ഡൊമി​നി​ക്കൻ റിപ്പബ്ലി​ക്കി​ലെ സാന്റോ ഡൊമിം​ഗോ​യി​ലാണ്‌ ഞാൻ ജനിച്ചത്‌, നാലു മക്കളിൽ ഏറ്റവും ഇളയവ​നാ​യി. എന്റെ മാതാ​പി​താ​ക്കൾ നല്ല വിദ്യാ​ഭ്യാ​സം നേടി​യ​വ​രാ​യി​രു​ന്നു. മക്കളെ നല്ല ചുറ്റു​പാ​ടിൽ, നല്ല ആളുക​ളു​ടെ ഇടയിൽ, വളർത്തി​ക്കൊ​ണ്ടു​വ​രാൻ അവർ ആഗ്രഹി​ച്ചു. ഞാൻ ജനിക്കു​ന്ന​തി​നു നാലു വർഷം മുമ്പു​തന്നെ എന്റെ മാതാ​പി​താ​ക്കൾ മോർമോൺ മിഷന​റി​മാ​രെ കണ്ടുമു​ട്ടി​യി​രു​ന്നു. അവരുടെ നല്ല വസ്‌ത്ര​ധാ​ര​ണ​വും മാന്യ​മായ പെരു​മാ​റ്റ​വും കണ്ടപ്പോൾ മാതാ​പി​താ​ക്കൾക്കു മതിപ്പു​തോ​ന്നി. അങ്ങനെ ഞങ്ങളുടെ കുടും​ബ​വും ആ സഭയിൽ ചേരാൻ തീരു​മാ​നി​ച്ചു. ഞങ്ങളുടെ ദ്വീപിൽ മോർമോൺ സഭയിൽ (പിൽക്കാല വിശു​ദ്ധ​ന്മാ​രു​ടെ യേശുസഭ) ചേരുന്ന ആദ്യത്തെ കുടും​ബ​ങ്ങ​ളിൽ ഒന്നായി​രു​ന്നു ഞങ്ങളു​ടേത്‌.

കുട്ടി​ക്കാ​ലം മുതലേ സഭ നടത്തുന്ന സാമൂഹ്യ പ്രവർത്ത​ന​ങ്ങ​ളി​ലൊ​ക്കെ എനിക്കു വലിയ താത്‌പ​ര്യ​മാ​യി​രു​ന്നു. കുടും​ബ​ജീ​വി​ത​ത്തി​നും സദാചാ​ര​മൂ​ല്യ​ങ്ങൾക്കും മോർമോൺ സഭ കൊടു​ത്തി​രുന്ന പ്രാധാ​ന്യ​വും എന്നെ ആകർഷി​ച്ചു. ഒരു മോർമോൺകാ​ര​നാ​യി​രി​ക്കു​ന്ന​തിൽ എനിക്ക്‌ അഭിമാ​ന​മാ​യി​രു​ന്നു. ഭാവി​യിൽ ഒരു മിഷന​റി​യാ​യി​ത്തീ​രാ​നും ഞാൻ ലക്ഷ്യം വെച്ചു.

എനിക്ക്‌ 18 വയസ്സാ​യ​പ്പോൾ എന്നെ നല്ല കോ​ളേ​ജിൽ ചേർക്കാൻ എന്റെ കുടും​ബം ഐക്യ​നാ​ടു​ക​ളി​ലേക്കു മാറി താമസി​ച്ചു. ഏതാണ്ട്‌ ഒരു വർഷം കഴിഞ്ഞ​പ്പോൾ യഹോ​വ​യു​ടെ സാക്ഷി​ക​ളായ ആന്റിയും അങ്കിളും ഞങ്ങളെ കാണാൻ വന്നു. ആ സമയത്ത്‌ ഫ്‌ളോ​റി​ഡ​യി​ലാ​യി​രു​ന്നു ഞങ്ങളുടെ താമസം. അവർ ഞങ്ങളെ ഒരു ബൈബിൾകൺ​വെൻ​ഷനു ക്ഷണിച്ചു. അവി​ടെ​വെച്ച്‌, അടുത്തി​രി​ക്കു​ന്ന​വ​രൊ​ക്കെ ബൈബിൾ തുറന്നു​നോ​ക്കു​ക​യും കുറി​പ്പു​ക​ളെ​ടു​ക്കു​ക​യും ചെയ്യു​ന്നതു കണ്ടപ്പോൾ എനിക്ക്‌ അതിശയം തോന്നി. അതു കണ്ടപ്പോൾ ഞാനും ഒരു പേനയും പേപ്പറും സംഘടി​പ്പിച്ച്‌ കുറി​പ്പു​ക​ളെ​ടു​ക്കാൻ തുടങ്ങി.

