Ezayi sebre 10:1-34
10 Toog na paam neb nins sẽn gʋlsd noy sẽn pa sõma wã,+b rãmb nins sẽn yiisd tõod n na n weoog nebã,
2 n na n kɩt tɩ naong soab ra tɩ bao a yell manegr bʋʋd roogẽ,n mongd mam nin-buiidã nimbãan-nebã bʋʋm,+n zɛɛd pʋg-kõap teedo,la b fãad kɩɩbsã!*+
3 Yãmb na n maana wãn sɩbgrã daare,+sãoongã sã n wa yi zĩ-zãrgẽ n wa?+
Ãnd nengẽ la y na n zoe n kẽng n tɩ paam sõngre,+la yɛ la y na n bas y arzɛgsã?*
4 Sẽn ket bal yaa y naag b sẽn yõg b rãmbã n kuudẽ,wall y naag b sẽn kʋ b rãmbã n ki.
B kɩɩsgã fãa yĩnga, Wẽnnaam sũ-puugrã pa sig ye.A nugã ket n tẽegame n na n wẽ.+
5 Ad a sẽn yete: “Ad Asiiri nedã!+A yaa raoog mam sẽn na n tall n wilg m sũ-puugrã,+la m na n talla dasaar ning sẽn be a nugẽ wã n wa ne sɩbgre!
6 Mam na n tʋm-a lame t’a tɩ zab ne buud sẽn yaa wẽn-kɩɩsda,+n zab ne nin-buiid sẽn yik mam sũuri.Mam na n kõ-a-la noor t’a tɩ zɛ teed wʋsg la a fã teed wʋsgo,la a tab-b wa sor zug bɛgdo.+
7 La a pa na n tʋlg n maan dẽ ye.A pa na n mag woto a sũurẽ ye.Bala sẽn be a sũurẽ wã yaa sãam zãnga,n menes buud wʋsgo. Pa bilf ye.
8 Bala yẽ yetame yaa:‘Mam nanambsã fãa pa rĩm-dãmb sɩda?+
9 Kalno+ pa wõnd Karkemis+ sɩda?
Hamat+ pa wa Arpaad+
tɩ Samari+ me yaa wa Damaas+ sɩda?
10 Mam nugã taa soolem nins sẽn da tũud wẽn-faadã,b rãmb nins bõn-naandsã sẽn da yɩɩd Zerizalɛm ne Samari wã!+
11 Mam kõn maan Zerizalɛm ne a bõn-naandsãwa m sẽn maan Samari ne a wẽn-faadã sɩda?’+
12 “A Zeova sã n tʋm a tʋʋmdã fãa Siyõ tãngã zug ne Zerizalɛm n sa, a na n sɩbga Asiiri rĩmã a nin-pa-nandmã, a wuk-m-mengã la a tɩtaamã yĩnga.+
13 Bala yẽ yetame yaa:‘Mam na n maana bõn-kãng ne mam nugã pãnga,la ne m yamã, bala mam yaa yam soaba.
Mam na n yãgsa nin-buiid todse,+n fã b arzɛgsã,+la m soog nin-buiidã wa gãndaoogo.+
14 Mam nugã na n wʋka nin-buiid arzɛgswa ned nug sẽn ta liuul tʋko.La mam na n wʋka tẽngã bũmba fãawa ned sẽn wʋkd gɛl b sẽn daag n base!
Ned baa a ye pa na n pigimd a pɩgsa, wall a yaag a noor bɩ n yɩ fẽõ ye.’”
15 Lar na wuk a meng ne ned ning sẽn tar-a n kɛɛdẽ wã sɩda?
Ra-wãad sĩ na zẽk a meng ne ned ning sẽn tar-a n wãadẽ wã?
Rẽ yĩnga, dasaar+ tõe n kɩtame tɩ ned ning sẽn zẽkd yẽ wã serge,
bɩ raoog tõe n zẽka ned ning sẽn zãad-a wã sɩda?
16 Woto yĩnga, Zu-soab sɩd-sɩd a Zeova sẽn yaa tãb-biis naabãna n kɩtame t’a neb* nins sẽn nobã faage,+la a yõgen bugum sẽn dɩt zirg-zirg+ a ziirã tẽngre.
