“എല്ലാ നല്ല ദാനങ്ങ​ളും തികവുറ്റ സമ്മാന​ങ്ങ​ളും മുകളിൽനിന്ന്, ആകാശ​ത്തി​ലെ വെളി​ച്ച​ങ്ങ​ളു​ടെ പിതാ​വിൽനിന്ന്, വരുന്നു.” (യാക്കോബ്‌ 1:17) ഈ തിരു​വെ​ഴുത്ത്‌ നമ്മുടെ ദൈവ​വും സ്വർഗീയ പിതാ​വും ആയ യഹോ​വ​യു​ടെ ഉദാര​മ​നസ്സ് തുറന്നു​കാ​ണി​ക്കു​ന്നു. ഒരുപാട്‌ സമ്മാനങ്ങൾ മനുഷ്യ​കു​ടും​ബ​ത്തി​നു ദൈവം നൽകി​യി​ട്ടു​ണ്ടെ​ന്നത്‌ സത്യം​തന്നെ. അതിൽ ഒരെണ്ണം മറ്റെല്ലാ​റ്റി​നെ​ക്കാ​ളും മികച്ചു​നിൽക്കു​ന്നു. ഏതാണ്‌ അത്‌? യോഹ​ന്നാൻ 3:16-ൽ രേഖ​പ്പെ​ടു​ത്തി​യി​രി​ക്കുന്ന യേശു​വി​ന്‍റെ വാക്കുകൾ ഏറെ പ്രസി​ദ്ധ​മാണ്‌: “തന്‍റെ ഏകജാ​ത​നായ മകനിൽ വിശ്വ​സി​ക്കുന്ന ആരും നശിച്ചു​പോ​കാ​തെ അവരെ​ല്ലാം നിത്യ​ജീ​വൻ നേടാൻ ദൈവം അവനെ ലോക​ത്തി​നു​വേണ്ടി നൽകി. അത്ര വലുതാ​യി​രു​ന്നു ദൈവ​ത്തി​നു ലോക​ത്തോ​ടുള്ള സ്‌നേഹം.”

ഒരു മനുഷ്യ​നു ലഭിക്കാ​വു​ന്ന​തിൽവെച്ച് ഏറ്റവും വലിയ സമ്മാന​മാണ്‌ ദൈവം നമുക്കാ​യി നൽകി​യി​രി​ക്കു​ന്നത്‌. ദൈവ​ത്തി​ന്‍റെ ഏകജാ​ത​നായ മകനെ. ആ സമ്മാന​ത്തി​ലൂ​ടെ മാത്രമേ പാപത്തി​ന്‍റെ​യും വാർധ​ക്യ​ത്തി​ന്‍റെ​യും മരണത്തി​ന്‍റെ​യും അടിമ​ത്ത​ത്തിൽനിന്ന് ഒരു വ്യക്തിക്ക് മോചി​ത​നാ​കാൻ കഴിയൂ. (സങ്കീർത്തനം 51:5; യോഹ​ന്നാൻ 8:34) നമ്മൾ എത്രതന്നെ കിണഞ്ഞു പരി​ശ്ര​മി​ച്ചാ​ലും അതിനാ​വില്ല. എന്നാൽ ദൈവം തന്‍റെ വലിയ സ്‌നേ​ഹ​ത്തി​ലൂ​ടെ അതിൽനിന്ന് വിടു​വി​ക്കാൻ ആവശ്യ​മായ കാര്യങ്ങൾ ചെയ്‌തു. ദൈവ​മായ യഹോവ ഏകജാത മകനായ യേശു​ക്രി​സ്‌തു​വി​നെ ഒരു മോച​ന​വി​ല​യാ​യി തന്നതി​ലൂ​ടെ അനുസ​ര​ണ​മുള്ള മനുഷ്യർക്ക് നിത്യം ജീവി​ക്കാ​നുള്ള പ്രത്യാശ ലഭിച്ചു. എന്നാൽ എന്താണ്‌ മോച​ന​വില? അത്‌ ആവശ്യ​മാ​യി​രി​ക്കു​ന്നത്‌ എന്തു​കൊണ്ട്? അതിൽനിന്ന് നമുക്ക് എങ്ങനെ പ്രയോ​ജനം നേടാം?

