Awantu awavule wazumila ukuti umusalawa awuli wuno wukawamanyisya ukuti awina Klistu. Nanti acati swe Nte zya kwe Yehova swe wina Klistu, tusiwomvyako umusalawa pakupepa. Amulandu ci?

 Ica kutalicilapo cino tusiwomvezya umusalawa, aco-o cino Baibolo yalanda ukuti e Yesu atafwizile pa wucingane lelo wafwizile pa cimuti. Nanti ciwe wo-o, e Baibolo yikasoka awina Klistu ukuti “walewuka ukupepa amankolania,” cino cikupiliwula ukuti tutazipizile ukuwomvya utuluwi mukupepa kwitu.​—1 Wakorinte 10:14; 1 Yohani 5:21.

 Icicindamisye cino Yesu walanzile acakuti: “Ndi mwakundana, apano awantu wonsi walimanya kumo mwe wasambilizi wane.” (Yohani 13:34, 35) Pano e Yesu walanzile ya-a amazwi, wasuzile mukuti cino cikamanyisya umuntu ukuti amwina Klistu wacisinka akuzwala umusalawa nanti amakolania lelo alukundo lwa cisinka.