“ToTeko Dios tlen itstok iluikak kiketsas se Tlanauatilistli [...] tlen axaka uelis kisemanas” (Daniel 2:44, Itlajtol Toteco Náhuatl de la Huasteca Oriental).

“ToTeko techmakatok se konetl. Yajaya kipias nochi tekiuejkayotl para Tlanauatis” (Isaías 9:6).

• Nopa Tlanauatijkayotl uelis mitspaleuis ipan monemilis (Isaías 48:17, 18).

• Nechka kichiuas xiitsto ika pakilistli ipan se xochimili kampa ayokmo tijpias kokolistli (Apocalipsis 21:3, 4).

Kena, ma tikitakaj kenke:

• Jesús kinextik tlen kichiuas toTeotsij iTlanauatijkayo. Jesús kinmachtik itokilijkauaj ma tlajtlanikaj ma tlanauatiki toTeotsij iTlanauatijkayo uan ma mochiua tlen Jehová kineki ipan Tlaltipaktli (Mateo 6:9, 10). Nojkia kinextik kenijkatsa moaxitis tlen kitlajtlaniyayaj toTeotsij.

  Kema Jesús itstoya ipan Tlaltipaktli kinchikajki katli kipixtoyaj kokolistli, tetlamakak uan kinyolkuik mijkatsitsij (Mateo 15:29-38; Juan 11:38-44). Jesús uelki kinextik kenijkatsa tiitstosej teipa pampa yaya Tekichiuas ipan toTeotsij iTlanauatijkayo (Apocalipsis 11:15).

• Tlen pano ipan ni tonali kinextia nechka tekichiuas toTeotsij iTlanauatijkayo. Jesús kiijtok kema toTeotsij iTlanauatijkayo nechka kitlamiltiskia tlen amo kuali, onkaskia tlauilankayotl, mayantli uan mojmoliniskia tlali (Mateo 24:3, 7).

  Ipan ni tonali mochiua tlen Jesús kiijtok. Yeka, temachtli tijmatij toTeotsij iTlanauatijkayo nechka kitlamiltis tlen amo kuali.