Ezayi sebre 46:1-13
46 A Bɛll zõondedame,+ a Nebo sulgdame.
Yaa rũms sẽn zɩt zɩɩb la b zɩlgd bãmb bõn-naandsã,+wa teed b sẽn zɩlg rũms sẽn yɛ.
2 B fãa zõondedame, b fãa sulgdame.Bãmb pa tõe n fãag b zɩɩbã ye.*La bãmb mensã rabda yembdo.
3 “Yãmb a Zakoob roogã rãmba, la yãmb a Israyɛll roogã neb nins fãa sẽn kellã,+ kelg-y maam.Yãmb a neb nins mam sẽn teel hal y rogem tɛka, la m zã hal y sẽn wa n ket y ma pʋgẽ wã,+ kelg-y maam.
4 Hal n tãag y kʋʋlem, mam na n kell n yɩɩ m sẽn yaa a soabã.+La hal tɩ yãmb zoobdã wa pelge, mam na n ket n sõngda yãmba.
Mam na n zãa yãmba, n teel yãmb la m fãag yãmb+ wa m sẽn da zoe n maanã.
5 Ãnda la yãmb na n mak ne maam, wall y yeel t’a zema maam?+Ãnda la yãmb na n mak ne maam tɩ d wõneg taaba?+
6 Neb n vaagd sãnem b korgẽ,la b makd wanzuri balãns zugu.
Bãmb yaooda yõak t’a rɩk rẽ n maan bõn-naandga.+
Rẽ poore, bãmb wõgemdeda a taoore. N-ye, bãmb waoogd-a lame.+
7 Bãmb zẽkd-a lame n palg b bãgdẽ,+n tall-a n tɩ sik a zĩigẽ, t’a yas be.
A pa tõe n viig a zĩigẽ wã ye.+
Bãmb kelemd n boond-a lame, la a pa leokd ye.A pa tõe n fãag ned yel-pakr wakat ye.+
8 Tẽeg-y rẽ yell n paam daoodo.
Yãmb a kɩɩsdbã, tags-y bõn-kãng yell neere.
9 Tẽeg-y bũmb nins sẽn zĩnd pĩnd* hal sẽn kaoosã yelle.Tẽeg-y tɩ mam yaa Wẽnnaam, la t’a to kae ye.
Mam yaa Wẽnnaam, la a to kae sẽn yaa wa maam ye.+
10 Hal bũmb sɩngre, mam togsda a baasgo,la mam togsda bũmb nins sẽn nan pa maanã tɩ ket n zãra.+
Mam yetame yaa: ‘Mam yam-yãkrã* na n pidsame,+la mam na n maana bũmb nins fãa sẽn noom maamã.’+
11 Mam boonda sɩlg sẽn yit wĩndg sẽn pukdẽ,*+rao sẽn yit zĩ-zãrgẽ t’a na n pids mam yam-yãkrã.*+
Mam gomame, la mam na n pids-a lame.
Mam yãka yam n na n maan-a, la mam na n kɩtame t’a pidsi.+
12 Yãmb a neb nins sũy sẽn diglmã,la yãmb a neb nins sẽn zãr ne tɩrlmã, kelg-y maam.
13 Mam kɩtame tɩ m tɩrlmã kolge.A pa zãr ye.Mam fãagrã pa na n kaoos ye.+
Mam na n waa ne fãagr Siyõ, la m n kõ Israyɛll m neermã.”+
Vẽnegr toor-toore
^ Rat n yeel tɩ bõn-naands nins b sẽn zɩlg rũmsã.
^ Ebre, “pipi.”
^ Bɩ, “raabã, saglgã.”
^ Bɩ, “yaanga.”
^ Bɩ, “raabã, saglgã.”
