¿Tlake mitspaleuis xiyolpaki ininuaya mochampoyouaj?

Ma kakisti ipan

Timoiljuia moneki:

¿Inmoiknelisej?
¿Inkipiasej miak tomij?
¿O seyok tlamantli?

TLEN KIIJTOUA BIBLIA

‘Kipantiaj pakilistli nopa maseualmej tlen kikakij itlajtol toTeko uan kineltokiliaj’ (Lucas 11:28, Itlajtol Toteco Náhuatl de la Huasteca Oriental).

¿KENIJKATSA MITSPALEUIS NI TEXTO?

Tikiniknelis mochampoyouaj (Efesios 5:28, 29).

Tikintlepanitas (Efesios 5:33).

Tiitstos ininuaya (Marcos 10:6-9).

¿NELIA UELIS TIJNELTOKASEJ TLEN KIIJTOUA BIBLIA?

Kena, ma tikitakaj kenke:

ToTeotsij kichijki ma tiitstokaj sansejko. Biblia kiijtoua toTeotsij Jehová “ininTata nochi nopa familias [...] pampa yajaya kinchijchijki” (Efesios 3:14, 15). ¿Kenke tlauel ipati tikilnamiktosej ni?

Ximoiljui: Tlaj tijkuaskia se tlakualistli tlen tlauel ajuiyak uan tijnekiskia ma mitsnextilikaj kenijkatsa kichijkej, ¿ajkia tikiljuiskia ma mitsnextili? Katli kichijki nopa tlakualistli.

Nojkia, tlaj ta tijneki tijmatis kenijkatsa uelis tiyolpakis ininuaya mochampoyouaj, uajka moneki tikiljuis Jehová ma mitspaleui, pampa yaya kichijtok sansejko ma tiitstokaj ininuaya tochampoyouaj (Génesis 2:18-24).
ToTeotsij kitekipachoua tlen techpano. Ta uan mochampoyouaj kinamiki inmoyakanasej ika tlen Jehová tetlajtolmaka ipan Biblia, pampa ya kitekipachoua tlen techpano (1 Pedro 5:6, 7). Jehová kineki kuali ma tiitstokaj. Uan tlen ya techtlajtolmaka nochipa techpaleuia (Proverbios 3:5, 6; Isaías 48:17, 18).