എനിക്കു മിഷന​റി​യാ​കാൻ ആഗ്രഹ​മു​ള്ള​തു​കൊണ്ട്‌ ബൈബി​ളി​ലെ ചില കാര്യങ്ങൾ എന്നെ പഠിപ്പി​ക്കാ​മെന്നു കൺ​വെൻ​ഷൻ കഴിഞ്ഞ​പ്പോൾ ആന്റിയും അങ്കിളും എന്നോടു പറഞ്ഞു. അതു കൊള്ളാ​മെന്ന്‌ എനിക്കു തോന്നി. കാരണം മോർമോൺ പുസ്‌ത​ക​മാ​യി​രു​ന്നു ഞാൻ കൂടു​ത​ലും ഉപയോ​ഗി​ച്ചി​രു​ന്നത്‌. ബൈബിൾ എനിക്ക്‌ അത്ര പരിച​യ​മി​ല്ലാ​യി​രു​ന്നു.

പി​ന്നീ​ടുള്ള ബൈബിൾ ചർച്ചകൾ ഫോണി​ലൂ​ടെ​യാ​യി​രു​ന്നു. എന്റെ വിശ്വാ​സ​വും ബൈബിൾപ​ഠി​പ്പി​ക്ക​ലു​ക​ളും തമ്മിൽ താരത​മ്യം ചെയ്‌തു​നോ​ക്കാൻ അവർ എന്നോടു പറഞ്ഞു. ഞാൻ സത്യം സ്വയം കണ്ടെത്താൻ അവർ ആഗ്രഹി​ച്ചു.

മോർമോൺ വിശ്വാ​സ​ത്തിൽ എനിക്ക്‌ ഇഷ്ടമുള്ള പലതു​മു​ണ്ടാ​യി​രു​ന്നു. പക്ഷേ അതു ബൈബി​ളി​ലെ ആശയങ്ങ​ളു​മാ​യി യോജി​പ്പി​ലാ​ണോ എന്നു സംശയ​മു​ണ്ടാ​യി​രു​ന്നു. അപ്പോൾ ആന്റി എനിക്ക്‌ ഒരു മാസിക അയച്ചു​തന്നു. യഹോ​വ​യു​ടെ സാക്ഷികൾ പ്രസി​ദ്ധീ​ക​രിച്ച 1995 നവംബർ 8 ലക്കം ഉണരുക! ആയിരു​ന്നു അത്‌. അതിൽ മോർമോൺ വിശ്വാ​സ​ങ്ങ​ളെ​ക്കു​റി​ച്ചുള്ള ചില ലേഖന​ങ്ങ​ളു​ണ്ടാ​യി​രു​ന്നു. അതു വായി​ച്ച​പ്പോൾ ഞാൻ ഞെട്ടി​പ്പോ​യി. മോർമോൺ പഠിപ്പി​ക്ക​ലി​ലെ പല കാര്യ​ങ്ങ​ളും എനിക്ക്‌ അറിയി​ല്ലാ​യി​രു​ന്ന​ല്ലോ എന്നു ഞാൻ ഓർത്തു. ആ മാസി​ക​യിൽ പറയു​ന്നതു സത്യമാ​ണോ എന്ന്‌ ഉറപ്പു​വ​രു​ത്താൻ ഞാൻ മോർമോൺ വെബ്‌​സൈ​റ്റിൽ കയറി​നോ​ക്കി. അപ്പോൾ എനിക്കു മനസ്സി​ലാ​യി ആ മാസി​ക​യിൽ പറഞ്ഞ​തൊ​ക്കെ ശരിയാ​ണെന്ന്‌. ഉത്തയി​ലുള്ള മോർമോൺ മ്യൂസി​യം സന്ദർശി​ച്ച​പ്പോൾ അക്കാര്യ​ങ്ങ​ളൊ​ക്കെ എനിക്ക്‌ ഒന്നുകൂ​ടെ ഉറപ്പായി.