നഷ്ടപ്പെ​ട്ടു​പോ​യ എന്തെങ്കി​ലും തിരികെ വാങ്ങുന്നതിനോ അടിമത്തത്തിൽനിന്ന് മോചനം നേടു​ന്ന​തി​നോ വേണ്ടി കൊടു​ക്കുന്ന വിലയാണ്‌ മോച​ന​വില. ബൈബിൾ പറയു​ന്നത്‌, നമ്മുടെ ആദ്യമാ​താ​പി​താ​ക്ക​ളായ ആദാമും ഹവ്വയും പാപം ഇല്ലാത്ത​വ​രാ​യി സൃഷ്ടി​ക്ക​പ്പെ​ട്ടെ​ന്നാണ്‌. അവർക്കും അവർക്ക് ജനിക്കാൻപോ​കുന്ന സന്തതി​കൾക്കും ഭൂമി​യി​ലെ പറുദീ​സ​യിൽ എന്നു​മെ​ന്നേ​ക്കും ജീവി​ക്കാ​നുള്ള അതിമ​ഹ​ത്തായ അവസര​മു​ണ്ടാ​യി​രു​ന്നു. (ഉൽപത്തി 1:26-28) എന്നാൽ ദൈവ​ത്തോട്‌ അനുസ​ര​ണ​ക്കേട്‌ കാണി​ച്ചു​കൊണ്ട് അവർ അതെല്ലാം കളഞ്ഞു​കു​ളി​ച്ചു എന്നതാണ്‌ സങ്കടക​ര​മായ കാര്യം. അങ്ങനെ അവർ പാപി​ക​ളാ​യി. എന്തായി​രു​ന്നു പരിണ​ത​ഫലം? ബൈബിൾ പറയുന്നു: “ഒരു മനുഷ്യ​നി​ലൂ​ടെ പാപവും പാപത്തി​ലൂ​ടെ മരണവും ലോക​ത്തിൽ കടന്നു. അങ്ങനെ എല്ലാവ​രും പാപം ചെയ്‌ത​തു​കൊണ്ട് മരണം എല്ലാ മനുഷ്യ​രി​ലേ​ക്കും വ്യാപി​ച്ചു.” (റോമർ 5:12) തന്‍റെ മക്കൾക്ക് പൂർണ​ത​യുള്ള ഒരു ജീവിതം കൈമാ​റു​ന്ന​തി​നു പകരം പാപവും അതിന്‍റെ ഫലമായി മരണവും ആദാം കൈമാ​റി.

മോച​ന​വി​ല കൊടു​ക്കു​മ്പോൾ, നഷ്ടപ്പെട്ട കാര്യ​ത്തിന്‌ തുല്യ​മായ ഒന്നാണ്‌ തിരികെ നൽകേ​ണ്ടത്‌. ദൈവ​ത്തോട്‌ മനഃപൂർവം അനുസ​ര​ണ​ക്കേട്‌ കാണി​ച്ച​പ്പോൾ ആദാം പാപം ചെയ്യു​ക​യാ​യി​രു​ന്നു. അതിലൂ​ടെ പൂർണ​ത​യുള്ള മനുഷ്യ​ജീ​വ​നാ​ണു നഷ്ടപ്പെ​ടു​ത്തി​യത്‌. അതായത്‌ ആദാമി​ന്‍റെ ജീവൻ. ബൈബിൾ പറയു​ന്ന​ത​നു​സ​രിച്ച് അതു​കൊ​ണ്ടാണ്‌ ആദാമി​ന്‍റെ പിൻത​ല​മു​റ​ക്കാർ പാപത്തി​നും മരണത്തി​നും അടിമ​ക​ളാ​യി​ത്തീർന്നത്‌. എന്നാൽ മറ്റൊരു പൂർണ​ത​യുള്ള ഒരു മനുഷ്യ​ജീ​വൻ, അതായത്‌ യേശു​വി​ന്‍റെ പൂർണ​ത​യുള്ള ജീവൻ, ഒരു ബലിയായി അർപ്പിച്ചതിലൂടെ ആ അടിമ​ത്ത​ത്തിൽനിന്ന് ഒരു വിടുതൽ സാധ്യ​മാ​യി. (റോമർ 5:19; എഫെസ്യർ 1:7) ദൈവം സ്‌നേ​ഹ​പു​ര​സ്സരം ഈ മോച​ന​വില നൽകി​യ​തു​കൊണ്ട് മാത്ര​മാണ്‌ ആദാമും ഹവ്വയും നഷ്ടപ്പെ​ടു​ത്തിയ പ്രത്യാശ മാനവ​കു​ടും​ബ​ത്തി​നു തിരികെ ലഭിച്ചത്‌. അതായത്‌ പറുദീ​സാ​ഭൂ​മി​യി​ലെ നിത്യ​ജീ​വൻ.​—വെളി​പാട്‌ 21:3-5.

