത്‌. അവിടത്തെ സ്‌കൂ​ളി​ലാണ്‌ ഞാൻ പോയി​രു​ന്നത്‌. ഒരു വർഷം ഞങ്ങൾ അവി​ടെ​യു​ണ്ടാ​യി​രു​ന്നു. പിന്നെ ഞങ്ങൾ മെക്‌സി​ക്കോ​യി​ലേക്കു പോയി.

ഞങ്ങളുടെ അടുത്ത്‌ ജൂതപ്പ​ള്ളി​യൊ​ന്നും ഉണ്ടായി​രു​ന്നില്ല. എങ്കിലും ഞാൻ ജൂതമ​താ​ചാ​രങ്ങൾ കൃത്യ​മാ​യി പാലി​ച്ചു​പോ​ന്നു. ശബത്തു​ദി​വസം തിരി കത്തിക്കും, തോറാ എന്നു വിളി​ക്കുന്ന വിശുദ്ധ ഗ്രന്ഥം വായി​ക്കും, സിദ്ധൂർ എന്ന പ്രാർഥ​നാ​പു​സ്‌ത​കം​വെച്ച്‌ പ്രാർഥന ചൊല്ലും. എന്റെ മതമാണ്‌ ശരിക്കും ആദ്യത്തെ മതം എന്ന്‌ ഞാൻ കൂടെ പഠിക്കുന്ന കുട്ടി​ക​ളോ​ടൊ​ക്കെ പറയും. ബൈബി​ളി​ലെ പുതി​യ​നി​യമം എന്ന്‌ അറിയ​പ്പെ​ടുന്ന ഭാഗം ഞാൻ വായി​ച്ചി​ട്ടേ ഇല്ലായി​രു​ന്നു. യേശു​വി​ന്റെ ശുശ്രൂ​ഷ​യെ​യും ഉപദേ​ശ​ങ്ങ​ളെ​യും കുറിച്ച്‌ പറയുന്ന ആ ഭാഗം വായി​ക്ക​രു​തെന്ന്‌ അമ്മ പറഞ്ഞി​ട്ടു​ണ്ടാ​യി​രു​ന്നു. അതു വായി​ച്ചാൽ ഞാനെ​ങ്ങാ​നും വഴി​തെ​റ്റി​പ്പോ​യാ​ലോ എന്നായി​രു​ന്നു അമ്മയുടെ പേടി.

പിന്നെ പുതിയ നിയമം വായി​ക്കാ​മെ​ന്നു​വെ​ച്ചത്‌ എപ്പോ​ഴാണ്‌?

17 വയസ്സാ​യ​പ്പോൾ ഞാൻ വീണ്ടും ഐക്യ​നാ​ടു​ക​ളി​ലേക്കു പോയി, വിദ്യാ​ഭ്യാ​സം പൂർത്തി​യാ​ക്കാൻ. അവി​ടെ​വെച്ച്‌ ഞാൻ പരിച​യ​പ്പെട്ട ഒരാൾ എന്നോട്‌ യേശു​വി​നെ​ക്കു​റിച്ച്‌ പറഞ്ഞു. പള്ളിയിൽ പോയി​രുന്ന ആളായി​രു​ന്നു. യേശു​വിൽ വിശ്വ​സി​ക്കാ​തെ ഇങ്ങനെ ജീവി​ച്ചിട്ട്‌ ഒരു കാര്യ​വു​മില്ല എന്ന്‌ അയാൾ പറഞ്ഞു.

അപ്പോൾ ഞാൻ പറഞ്ഞു, “യേശു​വിൽ വിശ്വ​സി​ക്കു​ന്ന​താണ്‌ കുഴപ്പം. അങ്ങനെ​യു​ള്ള​വ​രാണ്‌ വഴി​തെ​റ്റി​പ്പോ​യി​രി​ക്കു​ന്നത്‌” എന്ന്‌.

“നീ ബൈബി​ളി​ലെ പുതിയ നിയമം തുറ​ന്നെ​ങ്കി​ലും നോക്കി​യി​ട്ടു​ണ്ടോ” എന്ന്‌ അയാൾ ചോദി​ച്ചു.

ഞാൻ പറഞ്ഞു, “ഇല്ല.”

“അങ്ങനെ​യാ​ണെ​ങ്കിൽ അറിയാത്ത ഒരു കാര്യ​ത്തെ​ക്കു​റി​ച്ചല്ലേ നീ ഇപ്പോൾ അഭി​പ്രാ​യം പറയു​ന്നത്‌. അതു ശരിയാ​ണോ” എന്ന്‌ അയാൾ എന്നോടു ചോദി​ച്ചു.