ബൈബി​ളിൽ പറയു​ന്ന​തു​പോ​ലെ​ത​ന്നെ​യാ​ണു മോർമോൺ പുസ്‌ത​ക​ത്തി​ലും ഉള്ളതെ​ന്നാ​ണു ഞാൻ വിചാ​രി​ച്ചത്‌. എന്നാൽ ബൈബിൾ നന്നായി പഠിക്കാൻ തുടങ്ങി​യ​പ്പോൾ ഇവ തമ്മിൽ വ്യത്യാ​സ​ങ്ങ​ളു​ണ്ടെന്ന്‌ എനിക്കു മനസ്സി​ലാ​യി. ഉദാഹ​ര​ണ​ത്തിന്‌, ബൈബി​ളിൽ യഹസ്‌കേൽ 18:4 പറയു​ന്നത്‌ ദേഹി മരിക്കും എന്നാണ്‌. എന്നാൽ മോർമോൺ പുസ്‌ത​ക​ത്തിൽ അൽമാ 42:9 പറയുന്നു, “ദേഹി ഒരിക്ക​ലും മരിക്കില്ല” എന്ന്‌.

ഇത്തരം അടിസ്ഥാ​ന​പ​ര​മായ ആശയങ്ങ​ളി​ലുള്ള വ്യത്യാ​സ​ങ്ങൾക്കു പുറമേ മോർമോ​ണു​കൾ പഠിപ്പി​ച്ചി​രുന്ന ദേശീ​യ​മായ ആശയങ്ങ​ളി​ലും എനിക്കു സംശയം തോന്നി. ഉദാഹ​ര​ണ​ത്തിന്‌, അമേരി​ക്ക​യി​ലെ മിസൂ​റി​യി​ലുള്ള ജാക്‌സൺ പ്രദേ​ശ​ത്താണ്‌ ഏദെൻ തോട്ടം സ്ഥിതി ചെയ്‌തി​രു​ന്നത്‌ എന്നാണു മോർമോൺകാർ പഠിപ്പി​ച്ചി​രു​ന്നത്‌. അതു​പോ​ലെ ആ സഭയിലെ നേതാ​ക്ക​ന്മാർ പഠിപ്പി​ച്ചി​രുന്ന മറ്റൊരു കാര്യം ഇതായി​രു​ന്നു, ‘സ്വാത​ന്ത്ര്യ​ത്തി​ന്റെ​യും മനുഷ്യാ​വ​കാ​ശ​ത്തി​ന്റെ​യും തത്ത്വങ്ങളെ അടിസ്ഥാ​ന​മാ​ക്കി ദൈവ​രാ​ജ്യം അമേരി​ക്കൻ ഗവൺമെന്റു വഴി ഭരണം നടത്തും.’

