“ToTeko temakak nochi nopa tlatsejtseloltik Tlajkuiloli” (2 Timoteo 3:16, Itlajtol Toteco Náhuatl de la Huasteca Oriental).

Tijmatis kenijkatsa monankilia miak tlajtlanili tlen tlauel ipati (Proverbios 2:1-5).

Tijmatis kenijkatsa kuali timonejnemiltis (Salmo 119:105).

Timotemachis tiitstos kuali teipa (Romanos 15:4).

Kena, ma tikitakaj kenke:

• Kipia sanse tlamachtili. Biblia kiijkuilojkej se 40 tlakamej uan uejkajkej 1,600 xiuitl. Maske katli kiijkuilojkej amo nochi moixmatkej, Biblia kipia sanse tlamachtili tlen tlauel ipati uan amo kema mokuapoloua.

• Katli kiijkuilojkej amo tleno kitlatijkej. Katli kiijkuilouaj tlen uejkajkia panok nochipa kitlatiaj kema inijuantij o sekinok kichiuaj tlen amo kuali. Uan katli kiijkuilojkej Biblia amo tleno kitlatijkej, pampa kiijkuilojkej kema inijuantij mokuapolojkej uan katli itstoyaj ipan ininaltepe (2 Crónicas 36:15, 16; Salmo 51:1-4).

• Nochipa moaxitia tlajtolpanextili. Kema poliuiyaya 200 xiuitl, ipan Biblia kiijkuilojkej kitsontlamiltiskiaj nopa altepetl Babilonia (Isaías 13:17-22). Nojkia kiijkuilojkej kenijkatsa panoskia uan ajkia kitsontlamiltiskia (Isaías 45:1-3).

  Onka sekinok tlajtolpanextili tlen uala ipan Biblia katli nojkia moaxitijkej. Ni kinextia, ¡Biblia nelia toTeotsij iTlajtol! (2 Pedro 1:21).