കാര്യം അറിയാ​തെ കണ്ണുമ​ടച്ച്‌ അഭി​പ്രാ​യം പറയു​ന്നത്‌ മണ്ടത്തര​മാ​ണെന്ന്‌ വിചാ​രി​ച്ചി​രുന്ന ആളാണ്‌ ഞാൻ. അതു​കൊ​ണ്ടു​തന്നെ അയാൾ അങ്ങനെ പറഞ്ഞ​പ്പോൾ എനിക്ക്‌ ശരിക്കും കൊണ്ടു. ചമ്മി​പ്പോ​യി ഞാൻ. പിന്നെ തിരി​ച്ചൊ​ന്നും പറയാൻ നിന്നില്ല. നേരെ അയാളു​ടെ ബൈബി​ളും വാങ്ങി വീട്ടി​ലേക്കു പോന്നു. അങ്ങനെ​യാണ്‌ പുതിയ നിയമം വായി​ക്കാൻ തുടങ്ങി​യത്‌.

പുതിയ നിയമം വായി​ച്ചിട്ട്‌ എന്തു തോന്നി?

പുതിയ നിയമ​ത്തി​ന്റെ എഴുത്തു​കാ​രും ജൂതന്മാ​രാ​ണെന്ന്‌ അറിഞ്ഞ​പ്പോൾ എനിക്ക്‌ അതിശയം തോന്നി. അതു​പോ​ലെ, വായി​ക്കു​ന്തോ​റും യേശു ദയാലു​വായ താഴ്‌മ​യുള്ള ഒരു ജൂതനാ​യി​രു​ന്നെന്ന്‌ എനിക്കു മനസ്സി​ലാ​യി​ക്കൊ​ണ്ടി​രു​ന്നു. അദ്ദേഹം ആളുകളെ സഹായി​ക്കാ​നാണ്‌ നോക്കി​യത്‌ അല്ലാതെ വഴി​തെ​റ്റി​ക്കാ​നല്ല. ഞാൻ ലൈ​ബ്ര​റി​യിൽ പോയി യേശു​വി​നെ​ക്കു​റി​ച്ചുള്ള പുസ്‌ത​കങ്ങൾ എടുത്ത്‌ വായി​ച്ചു​നോ​ക്കി. പക്ഷേ അതി​ലൊ​ന്നും യേശു മിശിഹ ആണെന്ന്‌ തെളി​യി​ക്കുന്ന ഒന്നുമി​ല്ലാ​യി​രു​ന്നു. ചില പുസ്‌ത​ക​ങ്ങ​ളി​ലാ​ണെ​ങ്കിൽ യേശു ദൈവ​മാ​ണെ​ന്നാണ്‌ പറഞ്ഞി​രു​ന്നത്‌. അത്‌ എനിക്ക്‌ ഉൾക്കൊ​ള്ളാ​നേ പറ്റിയില്ല. യേശു ദൈവ​മാ​ണെ​ങ്കിൽപ്പി​ന്നെ യേശു ആരോ​ടാണ്‌ പ്രാർഥി​ച്ചത്‌? തന്നോ​ടു​ത​ന്നെ​യോ? ഇനി അതു മാത്രമല്ല, ബൈബിൾ ദൈവ​ത്തെ​ക്കു​റിച്ച്‌ പറയു​ന്നത്‌, “അങ്ങയ്‌ക്കു മരണമില്ല” * എന്നാണ്‌. പക്ഷേ യേശു മരിച്ചി​ല്ലേ?

എങ്ങനെ​യാണ്‌ അതി​നൊ​ക്കെ​യുള്ള ഉത്തരം കിട്ടി​യത്‌?