17 Israyɛll Vẽenemã+ na n lebga bugum,+t’a Sõng soabã lebg bug-witim.A na n widame n dɩ a moodã ne a gõos tuudã daar-n-yɛnga.
18 A na n menesa a weoogã ne a tɩ-womdsã zĩig ziirã fasɩ.Na n yɩɩ wa bãad pãng sẽn tar boogre.+
19 A weoogã tɩɩsã sẽn kellãna n lebga kar-kare, hal tɩ bi-bilf tõe n sõd-ba.
20 Baraare, Israyɛll neb nins sẽn na n kellãne a Zakoob roogã neb nins sẽn na n põsãpa na n le teeg ned ning sẽn wẽ bãmbã ye.+Yaa a Zeova, Israyɛll Sõng soabãla bãmb na n teeg ne b sũur fãa.
21 Yaa neb kell bal n na n lebg n wa,a Zakoob neb nins sẽn kellã n na n lebg n wa Wẽnnaam sẽn tar pãngã nengẽ.+
22 Israyɛlle, baa fo nin-buiidãsẽn yaa wʋsg wa mogrã bĩisrã,bãmb sʋkã neb kell bal n na n lebg n wa.+
Wẽnnaam yãka yam n na n wa ne sãoongo,+la tɩrlem* na n dɩɩ bãmb wa sa-kãseng koom.+
23 N-ye! Sãoong ning Zu-soab sẽn ka to a Zeova sẽn yaatãb-biis naabãsẽn yãk yam n na n wane wãna n taa soolmã fãa zugu.+
24 Rẽ wã, ad Zu-soab sẽn ka to a Zeova sẽn yaa tãb-biis naabã sẽn yeele: “Mam nin-buiidã sẽn be Siyõ wã, ra zoe-y Asiiri nedã sẽn da pãbd yãmb ne a rasaarã,+ la a ra zẽkd a raoogã yãmb zug wa Ezɩpt sẽn da maandã ye.+
25 Bala keta bilf tɩ m sũ-puugrã ta a tɛka. La m sũ-yikrã na n yɩɩ bãmb sãoongo.+
26 Tãb-biis naab a Zeova na n zẽka kalwaas yẽ yĩng+ wa a sẽn da tõog Madiyã nebã Orɛɛb pĩigẽ wã.+ A na n tẽega a rasaarã mogrã zugu, la a zẽk-a wa a sẽn da maan Ezɩptã.+
27 Baraare, yẽ zɩɩbã na n yii yãmb baokẽ,+a yubl-balgdgã na n yii yãmb yublẽ,+la kaamã na n kɩtame tɩ yubl-balgdgã kao.+
28 Yẽ waa Ayate.+A tũu Migron.A sikda a teedã Mikmaase.+
29 Bãmb rʋʋga kʋɩlgã.Bãmb gãee Geba+ yʋngã.Rama rigda rabeem, Gibeya+ sẽn yaa a Sayull tẽngã zoeeme.+
30 Galim bi-pugla, kelem la f kaase!
Layiisa, gũusi!
Anatote,+ m kʋmd-fo!
31 Madmena zoeeme.
Gebim nebã baoo solgr zĩiga.
32 Baraare, a na n yalsa Noobe.+
A zẽkda a nug-gilg n bugsd Siyõ bi-puglã tãngã,Zerizalɛm kunkubrã.
33 Ade! Tãb-biis naab a Zeova sẽn yaa Zu-soab sɩd-sɩdãyolemda wilã ne bʋr-kãsenga.+A kɛɛda tɩ-wogdã n lubdẽ,la a sikd sẽn yaa-b lug-lugã.
34 A kɛɛda weoogã kãgr fãa ne lare,la gãndaoog n na n lub Libã.
Vẽnegr toor-toore
^ Bɩ, “kamb sẽn pa tar ba-rãmbã.”
^ Bɩ, “ziirã.”
^ Rat n yeel tɩ “Asiiri nebã.”
^ Bɩ, “sɩbgr.”
