Ezayi sebre 29:1-24
29 “Toog na paam Ariyɛlle,* Ariyɛll sẽn yaa tẽng ning a Davɩɩd sẽn da tɩ tilg a tãb-sikã!+
Yʋʋmd ne a to fãa,ket-y n maand-y tig toɛy-toɛyã fãa.+
2 La mam na n waa ne toog Ariyɛlle.+Na n yɩɩ sũ-sãang ne wiisgu.+Ne maam, a na n lebga wa Wẽnnaam tẽn-kugr bug-toaalga.+
3 Mam na n tilga sik n gũbg foom, n zab ne-fo.Mam na n tilga yãgr n gũbg foom,la m zam tãnd n dʋ n zab ne foom.+
4 B na n sika foom tẽnga.Fo na n paa tẽngã n gome,la tomã na n kɩtame tɩ b pa wʋmd fo sẽn yetã ye.
Fo koɛɛgã rãamd na n yita tẽngr+wa ned sẽn gomd ne kɩɩms koɛɛga,la fo goamã na n yɩɩ wa ned sẽn walemd tomẽ.
5 Fo bɛɛbã* sẽn yaa neb kʋʋngã na n yɩɩ wa tom-bãanega.+Nin-toosã sẽn yaa neb kʋʋngã na n yɩɩ wa wudg sobg sẽn dɩkde.+
Na n yɩɩ zĩig pʋgẽ, tao-tao.+
6 Tãb-biis naab a Zeova na n gesa fo yell n fãag foo.Na n yɩɩ ne sa-tãs la tẽn-digimdg la bʋr-kãsenga,n paas sob-kẽeng ne sa-kẽeng la bug-witim sẽn dɩte.”+
7 Dẽ, buud toɛy-toɛyã fãa neb kʋʋngã sẽn zabd ne Ariyɛllã,+b rãmb nins fãa sẽn zabd ne-a wã,gasdã b sẽn maan n zabd ne-a wã,la b rãmb nins sẽn wat ne toog a zugãna n lebga wa zãmsdo, wa ned sẽn paam vẽnegr ne yʋngo.
8 Na n yɩɩ wa kom sẽn tar ned t’a gõe n zãmsdẽ t’a rɩtame,n yaool n nek t’a pʋg yaa vɩʋʋgo,la wa ko-yũud sẽn tar ned t’a gõe n zãmsdẽ t’a yũuda koom,n yaool n nek tɩ yaams la ko-yũud tar-a.
Woto n na n paam buud toɛy-toɛyã fãa neb kʋʋngãsẽn zabd ne Siyõ tãngã.+
9 Bɩ y yɛɛs tɩ ling-yã.+Bɩ y mum y ninã n lebg zoense.+
Bãmb suume, la pa divẽ yĩng ye.B langdame, la pa rãam yĩng ye.
10 Bala a Zeova kɩtame tɩ y lebg wa neb sẽn gõe tamm.+A muma yãmb ninã, rat n yeel tɩ y no-rɛɛsdbã.+La a pil y zutã, rat n yeel tɩ y bãngdbã.+
11 Ne yãmba, vẽnegr fãa lebga wa goam sẽn be sebr sẽn sog pʋgẽ.+ B sã n dɩk-a n kõ ned sẽn tõe n karme, n kos-a t’a zẽk a koɛɛg n karme, a na n yeelame yaa: “Mam pa tõe ye. Bala b sog-a lame.”
12 La b sã n dɩk sebrã n kõ ned sẽn pa mi kareng n kos-a t’a karme, a na n leokame yaa: “Mam pa mi kareng baa bilf ye.”
13 A Zeova yeelame yaa: “Bu-kãngã nebã kolgda maam ne noore,n waoogd maam ne b no-bɩmse,+la b sũyã zãra ne maam.Bãmb sẽn zoet maamã tika ninsaalb tõod b sẽn zãms-ba.+
14 Woto wã, mam yaa soab ning sẽn na n le maan bõn-kãsems n ling nin-kãensa wã.+Na n yɩɩ yel-solemd woo yel-solemde.Bãmb yam dãmbã yam na n sãamame,la b bãngdbã bãngr na n menemame.”+
15 Toog na paam neb nins sẽn maand b sẽn tõe fãa n na n solg a Zeova b magbã.+
B tʋmda b tʋʋmã lik pʋgẽ,la b yetẽ yaa: “Ãnd n ne tõndo?
Ãnd n mi tõnd sẽn maandã?”+
16 Yãmb golemda bũmba fãa!
Yagdã ne tãndã yaa a yembr sɩda?+
Rẽ yĩnga, bũmb ning b sẽn maanã tõe n yeelame
tɩ sẽn maan-a yẽ wã pa maan-a sɩda?+
Bũmb ning b sẽn yagã tõe n yeelame
t’a yagdã pa tar bãngr sɩda?+
17 Ka la bilf bala, Libã na n lebga tɩ-womds zĩiga,+la b na n gesa tɩ-womdsã zĩig wa kãgre.+
18 Baraare, wʋmsã na n wʋma sebrã goamã,la zoensã na n paama b mens ne lik la lik bida, n neẽ.+
19 Sik-m-mens rãmbã na n kɩdma sũ-noog wʋsg a Zeova yĩnga.Naong rãmbã na n maana sũ-noog Israyɛll Sõng soabã yĩnga.+
20 Bala nin-toaagã pa na n le zĩnd ye.Wuk-m-meng soabã na n menemame.B na n sãama neb nins sẽn baood n na n maan wẽngã.+
21 Yaa b rãmb nins sẽn yagd ziri tɩ b taab paamd taale,n bẽt ned ning sẽn gomd bʋ-kaoodb taoor n dat a yell manegr tẽngã rignoore,+la b gomd gom-vɩɩd n kɩtdẽ tɩ nin-tɩrg kongd bʋʋmã.+
22 Woto yĩnga, ad a Zeova sẽn fãag a Abrahaamã+ sẽn yet a Zakoob roogã rãmba:
“A Zakoob pa na n le paam yãnd ye.A pa na n le sulg a zug ye.*+
23 Bala a sã n wa yã a kambãsẽn yaa mam nus tʋʋmã sẽn be a sʋkã,+b na n waooga mam yʋʋrã.*N-ye, b na n waooga a Zakoob Sõng soabã,la bãmb na n zoee* Israyɛll Wẽnnaamã hal wʋsgo.+
24 Neb nins sẽn bʋdgã na n wʋma yɛlã võore,la neb nins sẽn yẽgemdã na n sakame tɩ b zãms-ba.”
Vẽnegr toor-toore
^ Tõe n dat n yeelame tɩ “Wẽnnaam tẽn-kugrã bug-toaalga.” Wõnda yaa Zerizalɛm yell la b sẽn gomdã.
^ Ebre, “sãambã.”
^ Rat n yeel tɩ yãnd la sũ-sãang yĩng ye.
^ Bɩ, “b na n sõmsa mam yʋʋrã.”
^ Bɩ, “n waooga.”