ഒരു കാര്യം സത്യമാ​ണെ​ങ്കിൽ എനിക്ക്‌ ഉണ്ടായ​തു​പോ​ലുള്ള ആശയക്കു​ഴപ്പം ഉണ്ടാകാൻ പാടി​ല്ല​ല്ലോ? അപ്പോൾ മറ്റെന്തോ ആണ്‌ സത്യം എന്നു ഞാൻ ചിന്തിച്ചു. അതു കണ്ടുപി​ടി​ക്കാൻതന്നെ ഞാൻ തീരു​മാ​നി​ച്ചു. ഞാൻ ദൈവ​ത്തോട്‌ ഉള്ളുതു​റന്ന്‌ കരഞ്ഞു പ്രാർഥി​ച്ചു. ആദ്യമാ​യി​ട്ടാണ്‌ പ്രാർഥ​നാ​പു​സ്‌തകം ഇല്ലാതെ ഞാൻ പ്രാർഥി​ച്ചത്‌. പ്രാർഥിച്ച്‌ തീർന്നില്ല, അപ്പോ​ഴേ​ക്കും വാതി​ലിൽ ആരോ മുട്ടു​ന്നത്‌ കേട്ടു. അത്‌ രണ്ട്‌ യഹോ​വ​യു​ടെ സാക്ഷി​ക​ളാ​യി​രു​ന്നു. അവർ എനിക്ക്‌ ബൈബിൾ പഠിക്കാൻ സഹായി​ക്കുന്ന ഒരു ചെറിയ പുസ്‌തകം തന്നു. ആ പുസ്‌ത​ക​വും സാക്ഷി​ക​ളു​ടെ കൂടെ പിന്നീട്‌ നടത്തിയ ചർച്ചക​ളും ഒക്കെ എനിക്ക്‌ ഒരു കാര്യം മനസ്സി​ലാ​ക്കി​ത്തന്നു. അവരുടെ വിശ്വാ​സ​ങ്ങ​ളെ​ല്ലാം ബൈബി​ളി​നു ചേർച്ച​യി​ലാണ്‌. യേശു​വി​ന്റെ കാര്യം​തന്നെ നോക്കി​യാൽ മതി. അവർ യേശു​വി​നെ കാണു​ന്നത്‌ ത്രിത്വ​ത്തി​ന്റെ ഒരു ഭാഗമാ​യി​ട്ടല്ല. യേശു “ദൈവ​പു​ത്രൻ” * ആണെന്നും “ദൈവ​ത്തി​ന്റെ ആദ്യത്തെ സൃഷ്ടി” * ആണെന്നും ആണ്‌ അവർ വിശ്വ​സി​ക്കു​ന്നത്‌.

അങ്ങനെയിരിക്കുമ്പോഴാണ്‌ എനിക്കു പെട്ടെന്ന്‌ മെക്‌സി​ക്കോ​യി​ലേക്കു തിരി​ച്ചു​പോ​കേ​ണ്ടി​വ​ന്നത്‌. പക്ഷേ സാക്ഷി​ക​ളു​ടെ​കൂ​ടെ​യുള്ള ബൈബിൾപ​ഠനം നിറു​ത്തി​യില്ല. മിശി​ഹ​യെ​ക്കു​റി​ച്ചുള്ള ബൈബിൾപ്ര​വ​ച​നങ്ങൾ ആയിരു​ന്നു കൂടു​ത​ലും ചർച്ച ചെയ്‌തി​രു​ന്നത്‌. മിശി​ഹ​യെ​ക്കു​റിച്ച്‌ ഇത്രയ​ധി​കം പ്രവച​നങ്ങൾ ഉണ്ടെന്ന്‌ അറിയു​ന്ന​തു​തന്നെ അപ്പോ​ഴാണ്‌. എങ്കിലും എന്റെ മനസ്സിൽ എവി​ടെ​യോ സംശയങ്ങൾ ബാക്കി​നി​ന്നു. ‘ഈ മിശിഹ യേശു​ത​ന്നെ​യാ​ണെന്ന്‌ എന്താ ഇത്ര ഉറപ്പ്‌? മറ്റാ​രെ​ങ്കി​ലും ആയിക്കൂ​ടേ?’ ‘മിശിഹ ആണെന്ന്‌ വരുത്തി​ത്തീർക്കാൻ പ്രവച​ന​ങ്ങ​ളിൽ പറയു​ന്ന​തൊ​ക്കെ ചെയ്‌തു​കാ​ണിച്ച്‌ യേശു ആളുകളെ പറ്റിച്ച​താ​ണെ​ങ്കി​ലോ?’

പിന്നെ എങ്ങനെ​യാണ്‌ സംശയങ്ങൾ മാറി​യത്‌?

മിശിഹയെക്കുറിച്ചുള്ള ചില പ്രവച​നങ്ങൾ സാക്ഷികൾ എനിക്കു കാണി​ച്ചു​തന്നു. ഒരാൾക്കും ചെയ്‌തു കാണിച്ച്‌ പറ്റിക്കാൻ പറ്റാത്ത ചില പ്രവച​നങ്ങൾ. ഉദാഹ​ര​ണ​ത്തിന്‌, മിശി​ഹ​യു​ടെ ജനനം. മിശിഹ യഹൂദ്യ​യി​ലെ * ബേത്ത്‌ലെ​ഹെ​മിൽ ആയിരി​ക്കും ജനിക്കു​ന്ന​തെന്ന്‌ മീഖാ പ്രവാ​ചകൻ 700-ലധികം വർഷങ്ങൾക്കു മുമ്പു​തന്നെ പ്രവചി​ച്ചി​രു​ന്നു. അവി​ടെ​ത്തന്നെ മനഃപൂർവം വന്നു ജനിക്കാൻ ആർക്കും പറ്റില്ല​ല്ലോ? അതു​പോ​ലെ​ത​ന്നെ​യാണ്‌ മിശി​ഹ​യു​ടെ മരണ​ത്തെ​ക്കു​റി​ച്ചുള്ള പ്രവച​ന​ങ്ങ​ളും. മിശി​ഹയെ ഒരു കുറ്റവാ​ളി​യാ​യി മുദ്ര​കു​ത്തി കൊല്ലു​മെ​ന്നും സമ്പന്നരു​ടെ​കൂ​ടെ * അടക്കു​മെ​ന്നും യശയ്യ പ്രവചി​ച്ചു. ഈ പ്രവച​ന​ങ്ങ​ളെ​ല്ലാം അങ്ങനെ​തന്നെ സംഭവി​ച്ചത്‌ യേശു​വി​ന്റെ കാര്യ​ത്തിൽ മാത്ര​മാണ്‌.