അപ്പോൾ അമേരി​ക്ക​യ​ല്ലാത്ത മറ്റു രാജ്യ​ങ്ങ​ളു​ടെ കാര്യം എന്താകും എന്നു ഞാൻ ചിന്തിച്ചു. ഞാൻ ജനിച്ച​തും വേറൊ​രു രാജ്യ​ത്താ​യി​രു​ന്ന​ല്ലോ. മോർമോൺ മിഷന​റി​യാ​കാൻ പഠിച്ചു​കൊ​ണ്ടി​രുന്ന ഒരു ചെറു​പ്പ​ക്കാ​രൻ ഒരു ദിവസം വൈകിട്ട്‌ എന്നെ വിളി​ച്ച​പ്പോൾ ഞാൻ ഈ വിഷയ​മെ​ടു​ത്തി​ട്ടു. ഒരു യുദ്ധമു​ണ്ടാ​യാൽ അദ്ദേഹം മറ്റു രാജ്യത്തെ മോർമോൺകാ​രോ​ടു പോരാ​ടു​മോ എന്നു ഞാൻ തുറന്നങ്ങ്‌ ചോദി​ച്ചു. ‘ചെയ്യും’ എന്ന മറുപടി കേട്ട്‌ ഞാൻ ഞെട്ടി​പ്പോ​യി. തുടർന്ന്‌ ഞാൻ മോർമോൺ ഉപദേ​ശ​ങ്ങ​ളെ​ക്കു​റിച്ച്‌ കാര്യ​മാ​യി പഠിക്കാൻതു​ടങ്ങി. ചില സഭാ​നേ​താ​ക്ക​ളു​മാ​യി ചർച്ച നടത്തു​ക​യും ചെയ്‌തു. ഞാൻ ചോദിച്ച കാര്യ​ങ്ങ​ളെ​ല്ലാം ഗഹനമായ രഹസ്യ​ങ്ങ​ളാ​ണെ​ന്നും ഭാവി​യിൽ ആത്മീയ​വെ​ളി​ച്ചം കൂടുതൽ തെളി​ഞ്ഞു​വ​രു​മ്പോൾ അതു വ്യക്തമാ​യി​ക്കൊ​ള്ളു​മെ​ന്നും അവർ പറഞ്ഞു.

അവരുടെ മറുപടി കേട്ട്‌ ആകെ നിരാ​ശ​യി​ലായ ഞാൻ എന്നെത്തന്നെ ഒന്നു വിലയി​രു​ത്തി. ഒരു മോർമോൺ മിഷന​റി​യാ​കാൻ ശരിക്കും എന്നെ പ്രേരി​പ്പി​ച്ചത്‌ എന്താ​ണെന്നു ഞാൻ ചിന്തി​ക്കാൻതു​ടങ്ങി. സമൂഹ​ത്തി​നു​വേണ്ടി എന്തെങ്കി​ലു​മൊ​ക്കെ ചെയ്യണം എന്നൊരു ആഗ്രഹ​മാ​ണു പ്രധാ​ന​മാ​യും മിഷന​റി​യാ​കാൻ എന്നെ പ്രേരി​പ്പി​ച്ച​തെന്നു ഞാൻ തിരി​ച്ച​റി​ഞ്ഞു. കൂടാതെ ഒരു മിഷന​റി​യാ​യാൽ മറ്റുള്ളവർ എന്നെ ആദരി​ക്കു​മ​ല്ലോ എന്നും ഞാൻ ചിന്തി​ച്ചി​രു​ന്നു. പക്ഷേ ദൈവ​ത്തെ​ക്കു​റിച്ച്‌ എനിക്കു കാര്യ​മാ​യി ഒന്നും​തന്നെ അറിയി​ല്ലാ​യി​രു​ന്നു എന്നതാണു വാസ്‌തവം. ഞാൻ ഇതി​നോ​ടകം പലവട്ടം ബൈബിൾ വായി​ച്ചി​ട്ടു​ണ്ടാ​യി​രു​ന്നെ​ങ്കി​ലും ഇതുവരെ അതിന്റെ ശരിക്കുള്ള മൂല്യം തിരി​ച്ച​റി​ഞ്ഞി​ട്ടി​ല്ലാ​യി​രു​ന്നു. ഭൂമി​യെ​ക്കു​റി​ച്ചും മനുഷ്യ​രെ​ക്കു​റി​ച്ചും ഉള്ള ദൈവ​ത്തി​ന്റെ ഉദ്ദേശ്യം എന്താ​ണെ​ന്നും എനിക്ക്‌ അറിയി​ല്ലാ​യി​രു​ന്നു.

