Ezayi sebre 60:1-22
60 “Paga,+ yik n kɩt tɩ f vẽenemã yãge. Bala fo vẽenemã waame.
A Zeova ziirã yãgda fo zugu.+
2 Ade! Lik na n luda dũniyã,tɩ lik bida lud buud toɛy-toɛyã.La a Zeova vẽenem na n yãga fo zugu.B na n yãa a ziirã fo zugu.
3 Buud toɛy-toɛyã na n waa fo vẽenemẽ wã,+tɩ rĩm-dãmb+ wa fo ziirã sẽn pɩndẽ wã.+
4 Zẽk f neng n ges zĩig zãnga!
B tigma b fãa. Bãmb wata fo nengẽ.
Fo kom-dibli wã yita zĩ-zãrgẽ n watẽ,+b pẽgna fo kom-pugli wã n watẽ.+
5 Wakat kãnga, fo na n yãame, la fo nengã na n pɩla ne sũ-noogo.+Fo sũurã na n digimdame, la fo na n kɩdma sũ-noog wʋsgo.Bala mogrã bõn-sõma wã na n waa fo nengẽ.Buud toɛy-toɛyã paoong na n waa fo nengẽ.+
6 Yʋgmã kʋʋng n na n wa pid fo soolmã.Yaa Madiyã ne Efa+ yʋgem-poala.
Saba nebã fãa na n waame.B na n zãa sãnem ne wisd sẽn yaa pɛɛlg n wa.
Bãmb na n pẽga a Zeova zãma sʋka.+
7 B na n tigma Kedaar+ rũm-bãgã fãa fo nengẽ.
Nebayot+ pe-raadã na n pidsa fo raabo.
Bãmb na n waa mam tẽn-kugrã zugu, la mam na n sak n deeg-b lame.+Mam na n nagsa m doogã sẽn tar ziirã.*+
8 Ãnd dãmb la sẽn yɩgd wa sawato,la wa marwal sẽn dabd b tʋgdẽ?*
9 Bala ko-sʋk tẽnsã na n teega maam.+Tarsiis koom-kogendã lʋɩɩ taoore,n na n tɩ tall fo kom-dibli wã hal zĩ-zãrgẽ+n paas b wanzuri wã la b sãnemã,tɩ b wa pẽg fo Wẽnnaam a Zeova yʋʋrã, la Israyɛll Sõng soabã.Bala yẽ na n zẽka fo zugu.*+
10 Bu-zẽms neb n na n me fo lalsã,tɩ b rĩm-dãmbã yɩ fo tʋm-tʋmdba.+Bala mam sũur da puugame tɩ m sɩbg foom.La mam lohormã yĩnga, mam na n zoee fo nimbãanega.+
11 Fo kʋɩlemsã na n paka wakat fãa.+B pa na n pag-b wĩndg wall yʋngo,sẽn na yɩl n tall buud toɛy-toɛyã paoong n wa fo nengẽ,la b rĩm-dãmbã n na n lʋɩ taoore.+
12 Buud bɩ soolem ning fãa sẽn pa na n sak foo na n menemame,la b na n sãama buud toɛy-toɛyã neb zãnga.+
13 Libã ziirã na n waa fo nengẽ.+Zenevrie tɩɩgã, ne frɛn* la sɩprɛs tɩɩsã na n naaga taab n wa,+n kɩt tɩ zĩig ning m doogã sẽn be wã yɩ neere.Mam na n waooga zĩig ning m naoã sẽn dogã.+
14 Neb nins sẽn da namsd foomã kom-dibli na n wa wõgemda fo taoore.Neb nins fãa sẽn paoogd foomã segd n wa wõgemda fo naoẽ.B na n boola foom t’a Zeova tẽnga,la Israyɛll Sõng soabã Siyõ.+
15 B pa na n le raag foo n bas la b kisg foo tɩ ned pa pɩʋʋgd fo nengẽ ye.+Mam na n kɩtame tɩ fo lebg zu-zẽkr bũmb wakat sẽn kõn sa yĩnga,la bũmb sẽn na n kɩt tɩ nebã kɩdem zãmaan woo zãmaana.+
16 Hakɩɩka, fo na n yũu soolem toɛy-toɛyã bĩisim,+la fo na n yẽsma rĩm-dãmb bĩisri.+Fo na n sɩd bãngame tɩ maam a Zeova n yaa fo Fãagda,la t’a Zakoob Pãng soabã n yaa soab ning sẽn lebs n da foomã.+
17 Mam na n kɩtame tɩ sãnem wa reeg zũud zĩiga,tɩ wanzuri reeg kut zĩiga,la m kɩt tɩ zũud wa reeg raad zĩiga,tɩ kut me reeg kug zĩiga.Mam na n kɩtame tɩ laafɩ yɩ fo yel-gɛta,tɩ tɩrlem yɩ soab ning sẽn kõt foo tʋʋmã.+
18 B pa na n le wʋm nen-kɛglem yell fo soolmẽ wã,wall b yã sãoong bɩ raboog fo todsã pʋgẽ ye.+
Fo na n boola f lalsã tɩ Fãagre,+ la f kʋɩlensã tɩ Pẽgre.
19 Wĩntoogã pa na n le yɩ fo vẽenem wĩndga,la kiuugã me kõn le yãg n vẽneg foo yʋng ye.Bala a Zeova n na n yɩ fo vẽenem wakat sẽn kõn sa,+la fo Wẽnnaamã na n yɩɩ fo neerem.+
20 Fo wĩntoogã pa na n le lʋɩ,la fo kiuugã me pa na n le kẽ ye.Bala a Zeova n na n yɩ fo vẽenem wakat sẽn kõn sa,+la fo sũ-sãangã wakat na n saame.+
21 Fo nebã fãa na n yɩɩ tɩrse.Bãmb na n sooga soolmã wakat fãa yĩnga.
Bãmb yaa tɩ-tobeng ning mam sẽn selã,la mam nusã tʋʋmd+ sẽn na yɩl tɩ m paam ziiri.+
22 Sẽn da yaa-a bilfã na n lebga tusri,tɩ sẽn da pa zem-a baa fʋɩ wã lebg buud sẽn tar pãnga.
Yaa maam a Zeova n na n maan dẽ tao-tao, a wakate.”
Vẽnegr toor-toore
^ Bɩ, “m neerem doogã.”
^ Yaa rot ninsaal sẽn maan liuuli yĩnga.
^ Bɩ, “nagsa foo.”
^ Yaa tɩ-bedre, t’a woglem tõe n ta metr 15. A vãadã yaa kẽeg n pɩnda, t’a wil-poalã kõbg yaa wa tompɛglem.