മോച​ന​വി​ല​യി​ലൂ​ടെ സാധ്യ​മാ​ക്കുന്ന കാര്യ​ത്തെ​ക്കു​റിച്ച് ചിന്തി​ക്കു​മ്പോൾ, നിത്യ​ജീ​വൻ നേടി​ത്ത​രുന്ന ദൈവ​ത്തി​ന്‍റെ ആ സമ്മാന​മാണ്‌ ലഭിക്കാ​വു​ന്ന​തിൽവെച്ച് ഏറ്റവും വലിയ​തെന്ന കാര്യ​ത്തിൽ ഒരു സംശയ​വും വേണ്ട. മുൻലേ​ഖ​ന​ത്തിൽ, ഒരു സമ്മാനം കൊടു​ക്കു​മ്പോൾ ശ്രദ്ധി​ക്കേണ്ട ഘടകങ്ങൾ എന്തെല്ലാ​മാ​ണെന്നു നമ്മൾ ചർച്ച ചെയ്യു​ക​യു​ണ്ടാ​യി. ആ ഘടകങ്ങൾ മനസ്സിൽ പിടി​ച്ചു​കൊണ്ട് ദൈവം തന്ന ആ ‘തികവുറ്റ സമ്മാനത്തെ’ നമുക്ക് ഒന്ന് വിലയി​രു​ത്തി​നോ​ക്കാം.

ആഗ്രഹങ്ങൾ തൃപ്‌തി​പ്പെ​ടു​ത്തു​ന്നു. എന്നേക്കും ജീവി​ക്കാ​നുള്ള ഒരു ആഗ്രഹം മനുഷ്യന്‌ ജന്മനാ ഉണ്ട്. (സഭാ​പ്ര​സം​ഗകൻ 3:11) നമുക്ക് സ്വന്തമാ​യി ആ ആഗ്രഹം തൃപ്‌തി​പ്പെ​ടു​ത്താൻ കഴിയില്ല. എന്നാൽ മോച​ന​വി​ല​യി​ലൂ​ടെ നമുക്ക് അത്‌ സാധ്യ​മാ​കും. ബൈബിൾ പറയുന്നു: “പാപം തരുന്ന ശമ്പളം മരണം. ദൈവം  തരുന്ന സമ്മാന​മോ നമ്മുടെ കർത്താ​വായ ക്രിസ്‌തു​യേ​ശു​വി​ലൂ​ടെ​യുള്ള നിത്യ​ജീ​വ​നും.”​—റോമർ 6:23.

ആവശ്യങ്ങൾ തൃപ്‌തി​പ്പെ​ടു​ത്തു​ന്നു. മനുഷ്യർക്ക് ആർക്കും മോച​ന​വില കൊടു​ക്കാ​നാ​കില്ല. ബൈബിൾ വിശദീ​ക​രി​ക്കു​ന്നു: മനുഷ്യ​നെ “വീണ്ടെ​ടു​ക്കാ​നോ അവനു​വേണ്ടി ദൈവ​ത്തി​നു മോച​ന​വില നൽകാ​നോ” ആർക്കും കഴിയില്ല. (സങ്കീർത്തനം 49:8) പാപത്തി​ന്‍റെ​യും മരണത്തി​ന്‍റെ​യും അടിമ​ത്ത​ത്തിൽനിന്ന് മോചനം ലഭിക്കാൻ നമുക്ക് ദൈവ​ത്തി​ന്‍റെ സഹായം കൂടിയേ തീരൂ. അതു​കൊണ്ട് ദൈവം “ക്രിസ്‌തു​യേശു നൽകിയ മോച​ന​വി​ല​യാൽ” നമുക്ക് ഏറ്റവും ആവശ്യ​മാ​യി​രുന്ന കാര്യം​തന്നെ നമുക്കാ​യി നൽകി.​—റോമർ 3:23, 24.

ഉചിത​മാ​യ സമയം. ബൈബിൾ പറയുന്നു: “നമ്മൾ പാപി​ക​ളാ​യി​രി​ക്കു​മ്പോൾത്ത​ന്നെ​യാ​ണു ക്രിസ്‌തു നമുക്കു​വേണ്ടി മരിച്ചത്‌.” (റോമർ 5:8) “നമ്മൾ പാപി​ക​ളാ​യി​രി​ക്കു​മ്പോൾത്തന്നെ” ദൈവം നമുക്കാ​യി മോച​ന​വില തന്നതു​കൊണ്ട് നമ്മളോ​ടുള്ള ദൈവ​സ്‌നേ​ഹ​ത്തി​ന്‍റെ ആഴം ഇത്‌ വെളി​പ്പെ​ടു​ത്തു​ന്നു. പാപത്തി​ന്‍റെ പരിണ​ത​ഫലം നമ്മൾ അനുഭ​വി​ക്കേ​ണ്ടി​വ​രു​മെ​ങ്കി​ലും പ്രത്യാ​ശ​യോ​ടെ ഒരു നല്ല ജീവി​ത​ത്തി​നാ​യി കാത്തി​രി​ക്കാൻ ഇത്‌ നമുക്ക് അവസര​മേ​കു​ന്നു.