അവസാനമായി അവർ എനിക്കു കാണി​ച്ചു​ത​ന്നത്‌ യേശു​വി​ന്റെ വംശപ​ര​മ്പ​ര​യെ​ക്കു​റി​ച്ചുള്ള തെളി​വു​ക​ളാ​യി​രു​ന്നു. മിശിഹ ദാവീദ്‌ രാജാ​വി​ന്റെ വംശത്തിൽ * ജനിക്കു​മെ​ന്നാ​ണ​ല്ലോ ബൈബിൾ പറയു​ന്നത്‌. പണ്ടത്തെ ജൂതന്മാ​രാ​ണെ​ങ്കിൽ വംശപ​ര​മ്പ​ര​യെ​ക്കു​റി​ച്ചുള്ള രേഖക​ളെ​ല്ലാം കൃത്യ​മാ​യി സൂക്ഷി​ച്ചി​രു​ന്നു. അതു​കൊണ്ട്‌ യേശു എങ്ങാനും ദാവീ​ദി​ന്റെ വംശത്തി​ലല്ല ജനിച്ചി​രു​ന്ന​തെ​ങ്കിൽ യേശു​വി​ന്റെ ശത്രുക്കൾ അതു കൊട്ടി​ഘോ​ഷി​ച്ചു നടന്നേനെ. പക്ഷേ അവർക്ക്‌ അതിനു കഴിഞ്ഞില്ല. കാരണം യേശു ദാവീ​ദി​ന്റെ പിൻത​ല​മു​റ​ക്കാ​ര​നാ​ണെന്ന കാര്യ​ത്തിൽ ഒരു തർക്കവു​മി​ല്ലാ​യി​രു​ന്നു. ജനങ്ങൾ യേശു​വി​നെ ‘ദാവീ​ദു​പു​ത്രൻ’ * എന്നു വിളി​ക്കു​ക​പോ​ലും ചെയ്‌തു.

യേശു മരിച്ച്‌ 37 വർഷങ്ങൾക്കു​ശേഷം, അതായത്‌ എ.ഡി. 70-ൽ റോമൻ സൈന്യം യരുശ​ലേം നശിപ്പി​ച്ചു. വംശപ​ര​മ്പ​ര​യെ​ക്കു​റി​ച്ചുള്ള രേഖക​ളെ​ല്ലാം ആ സമയത്ത്‌ നശിച്ചു​പോ​കു​ക​യോ കാണാ​താ​കു​ക​യോ ചെയ്‌തു. അതു​കൊണ്ട്‌ വംശപ​ര​മ്പ​ര​വെച്ച്‌ മിശി​ഹയെ തിരി​ച്ച​റി​യാൻ പറ്റണ​മെ​ങ്കിൽ മിശിഹ എ.ഡി 70-നു മുമ്പു​തന്നെ വരണമാ​യി​രു​ന്നു.

അവസാനം എന്തു നിഗമ​ന​ത്തി​ലാണ്‌ എത്തിയത്‌?

ആവർത്തനം 18:18, 19 വാക്യ​ങ്ങ​ളിൽ ഇസ്രാ​യേ​ലിൽ ദൈവം മോശ​യെ​പ്പോ​ലെ ഒരു പ്രവാ​ച​കനെ എഴു​ന്നേൽപ്പി​ക്കും എന്നു പറഞ്ഞി​രു​ന്നു. “എന്റെ നാമത്തിൽ അവൻ നിങ്ങ​ളോ​ടു പറയുന്ന എന്റെ വചനങ്ങൾ അനുസ​രി​ക്കാത്ത മനുഷ്യ​നോ​ടു ഞാൻ കണക്കു ചോദി​ക്കു​ക​തന്നെ ചെയ്യും” എന്നും ദൈവം പറഞ്ഞു. ബൈബിൾ മുഴു​വ​നും നല്ലതു​പോ​ലെ പഠിച്ച​പ്പോൾ നസറെ​ത്തി​ലെ യേശു​വാണ്‌ ആ പ്രവാ​ചകൻ എന്ന്‌ എനിക്കു ബോധ്യ​മാ​യി.