“Njambi . . . a ka hunda masozi ose ku meso avo; na ku-tsa ka ci ka kala naua; cipue ku-linienga na vusiua ka ci ka kala naua; cipue ku lila, cipue ku vavala: viuma via ku livanga vi na hiti.”​—Ku-Solola 21:3, 4, Mbimbiliya ya ku Lela.

U ka kala na vipanga vi ka ku nehela ndzolela.​—Isaya 65:21-23.

Ka u ka vavala ni ku mona lamba yose-oyo.​—Isaya 25:8; 33:24.

U ka yoya miaka yose mu ndzolela hamo na vavusoko na va vusamba vuove.​—Visamo 37:11, 29.

Eyo, omo lia vuno vusunga vuvali:

• Njambi ali na ngolo ya ku puisamo via likuminia. Yehova Njambi, ikeye lika u va tumbula mu Mbimbiliya ku pua “Mukua ngolo yose” muomu ngolo yeni ka ye ku-hua. (Ku-Solola 15:3) Eci ci muesa ngecize Yehova a hasa ku puisamo via likuminia. A ka alulula ano mavu na ku a puisa a cili. Ngue mu ya handeka Mbimbiliya “kuli Njambi viuma viose vi tava.”​—Mateo 19:26.

• Njambi ali na cizango ca ku puisamo via likuminia. Yehova ali na “cizango” ca ku sangula vatsi.​—Yombi 14:14, 15.

  Mbimbiliya ya muesa ngecize muana Njambi, Yesu, ua kanguisile vavezi. Omo lia vika? Muomu ua zangele. (Mako 1:40, 41) Yesu ua soluele vifua via Ise, mu ku muesa cizango ca ku kuasa vaze va tondele vukuasi kuli ikeye.​—Yoano 14:9.

  Tu hasa ku kala na vusunga nguetu nkuma Yehova na Yesu va tonda mpundu ku tu kuasa linga tu ka yoye mu ndzolela ku lutue!​—Visamo 72:12-14; 145:16; 2 Petulu 3:9.