നിസ്സ്വാർഥ​മാ​യ നല്ല ആന്തരം. തന്‍റെ പുത്രനെ മോച​ന​വി​ല​യാ​യി കൊടു​ക്കാൻ ദൈവത്തെ പ്രേരി​പ്പി​ച്ചത്‌ എന്താ​ണെന്ന് ബൈബിൾ വ്യക്തമാ​ക്കു​ന്നു: “തന്‍റെ ഏകജാ​ത​നി​ലൂ​ടെ നമുക്കു ജീവൻ ലഭിക്കാൻവേണ്ടി ദൈവം ആ മകനെ ലോക​ത്തേക്ക് അയച്ചു. ഇതിലൂ​ടെ ദൈവ​ത്തി​നു നമ്മളോ​ടുള്ള സ്‌നേഹം വെളി​പ്പെ​ട്ടി​രി​ക്കു​ന്നു. നമ്മൾ ദൈവത്തെ സ്‌നേ​ഹി​ച്ചി​ട്ടല്ല,” പകരം ദൈവം നമ്മളെ സ്‌നേ​ഹി​ച്ച​തു​കൊ​ണ്ടാണ്‌ അങ്ങനെ ചെയ്‌തത്‌.​—1 യോഹ​ന്നാൻ 4:9, 10.

ലഭിക്കാ​വു​ന്ന​തി​ലേ​ക്കും വെച്ച് ഏറ്റവും വലിയ സമ്മാനത്തെ നിങ്ങൾ വിലമ​തി​ക്കു​ന്നെന്ന് എങ്ങനെ കാണി​ക്കാ​നാ​കും? യോഹ​ന്നാൻ 3:16-ലെ യേശു​വി​ന്‍റെ​തന്നെ വാക്കുകൾ അനുസ​രിച്ച്, യേശു​വിൽ “വിശ്വ​സി​ക്കുന്ന”വരാണ്‌ രക്ഷപ്പെ​ടു​ന്നത്‌. വിശ്വാ​സം എന്നതി​നെ​ക്കു​റിച്ച് ബൈബിൾ പറയു​ന്നത്‌ ഇതാണ്‌: ‘പ്രത്യാ​ശി​ക്കുന്ന കാര്യങ്ങൾ സംഭവി​ക്കു​മെന്ന ഉറച്ച ബോധ്യം.’ (എബ്രായർ 11:1) അങ്ങനെ ഒരു ബോധ്യം ഉണ്ടായി​രി​ക്കാൻ സൂക്ഷ്മ​പ​രി​ജ്ഞാ​നം അത്യന്താ​പേ​ക്ഷി​ത​മാണ്‌. ഇക്കാര​ണ​ത്താൽ ‘തികവുറ്റ സമ്മാനം’ നമുക്കാ​യി നൽകിയ ദൈവ​മായ യഹോ​വ​യെ​ക്കു​റിച്ച് പഠിക്കാൻ ഞങ്ങൾ നിങ്ങളെ പ്രോ​ത്സാ​ഹി​പ്പി​ക്കു​ന്നു. ഒപ്പം യേശു​വി​ന്‍റെ മോച​ന​വി​ല​യി​ലൂ​ടെ സാധ്യ​മാ​കുന്ന നിത്യ​ജീ​വൻ ആസ്വദി​ക്കാൻ നിങ്ങൾ എന്തു ചെയ്യണ​മെ​ന്നും പഠിക്കുക.

www.pr418.com എന്ന സൈറ്റി​ലുള്ള തിരു​വെ​ഴു​ത്തു​വി​വ​രങ്ങൾ പരി​ശോ​ധി​ക്കു​ന്നെ​ങ്കിൽ നിങ്ങൾക്ക് ഇവയെ​ക്കു​റിച്ച് പഠിക്കാ​നാ​കും. നിങ്ങളെ സഹായി​ക്കാൻ യഹോ​വ​യു​ടെ സാക്ഷി​കൾക്കു സന്തോ​ഷ​മേ​യു​ള്ളൂ. ലഭിക്കാ​വു​ന്ന​തി​ലേ​ക്കും വെച്ച് ഏറ്റവും വലിയ സമ്മാന​ത്തെ​ക്കു​റിച്ച് പഠിക്കു​ന്തോ​റും “നമ്മുടെ കർത്താ​വായ യേശു​ക്രി​സ്‌തു​വി​ലൂ​ടെ ദൈവ​ത്തി​നു നന്ദി!” എന്ന് നിറഞ്ഞ മനസ്സോ​ടെ പറയാൻ നിങ്ങൾ പ്രേരി​ത​രാ​കു​മെന്ന് ഞങ്ങൾക്ക് പൂർണ ഉറപ്പുണ്ട്.​—റോമർ 7:25.