“Nochi tiotlajkuíloli Dios otlanawati makijkuilokah.” (2 Timoteo 3:16, Itlajtol Totajtsi Dios.)

Tikajsiskej tlanankililmej tlen melauak okachi ipati itech tonemilis (Proverbios 2:1-5).

Nochipa kuali techyekanas itech tonemilis (Salmo 119:105).

Tikpiaskej se kuali chialistli (Romanos 15:4).

Kema, san tikitaskej eyi tlamantli tlen kiteititia tleka:

• Amo keman motlajtolnamiki. Biblia okijkuilojkej kanaj 40 tlakamej itech kanaj 1,600 xiuitl. Maski amo keman omoixmatkej amo keman omotlajtolnamikej, Biblia techtlapouia san se tlamantli.

• Kijtoua nochi san ken opanok. Akinmej kijkuilouaj tlen yiuejkika opanok nochipa kitlatiaj tlen yejuan noso oksekimej amo kuali okichijkej. Maski ijkon, akinmej okijkuilojkej Biblia amo keman okitlatijkej tlen yejuan noso oksekimej amo kuali okichijkej (2 Crónicas 36:15, 16; Salmo 51:1-4).

• Tlen kijtoua nochipa mochiua. Itech Biblia kanaj 200 xiuitl achto yomoijtojka tlen kipanoskia Babilonia (Isaías 13:17-22). Uan amo san okijto ken kimoaxkatiskiaj, noijki okijto akin kichiuaskia (Isaías 45:1-3).

  Nochi tlamantli tlen omoijto itech Biblia ajsitok omochi. ¡Nin techititia Biblia melauak iTlajtol toTajtsin Dios! (2 Pedro 1:21.)