Ndiyani Kamare Ari Kutonga Nyika?
Munolangarira kuti . . .
-
ndi Mwari?
-
vandhu?
-
kana kuti apana ari kuitonga?
BHAIBHERI RINOTI KUDINI?
‘Nyika yese iri munyala jo akashata.’—1 Johani 5:19.
‘Mwana wa Mwari wakaviya kuzopalaja mabasa a Dhiyabhu.’—1 Johani 3:8, Bhaibheri—Shanduro yeNyika Itsva.
NGENYI ZVAKANAKA KUZIVA IZVI?
Kuziva izvi kunozomubesa:
Kuzwisisa kuti matambujiko atiri kusongana nawo ari kuvha kwapi.—Zvakazarurwa 12:12.
Kuva no cokwadi cokuti nyika ino inozova isina matambujiko.—1 Johani 2:17.
TINGATHEMBA ZVINOBHUIWARI NGO BHAIBHERI?
Eya, ngo ndava ndhatu iji:
-
Utongi wa sathana auna kaunoguma. Jehovha aazosii Sathana eitonga vandhu. Iyena anothembesa ‘kupalaja’ Sathana, nokuvhisa zvese zvakaviiswa ndi Sathana.—VaHebheru 2:14.
-
Mwari wakakheta Jesu Kristu kuti azotonga nyika. Mutongi aripo zvino wakashata viye ano umbau. Mukusiana na Sathana, Jesu ndi Mambo wakanaka. Mwari wakathembesa kuti Jesu inga Mambo, ‘anozozwila unyasha vandhu vakaderera no varombo. Anozovaponesa pakudzvinyirirwa no pakurwiswa.’—Mapisarema 72:13, 14.
-
Mwari aanyepi. Bhaibheri rinoti: ‘Mwari aabhuyi zvokunyepa.’ (VaHebheru 6:18) Jehovha akathembesa ciro, icona cinoitika! (Isaya 55:10, 11) ‘Mutongi wo nyika ino anozovhiswa.’—Johani 12:31.
AMBOLANGARIRANYI BASI:
Nyika inozova yakadini utongi wa Sathana paunonga wa vhiswa?
Bhaibheri rinopingula muvhunjo uu pana MAPISAREMA 37:10, 11 na ZVAKAZARURWA 21:3, 4.
Zvimweni Zvamungadakarirawo
MUSHANDIRA PAMWEPO UNOKOSHA
Ngenyi Tinodikana kujija Bhaibheri?
Bhaibheri riri kupa mupingulo jo muvhunjo jinokosha maningi jo upenyu ku vandhu vakawanda maningi kutenderera nyika yese. Yemwi maidakarira kuva umwe wavo?
TIRI VANAANI
Kumbiranyi kuvhakacirwa
Bhuisananyi ngo muvhunjo jo muBhaibheri, kana kuti jijanyi zvakawanda no zvapupu zva Jehovha.