യഹോ​വ​യു​ടെ സാക്ഷി​ക​ളു​ടെ കൂടെ ബൈബിൾ പഠിച്ചു​തു​ട​ങ്ങി​യ​പ്പോൾ ഞാൻ പല കാര്യ​ങ്ങ​ളും മനസ്സി​ലാ​ക്കി. ദൈവ​ത്തി​ന്റെ പേര്‌ എന്താണ്‌, മരിക്കു​മ്പോൾ എന്തു സംഭവി​ക്കും, ദൈവ​ത്തി​ന്റെ ഉദ്ദേശ്യം നടപ്പാ​ക്കു​ന്ന​തിൽ യേശു​വി​ന്റെ പങ്ക്‌ എന്താണ്‌ ഇതൊക്കെ. അങ്ങനെ ഒടുവിൽ ഞാൻ ബൈബിൾ എന്ന മനോ​ഹ​ര​മായ ഗ്രന്ഥവു​മാ​യി പരിച​യ​ത്തി​ലാ​യി. പഠിക്കുന്ന സത്യങ്ങൾ മറ്റുള്ള​വരെ അറിയി​ക്കു​ന്ന​തും എനിക്കു വലിയ സന്തോ​ഷ​മാ​യി. ദൈവ​മു​ണ്ടെന്ന്‌ എനിക്കു പണ്ടുമു​തലേ അറിയാ​മാ​യി​രു​ന്നെ​ങ്കി​ലും ഇപ്പോ​ഴാ​ണു ദൈവം എന്റെ ഏറ്റവും അടുത്ത സുഹൃ​ത്താ​യത്‌. പ്രാർഥ​ന​യി​ലൂ​ടെ ദൈവ​ത്തോട്‌ എന്തും തുറന്നു​പ​റ​യാ​നും എനിക്ക്‌ ഇപ്പോൾ കഴിയു​ന്നു. 2004 ജൂലൈ 12-നു ഞാൻ ഒരു യഹോ​വ​യു​ടെ സാക്ഷി​യാ​യി സ്‌നാ​ന​മേറ്റു. ആറു മാസം കഴിഞ്ഞ​പ്പോൾ മറ്റുള്ള​വരെ ബൈബിൾസ​ത്യ​ങ്ങൾ അറിയി​ക്കാൻ ഞാൻ മുഴു​സ​മയം പ്രവർത്തി​ക്കാൻ തുടങ്ങി.

അഞ്ച്‌ വർഷം ഞാൻ ന്യൂ​യോർക്കി​ലെ ബ്രൂക്‌ലി​നി​ലുള്ള യഹോ​വ​യു​ടെ സാക്ഷി​ക​ളു​ടെ ലോകാ​സ്ഥാ​നത്ത്‌ സേവനം ചെയ്‌തു. അവിടെ ബൈബി​ളു​ക​ളും ബൈബിൾ പ്രസി​ദ്ധീ​ക​ര​ണ​ങ്ങ​ളും നിർമി​ക്കു​ന്ന​തിൽ പങ്കെടു​ക്കാ​നും എനിക്കു കഴിഞ്ഞു. അതിലൂ​ടെ ലോക​ത്തി​ന്റെ എല്ലാ ഭാഗങ്ങ​ളി​ലു​മുള്ള ദശലക്ഷ​ക്ക​ണ​ക്കിന്‌ ആളുകളെ സഹായി​ക്കാൻ കഴിഞ്ഞ​തി​ന്റെ സന്തോഷം എനിക്കു കിട്ടി. ഇപ്പോ​ഴും യഹോ​വ​യെ​ക്കു​റിച്ച്‌ അറിയാൻ മറ്റുള്ള​വരെ സഹായി​ക്കു​ന്നതു ഞാൻ ഒരുപാട്‌ ആസ്വദി​ക്കു​ന്നു.