“Visoneka viose via na tumbula Njambi na muku ueni.”​—2 Timoteo 3:16, Mbimbiliya ya ku Lela.

U ka tantekeya vikumbulula via vusunga ku vihula via seho mu muono.​—Visimo 2:1-5.

U ka uana vukuasi na vimamuna via ku yoya ca tangua na tangua.​—Visamo 119:105.

U ka kala na lulavelelo lua cili lua ku lutue.​—Loma 15:4.

Eyo, omo lia vuno vusunga vutatu:

• Ku litombola. Mbimbiliya va i sonekele ku vamala va ku pua 40 va ku liseza-seza, mu miaka 1.600. Cingi ca ava vamala vaco ka va limuene cipue ku tunga hamo. Vutuhu ngoco mikanda yose ya mu Mbimbiliya ya litombola, kaha ya zumbangeya lizina lia Njambi na Vuangana vueni!

• Mizimbu ya vusunga. Cingi ca vakua ku soneka mizimbu ve ku fuika vuhenge vua visemua viavo. Vunoni vakua ku soneka Mbimbiliya va sonekele viose mu vusunga, vuhenge vuavo vavene na vua visemua viavo.​—⁠2 Mizimbu 36:15, 16; Visamo 51:1-4.

• Vupolofeto vua vusunga. Miaka 700 tele Yesu kanda a ci ize, Mbimbiliya ya handekele laza nguayo tangua a ka semukila mu mbonge ya indende ya Mbetelema, ku cifuti ca Yunda. (Mika 5:2) Kulihi ua semukilile Yesu? Mu mbonge ize vene!​—Mateo 2:1, 3-9Kuli naua vupolofeto vua Mbimbiliya vua vuingi vua lipuisilemo. Evi vikevio vi tua pande ku lavelela ku uana mu Lizi lia Njambi, ni vati?​—2 Petulu 1:21.