Yãmb tagsg yaa bõe ne Biiblã?
Sã n yaa ne yãmba, Biiblã . . .
yaa ninsaalb n tags n gʋls bɩ?
yaa soalem sebr bɩ?
bɩ a yaa Wẽnnaam sebre?
BIIBLÃ SẼN YETE
“Sebr sõngã zãng yii Wẽnnaam nengẽ.”—2 Tɩmote 3:16, Sebr Sõngo.
RẼ SẼN TÕE N NAF-Y TO-TO
Biiblã leokda sogsg sẽn tar yõod wʋsg ne ãdem-biig fãa.—Yelbũna 2:1-5.
A kõta sagl-sõma vɩɩmã nens fãa pʋgẽ.—Yɩɩl Sõamyã 119:105.
A kɩtdame tɩ d tõe n tẽ tɩ manegr n wate.—Rom dãmba 15:4.
D TÕE N TẼE BIIBLÃ SẼN YETÃ BI?
N-ye. Ad bʋʋm a tãabo:
A goamã sẽn pa kɩɩsd taabã yaa bõn-kãsenga. Yaa na maan neb 40 n gʋls Biiblã. B rɩka sẽn yɩɩd yʋʋm 1600 n gʋls-a. A gʋlsdbã wʋsg pa bãng taab meng ye. La ne rẽ fãa, a sɩngrẽ wã n tɩ ta a baasgã, a goamã fãa tũuda taaba!
Biiblã sẽn togs kʋdem-wẽndẽ yɛl ninsã yaa sɩda. Kʋdemd yɛl-mitbã sɛbẽ, b wae n solgda b buudã neb kongre. La Biiblã gʋlsdb yẽ sak n wilga bãmb mensã la b buudã kongre.—2 Kibaya 36:15, 16; Yɩɩl Sõamyã 51:3-6.
A bãngr-goamã pidsdame. Yʋʋm 200 nand tɩ b sãam Babilonne, no-rɛɛs a Ezai togsame tɩ b na n wa sãam-a lame. (Ezai 13:17-22) A Ezai togsa b sẽn na n tõog Babilon to-to wã, la a wilg naab ning sẽn na n deeg tẽngã yʋʋr menga.—Ezai 45:1-3.
Biiblã bãngr-goam wʋsg me zoe n pidsa ball-balle. Rẽ yĩnga woto pa wilgd t’a yaa sebr sẽn yit Wẽnnaam nengẽ sɩda?—2 Pɩɛɛr 1:21.
AD SOKRE:
Wãn to la Wẽnnaam Gomdã tõe n maneg yãmba?
Biiblã leokda sok-kãngã EZAI 48:17, 18 la 2 TƖMOTE 3:16, 17 wã pʋgẽ.
Découvrez aussi…
SOGSG BIIBLÃ SẼN LEOKDE
Yãmb tagsg yaa wãn ne Biiblã?
Sɩng-y Wẽnnaam gomdã kareng tɩ na n naf-y-la wʋsgo.
SOGSG BIIBLÃ SẼN LEOKDE
Bõe n tõe n sõng-y tɩ y wʋm Biiblã goam võore?
Baa yãmb sẽn yitẽ fãa, y tõe n wʋma Wẽnnaam goamã sẽn be Gʋls-sõamyã pʋgẽ wã võore.
BIIBLÃ ZÃMSG SẼN TAR YÕOD WƲSGO
Bõe n wilgd tɩ Biiblã yaa Wẽnnaam sebre?
Biiblã sã n yaa Wẽnnaam sebre, dẽnd a pa wa sɛb a taabã ye.
KIBAY TÕND ZUGU
Bõe yĩng tɩ y tog n zãms Biiblã?—A zãnga
Biiblã sõngda neb miliyõ-rãmb tɩ b paamd b sogsg kẽer leoore.Yãmb me rata woto bɩ?
KIBAY TÕND ZUGU
Kos-y t’a Zeova Kaset soab wa kaag-yã
Bao-y n bãng-y bũmb Biiblã zug wall a Zeova Kaset rãmbã zug n paase.
