‘പുനരു​ത്ഥാ​നം ഉണ്ടാകും.’—പ്രവൃ​ത്തി​കൾ 24:15, പുതിയ ലോക ഭാഷാ​ന്തരം.

പ്രിയ​പ്പെ​ട്ട​വരെ നഷ്ടപ്പെ​ട്ട​വർക്ക്‌ ആശ്വാസം.—2 കൊരി​ന്ത്യർ 1:3, 4.

മരണഭീ​തി​യിൽനിന്ന്‌ മോചനം. —എബ്രായർ 2:15.

മരിച്ചു​പോയ പ്രിയ​പ്പെ​ട്ട​വരെ വീണ്ടും കാണാ​മെന്ന പ്രത്യാശ.—യോഹ​ന്നാൻ 5:28, 29.

തീർച്ച​യാ​യും വിശ്വ​സി​ക്കാം. കുറഞ്ഞത്‌ മൂന്നു കാരണ​ങ്ങ​ളാൽ:

• ദൈവ​മാ​ണു ജീവദാ​താവ്‌. യഹോ​വയെ “ജീവന്റെ ഉറവ്‌” എന്നാണു വിളി​ച്ചി​രി​ക്കു​ന്നത്‌. (സങ്കീർത്തനം 36:9; പ്രവൃ​ത്തി​കൾ 17:24, 25) സകലർക്കും ജീവൻ നൽകാൻ കഴിഞ്ഞ ദൈവ​ത്തിന്‌ മരിച്ചു​പോയ ഒരാളെ വീണ്ടും ജീവനി​ലേക്കു കൊണ്ടു​വ​രാൻ കഴിയി​ല്ലേ?

• മരിച്ചു​പോയ ചിലരെ കഴിഞ്ഞ കാലങ്ങ​ളിൽ ദൈവം ഉയിർപ്പി​ച്ചി​ട്ടുണ്ട്‌. ഭൂമി​യി​ലേക്ക്‌ ഉയിർപ്പിച്ച എട്ടു പേരെ​ക്കു​റിച്ച്‌ ബൈബിൾ പറയുന്നു. അവരിൽ കുട്ടികൾ, പ്രായ​മാ​യവർ, പുരു​ഷ​ന്മാർ, സ്‌ത്രീ​കൾ എന്നിങ്ങനെ വ്യത്യ​സ്‌ത​രായ ആളുക​ളു​ണ്ടാ​യി​രു​ന്നു. അതിൽ ഏഴു പേരെ മരിച്ച്‌ അധികം താമസി​യാ​തെ​യും ഒരാളെ നാലു ദിവസം കഴിഞ്ഞും ഉയിർപ്പി​ച്ചു.—യോഹ​ന്നാൻ 11:39-44.

• ദൈവം വീണ്ടും അതു ചെയ്യാൻ ആഗ്രഹി​ക്കു​ന്നു. ദൈവം മരണത്തെ വെറു​ക്കു​ക​യും ഒരു ശത്രു​വാ​യി കാണു​ക​യും ചെയ്യുന്നു. (1 കൊരി​ന്ത്യർ 15:26) പുനരു​ത്ഥാ​ന​ത്തി​ലൂ​ടെ മരണത്തെ നിഷ്‌ഫ​ല​മാ​ക്കാ​നും ആ ശത്രു​വി​നെ തോല്‌പി​ക്കാ​നും യഹോ​വ​യ്‌ക്ക്‌ അതിയായ താത്‌പ​ര്യ​മുണ്ട്‌. തന്റെ ഓർമ​യി​ലുള്ള എല്ലാവ​രെ​യും ജീവനി​ലേക്കു കൊണ്ടു​വ​രാ​നും ഭൂമി​യിൽ അവർ എന്നെന്നും ജീവി​ക്കു​ന്നതു കാണാ​നും ദൈവം ആഗ്രഹി​ക്കു​ന്നു.—ഇയ്യോബ്‌ 14:14, 15.