¿Yukú míí na̱ ndixa xáʼndachíñu ñuyǐví yóʼo?
¿Á ndákanixi̱níún...
-
... Ndióxi̱ kúúra?
-
... na̱ yiví kúúna?
-
... iin na̱ kǒo xíni̱yó kúúna?
ÑA̱ KÁʼA̱N BIBLIA
“Iníísaá ñuyǐví ndíka̱a̱ña ndaʼa̱ ta̱ Ndi̱va̱ʼa”(1 Juan 5:19).
“Xa̱ʼa̱ ña̱yóʼo kúú ña̱ ki̱xi se̱ʼe Ndióxi̱: ña̱ va̱ʼa sandíʼi-xa̱ʼa̱ra ña̱ʼa ña̱ kéʼé ta̱ Ndi̱va̱ʼa” (1 Juan 3:8, Traducción del Nuevo Mundo).
¿NDÁAÑA VA̱ʼA NDAKIʼÚN TÁ NÁ KAʼVIÚNÑA?
Kunda̱a̱-iniún míí ki̱xaʼá xa̱ʼa tu̱ndóʼo ña̱ íyo ñuyǐví yóʼo (Apocalipsis 12:12).
Kunda̱a̱-iniún ndáa xa̱ʼa kúú ña̱ va̱ʼa kandíxaún ña̱ kǒoka tu̱ndóʼo koo ñuyǐví yóʼo (1 Juan 2:17).
¿Á VA̱ʼA KANDÍXAYÓ ÑA̱ KÁʼA̱N BIBLIA?
Va̱ʼava, yóʼo sakuaʼayó xa̱ʼa u̱ni̱ ña̱ʼa:
-
Ña̱ xáʼndachíñu ta̱ Ndi̱va̱ʼa ña̱ ndiʼi-xa̱ʼa kúúvaña. Jehová iin chi̱ka̱a̱-inira ña̱ sandiʼi-xa̱ʼara ña̱ xáʼndachíñu ta̱ Ndi̱va̱ʼa ñuyǐví yóʼo. Ndióxi̱ káʼa̱nra sandiʼi-xa̱ʼara ndiʼi ña̱ kini ña̱ kéʼé ta̱ Ndi̱va̱ʼa (Hebreos 2:14).
-
Ndióxi̱ nda̱kaxinra ta̱ Jesús ña̱ kaʼndachíñura. Ta̱ Jesús síínní íyora nu̱ú ta̱ Ndi̱va̱ʼa ta̱ xáʼndachíñu ñuyǐví yóʼo. Xa̱ʼa ña̱yóʼo, Ndióxi̱ káʼa̱nra nda̱saa kaʼndachíñu ta̱ Jesús: “Kuʼvi̱ní-inira kunira na̱ vitá-ini xíʼin na̱ ndáʼvi [...] ta tavára miína nu̱ú tu̱ndóʼo xíʼin nu̱ú ku̱a̱chi ña̱ ñúʼuna” (Salmo 72:13, 14).
-
Ndióxi̱ kǒo káʼa̱nra tu̱ʼun vatá. Ña̱ Biblia káxiní káʼa̱nña Ndióxi̱ “va̱ása kívi sándaʼvira” (Hebreos 6:18). Tá káʼa̱n Jehová keʼéra iin ña̱ʼa, ña̱ sáxi̱nura kúúvaña (Isaías 55:10, 11). Ta saátu ni̱ka̱ʼa̱nra ña̱ tavára “ta̱ xáʼndachíñu ñuyǐví yóʼo” (Juan 12:31).
NDAKANIXI̱NÍ XA̱ʼA ÑA̱YÓʼO
¿Nda̱saa koo ñuyǐví yóʼo tá ná kǒo kaʼndachíñuka ta̱ Ndi̱va̱ʼa?
Nu̱ú Biblia kunda̱a̱-iniún xa̱ʼa ña̱yóʼo nu̱ú SALMO 37:10, 11 xíʼin APOCALIPSIS 21:3, 4.
Sanatu kutóún ña̱yóʼo
ESSENTIAL BIBLE TEACHINGS
¿Nda̱chun táxi Ndióxi̱ ña̱ íyoní tu̱ndóʼo ñuyǐví yóʼo?
Nu̱ú Biblia va̱xi ña̱ káʼa̱n xa̱ʼa̱ ña̱yóʼo, ta káʼa̱ntuña xíʼinyó ña̱ va̱ʼa ña̱ koo chí nu̱únínu.
ÑA̱ KÚNI̱NA KUNDA̱A̱-ININA XA̱ʼA̱ BIBLIA
¿Á ndixa íyo ta̱ Ndi̱va̱ʼa?
¿Á ndixa íyo ta̱ Ndi̱va̱ʼa, á ña̱ ndi̱va̱ʼa kúú ña̱ ndíka̱a̱ inivayó?
SPECIAL CAMPAIGN
¿Nda̱chun kaʼviyó Biblia? (iníísaá video)
Iníísaá ñuyǐví ku̱a̱ʼání na̱ yiví chíndée táʼan Biblia xíʼin ña̱ kunda̱a̱-inina xa̱ʼa ña̱ʼa ña̱ ndáyáʼviní. ¿Á kúni̱ún sakuaʼún xa̱ʼa ña̱yóʼo?
ÑA̱ KÁʼA̱N XA̱ʼA̱NDI̱
Ka̱ʼa̱n xíʼin iinna ña̱ ná ku̱ʼu̱nna kotona yóʼó
Sakúaʼa ndáaña káʼa̱n Biblia xa̱ʼa̱ iin ña̱ʼa á sákuaʼaka xa̱ʼa̱ na̱ testigo Jehová.
