Ken Jesús amo okipiaya tlajtlakoli, amo omotekipacho ijkon ken tejuan techpanoua. Pero kema okitekipachouaya tlen okinpanouaya oksekimej uan melauak okinpaleuiaya. Amo san okinpaleui para kuali ma momachilikan noijki okinpaleui para kuali ma yetokan. Ye okinpaleuiaya porque okinmiknomatiaya. Uelis tikitaskej ken okichi itech tlamachtil 32, 37, 57 uan 99.

Nochtin okinpaktiaya motlapouiskej iuan Jesús porque ye amo okinchikoitaya nion omoueyinekiaya. Ijkuak okitayaj ken okinpaleuiaya, yejuan kuali omomachiliayaj iuan yetoskej. Ma tikitakan ken okinpaleui itech tlamachtil 25, 27 uan 95.

Jesús nochipa omotlatlaujtiaya ika nochi iyolo. Ijkuak okatka iselti uan noijki inmixpan akinmej okiueyichiuayaj toTajtsin Dios. Amo san omotlatlaujtiaya ijkuak tlakuaskia. Ijkuak omotlatlaujtiaya omotlasojkamatiaya uan okiueyichiuaya iTajtsin, noijki okiluiaya ma kipaleui ijkuak itlaj ipati kipejpenaskia. Ma timomachtikan ken okichi itech tlamachtil 24, 34, 91, 122 uan 123.

Ualeua maski Jesús osotlauaya uan omonekiaya moseuis, ye okinpaleui oksekimej. Amo san itech omotekipachouaya noijki otechmachti ken moneki tikchiuaskej ken ye. Ma tikitan ken okichi itech tlamachtil 19, 41 uan 52.

Jesús amo san otechmachti miak ipati ma titetlapojpoluikan, noijki okiteititi ijkuak okintlapojpolui imachtijkauan uan oksekimej. Ma tikitakan ken okichi itech tlamachtil 26, 40, 64, 85 uan 131.

Profecías yokijtojkaj judíos amo kiseliskiaj ken Mesías uan akinmej okikokoliayaj kimiktiskiaj. Ik non, uelis mokuayejyekoskia amo ipati kitekichiuilis iTajtsin, pero amo ijkon okichi, ye nochipa okinpaleui oksekimej ma kitekichiuilikan Jehová. Tlen okichi techmachtia ma tiktekichiuilikan toTajtsin Dios maski amo techseliskej noso techtlajyouiltiskej. Ma timokuayejyekokan tlen techmachtiaj tlamachtil 16, 72 uan 103.

Jesús amo okatka ken tejuan, porque ye okimatiaya okachi miak tlamantli uan okatka sapanoua ixtlamatki. Ken amo okipiaya tlajtlakoli amo ikaj okatka ken ye. Pero ye okatka yolyamanki uan okintekichiuili oksekimej. Uelis timomachtiskej ken okatka yolyamanki itech tlamachtil 10, 62, 66, 94 uan 116.

Jesús amo san niman okualaniaya ijkuak imachtijkauan uan oksekimej amo okichiuayaj tlen okinmachtiaya, okachi kuali oksepa okintlalnamiktiaya para kuali ma mouikakan iuan Jehová. Ma tikitakan ken okiteititi okimatiaya mochias itech tlamachtil 74, 98, 118 uan 135.