Yel-bũnã sebre 23:1-35
23 Fo sã n wa zĩnd n na n dɩ ne rĩma,bɩ f gũus ne bũmb ning sẽn be fo taoorã.
2 Fo sã n nonga rɩɩbo,bɩ f yõk f menga.*
3 Ra tʋlg a rɩ-noodã ye.Bala yaa rɩɩb sẽn belgd neda.
4 Ra nams f meng wʋsg n bao paoong ye.+
Bas rẽ la f wilg tɩ f tara bãngre.
5 Fo sã n wa wẽnemd n ges paoongã, f mikdame t’a pa le be ye.+Bala hakɩɩka, a na n pusa pɩgs wa sɩlg n yɩk n kuil yĩngri.+
6 Ra rɩ nin-vẽen-ned* rɩɩb ye.Ra tʋlg a rɩ-noodã ye.
7 A yaa wa ned sẽn gʋlsd bũmb fãa n bĩngdẽ.*
A yeta foo yaa: “Rɩ la f yũ.” La yaool n pa yit a sũurẽ wã ye.*
8 Fo na n wʋba fo sẽn dɩ wã.Fo sẽn pẽg-a wã na n yɩɩ zaalem.
9 Ra bao n zãms yalem bũmb ye.+Bala a na n paooga fo yam goamã.+
10 Ra serg pĩnd wẽndẽ toadg bãnde,+wall f wõrg kɩɩbs* pʋʋg ye.
11 Bala b Sõangdã* tara pãnga.A na n deega b zĩig n zab ne foo.+
12 Sak kiblg ne f sũur fãa,tɩ f tʋbrã me kelg yam goama.
13 Ra bas n pa kibl biig*+ ye.
Fo sã n wẽ-a ne rasaare, a pa na n ki ye.
14 Fo segd n pãb-a-la ne rasaare,sẽn na yɩl n fãag-a* ne Yaoogã.*
15 M biiga, fo sã n lebg yam soaba,*mam sũur na n yɩɩ noogo.+
16 Fo no-bɩmsã sã n gomd sẽn yaa tɩrga,mam sũurã fãa* na n pida ne sũ-noogo.
17 Ra maan sũ-kiir ne yel-wẽn-maandbã ye.+Yaa a Zeova la fo segd n zoe wakat fãa.+
18 Rẽ la f beoog na n yɩ neere,+tɩ f sẽn saagd n na n paam bũmb ningã me pa vaal ye.
19 M biiga, kelg n lebg yam soaba,la f kɩt tɩ f sũurã tees so-tɩrgã.
20 Ra naag sẽn yũud-b divẽ tɩ loogd noorã,+ne sẽn wãbd-b nemd wʋsgã ye.+
21 Bala rã-yũud-kãasã ne yão-be-nebã na n lebga naong rãmba.+Ned sẽn nong gõeem na n yelga fu-kʋɩdse.
22 Kelg f ba sẽn dog foomã,la f ra paoog f ma a sẽn kʋʋl yĩng ye.+
23 Ra* sɩdã, la f ra tol n koos-a ye.+Maan woto me ne yam, kiblg la bãngre.+
24 Sãmbg sẽn kae, nin-tɩrg ba sũur na n yɩɩ noogo.Rao ning sẽn dog biig sẽn tar yam sũur na n yɩɩ noog ne-a.
25 Fo ba wã ne f ma wã na n kɩdma sũ-noogo.Pag ning sẽn dog foomã sũur na n yɩɩ noogo.
26 M biiga, kelg maam ne f sũur fãa,la f rɩk mam togs-n-taar ne sũ-noogo.+
27 Bala pʋg-yoodr yaa wa bog-zulunga.Pag sẽn yood* yaa wa bulg sẽn yaa sẽka.+
28 A wũgame n gũud wa fãada.+A paasda rap nins sẽn pa maand sɩdã sõore.
29 Ãnda n tar toogo? Ãnda n maand yɩɩre?
Ãnda n zabde? Ãnda n yẽgemde?
Ãnda n pogl zaalem yĩnga? Ãnda nin n mo?*
30 Yaa sẽn yũud-b divẽ n kaoosdẽ wã,+sẽn baood-b* divẽ sẽn yaa toosã.
31 Ra ges divẽ nengã sẽn yaa miuugã,a sẽn wat n be laokã pʋgẽ n yaa neere, t’a yũub noomẽ wã ye.
32 Bala a wat n kɛɛ wa waafo,n yiisd zẽnem wa põeere.
33 Fo ninã na n yãa bõn-sãamse,tɩ f sũurã kɩt tɩ f tagsd bõn-wẽns yelle.+
34 Fo na n yɩɩ wa ned sẽn gãe mogrã tẽn-sʋka,la wa ned sẽn gãe koom-koglg raoog ning sẽn yas sellã zug tẽn-sʋka.
35 Fo na n yeelame: “B wẽe maam, la pa zab-m ye.
B pãba maam, la mam pa bãng ye.
Wakat bʋg la m na n neke?+
Mam data rãam n paase.”*
Vẽnegr toor-toore
^ Ebre, “bɩ f ning sʋʋg f kokorẽ wã.”
^ Bɩ, “ned nif sẽn yaa wẽng.”
^ Bɩ, “sẽn geend a sɩɩgã pʋgẽ.”
^ Ebre, “La a sũurã pa be ne foo ye.”
^ Ebre, “kamb sẽn pa tar ba.”
^ Ebre, “Fãagdã.”
^ Ebre, “bi-ribl.” Bɩ, “bi-bɩɩg.”
^ Bɩ, “fãag a sɩɩgã.”
^ Ges-y gom-biis võor bilgrã zĩigẽ.
^ Ebre, “fo sũurã sã n lebg yam soaba.”
^ Ebre, “yiimã.”
^ Bɩ, “Bao.”
^ Bɩ, “n pa ne sõma?”
^ Bɩ, “sẽn tigimd-b taab n na n lemb.”
^ Bɩ, “Mam na n le baoo rãam.”
