Nojkia se religión, itstokej ipan nochi Tlaltipaktli uan amo mopaleuiaj ika sekinok religiones. Katli kinyakanaj itstokej ipan ueyi kali Betel ne Estados Unidos. Uan tlauel miakej Jehová itlajtoltemakauaj itstokej ipan sekinok uejueyi altepemej. Nama itstokej se ocho millones uan tlamachtiaj ika Biblia ipan kipano 230 altepemej. Kiampa kichiuaj tlen Jesucristo kiijtok: “Tlakamej tlakamauitij ni kuali tlamachtili tlen kejatsa eltos kema toTeko tlanauatia. Uan kiuikasej [...] ipan nochi tlaltinij [...] para nochi tlakamej ma kimatikaj” (Mat. 24:14).

Maske kitlepanitaj uan kineltokaj tekichiuanij inintlanauatiljuaj, amo mokalakiaj ipan política. Kiampa kineltokaj tlen Jesús tlanauatik: “Axininaxkauaj ni Tlaltipaktli”. Yeka, amo mokalakiaj ipan política uan amo yauij ipan uejueyi tlauilankayotl (Juan 15:19; 17:16). Yeka, kema mochijki nopa ompa ueyi tlauilankayotl miakej kintsajkej, kintlaijiyouiltijkej uan sekinok kinmiktijkej. Se exobispo tlen eua alemania kiijkuilok: “Temachtli uelis kiijtosej san inijuantij inintlalnamikilis amo kinkajki ma kichiuakaj nopa kema ne alemania tekichiuayaya nopa partido Nazi”.

Ni amo kiijtosneki amo kinnojnotsaj sekinok. Kema Jesús momaijtok, kiijtok: “Axnimitstlajtlania xikinkixti [...] ipan ni Tlaltipaktli” (Juan 17:15). Uajka, nojkia tekitij, tlakouaj uan yauij kampa tlamachtiaj.