“Dios kinmixayowajwatzas, iwan mach ok yetos mikilistle, nion chokilistle, nion neyolkokole, iwan nion tekokojkayotl, porke nochi tlan achtoj oyeka, yopanok.” (Apocalipsis 21:4, iTlajtol toTajtzin Dios.)

Tikpiaskej tekitl tlen techyolpaktis (Isaías 65:21-23).

Ayakmo titlajyouiskej nion timokokoskej (Isaías 25:8; 33:24).

Nochipa tikyolpakiskej iuan tofamilia uan toyolikniuan (Salmo 37:11, 29).

Kema, san tikitaskej ome tlamantli tlen kiteititia tleka:

• ToTajtsin Dios kipia chikaualistli para kichiuas tlen okijto. Itech Biblia, moijtoua san ye toTajtsin Dios Akin ‘kipia nochi poder’, porque amo keman tlami ichikaualis (Apocalipsis 15:3). Ik non, ijkuak kijtoua kipatlas nochi Tlaltikpak para tlakualtsin ma tlayeto, uelis tikneltokaskej melauak ijkon kichiuas. Ken kijtoua Biblia, “Dios nochi weli kichiwa” (Mateo 19:26).

• ToTajtsin Dios kineki kichiuas tlen okijto. Se neskayotl, Biblia kijtoua Jehová melauak kineki kinyolitis akinmej yomikej (Job 14:14, 15).

  Noijki Biblia kijtoua Jesús, iKone toTajtsin Dios, okinpajti akinmej omokokouayaj. ¿Uan tleka okinpajti? Porque okiski itech iyolo (Marcos 1:40, 41). Nochi tlen okichi Jesús para okinpaleui akinmej otlajyouiayaj okiteititi iTajtsin noijki kineki kinpaleuis (Juan 5:19).

  Ika tlen yotikitakej, tikneltokaj Jehová uan Jesús melauak kinekij nochipa ma tiyolpaktokan (Salmo 72:12-14; 145:16; 2 Pedro 3:9).