“Ob ge Eloba mûdi âna xu ǁgamron hoana nî ǀombē; Ob ge ǁōba !aruǀî hâ tide, tsî !oa-i xare-i tsî !au-i tsî ǀhuwuǀhuwusen i xare-i !aruǀî hâ tide. ǂGuron go !gôa i xui-ao.”—ǂHaiǂhais 21:4.

ǂÂibasens tsî ǂkhîǂkhîsa sîsenǀgaub.—Jesajab 65:21-23.

ǀAe-i tsî ǃgomsi-i xare-i hâ tite.—Jesajab 25:8; 33:24.

ǂKhîǂkhîsa, ǀam e ūhâ tama ûiba sa omaris tsî ǀhōsan ǀkha.—Psalmti 37:11, 29.

Î, ǀorodoma ǀgam ǃaromara ǃaroma:

• Elob ge ǁkhāsiba ūhâ ǁîb mîmâisa dīǀoaǀoa sa. Elobmîs ǃnâb ge Jehova Elob ǀguiba “hoaǀgaixa” di ra ǂgaihe toa ǁoa ǀgaibab ūhâ amaga. (ǂHaiǂhais 15:3) ǁNās ge ra ǁgau ǁÎb hoase ǁkhāsiba ūhâ ǁÎb mîmâisa dīǀoaǀoas diba ǃhūbaiba ǃgâib ǃoa dawasa. Elobmîs da mî khami, “Elob dawan gom hoa xūna ī ǁkhā.”—Mateub 19:26.

• Elob ge turaba ūhâ ǁÎb di mîmâide dīǀoaǀoasa. Aiǁgause, Jehovab ge ra “ǁkhore” ǁōhâna ûiba ǁkhapa māsa.—Job 14:14,15.

  Elobmîs tsîn ge ra ǁgau Elob ôab, Jesub, gere ǀaehâna ǂuruǂuru ǃkhaisa. Tae-i ǃaromab ge ǁnāsa dī? ǂHâbab gere amaga. (Markub 1:40, 41) Jesub ge Abob di ǀgauga ǃamkuse ge re ǁae khoen hîna ǂhâsib ǃnâ hâna huis ǃnâ-ū.—Johaneb 14:9.

  ǂGomǃgâ ǁkhā da ge a Jehovab tsî Jesub tsîkha ra ǂhâba ǃkhaisa i da hānîǁaeb ǃnâ ǂkhîba ūhâ!—Psalmti 72:12-14; 145:16; 2 Petrub 3:9.