Abafileyo Bangaphinda Baphile Yini?
Ubungaphendula usithi . . .
ye?
hatshi?
engxenye?
LOKHO OKUTSHIWO LIBHAYIBHILI
“Kuzakuba lokuvuka kwabafileyo..”
UKUKHOLWA LOKHU KUZAKUNCEDA NGANI?
Kuzakududuza nxa ufelwe yisihlobo sakho.
Uzakhululeka, ungabe usakwesaba ukufa.
Uzakuba lethemba eliqinileyo lokuthi uzaphinda uhlangane lezihlobo zakho ezafayo.
KUMELE SIKUKHOLWE YINI OKUFUNDISWA LIBHAYIBHILI?
Ye, silezizathu ezingaba zintathu zokwenza lokho:
UNkulunkulu nguye uMdali wezinto eziphilayo. IBhayibhili lithi uJehova uNkulunkulu ‘ngumthombo wokuphila.’ (IHubo 36:9; ImiSebenzi 17:24, 25.) Ulamandla okwenza ukuthi umuntu ofileyo aphinde aphile ngenxa yokuthi nguye owadala konke okuphilayo emhlabeni.
Endulo, uNkulunkulu wavusa abantu. IBhayibhili likhuluma ngabantu abangu-8 abafayo baphinda bavuswa emhlabeni. Laba bagoqela abadala, abancane, amadoda labesifazana. Abanye babengela sikhathi eside befile kodwa oyedwa wayeselamalanga amane esethuneni.
—UJohane 11:39-44. UNkulunkulu uzimisele ukukwenza futhi lokhu. UJehova uyakuzonda ukufa njalo ukubona njengesitha. (1 KwabaseKhorinte 15:26) ‘Ulesifiso’ sokunqoba isitha lesi, aqede ukufa ngesikhathi esevusa abafileyo. Ufisa ukuvusa labo abasenkumbulweni yakhe njalo ababone bephila futhi emhlabeni.
—UJobe 14:14, 15.
OKUMELE UCABANGE NGAKHO
Kuyini okwenza siguge njalo sife?
IBhayibhili liyawuphendula lowombuzo kuGENESISI 3:
Nanku Okunye
ESSENTIAL BIBLE TEACHINGS
Abafileyo Bakusiphi Isimo?
IBhayibhili lithembisa ukuthi sizafika isikhathi lapho abantu abanengi abazavuswa khona baphinde baphile njengoLazaro.
IMIBUZO YEBHAYIBHILI IYAPHENDULWA
Kutshoni Ukuvuswa Kwabafileyo?
Bala isihloko lesi uzwe ukuthi ngobani abazavuswa emhlabeni omutsha.
INQABAYOKULINDA
Kuyini Okungakwenza Ukholwe—Ukuthi Abafileyo Bazavuswa?
IBhayibhili lilezizathu ezimbili eziqinileyo ezenza sikholwe ukuthi abantu bazavuswa sibili.
OKUMAYELANA LATHI
Kungani Kumele Ulifunde IBhayibhili?
IBhayibhili linceda izigidi zabantu emhlabeni wonke ukuthi zithole izimpendulo zemibuzo ehluphayo ekuphileni. Ungathanda ukuthi lawe uthole izimpendulo?
