Icinyi Cinozwi Umambo wa Mwari?
Munolangarira kuti . . .
-
i ciro ciri mu mwoyo mo mundhu?
-
mudakalo uri kudenga?
-
utongi uri kudenga?
BHAIBHERI RINOTI KUDINI?
‘Mwari wo kudenga unozoita kuti pave no umambo usingazombopalajwi.’—Dhanieri 2:44, Bhaibheri—Shanduro yeNyika Itvsa.
‘Takapuwa mwana viye utongi unozova pamapfuji ake.’—Isaya 9:6.
NGENYI ZVAKANAKA KUZIVA IZVI?
Kuziva izvi zvinozomubesa kuti:
-
Muzive kuti Umambo uu wakanaka, viye ungamubesa imwimwi pacenyu.—Isaya 48:17, 18.
-
Muve no upenyu wakanaka, viye mudakalo munyika ipsva iri kuviya.—Zvakazarurwa 21:3, 4.
TINGATHEMBHA ZVINOBHUIWARI NGO BHAIBHERI?
Eya, ngo ndava mbiri iji:
-
Jesu wakakhombija zvinozoizwa ngo Umambo wa Mwari. Jesu wakajijisa vajiji vake kuti vaite mukumbiro kuti Umambo wa Mwari uviye, viye kuti kuda ka Mwari kuizwe pa nyika. (Mateu 6:9, 10) Jesu wakakhombija mapingurirwe anozoizwa mukumbiro uu.
Jesu paainga pasi pano, iyena wakapa zvokuha vandhu vainga no njara, wakarapa vaiwaja no kumusa vakafa! (Mateu 15:29-38; Johani 11:38-44) Inga Mutongi wo Umambo wa Mwari, Jesu wakakhombija zviro zvakanaka zvinozoizirwa vandhu vanonga veitongwa ngo Umambo uu.—Zvakazarurwa 11:15.
-
Zviri kuitika munyika zvinokhombija kuti Umambo wa Mwari waaphedo kuti uviye. Jesu wakabhuya kuti Umambo wa Mwari paunonga waaphedo no kuviisa runyararo pa nyika, nyika yese yaizotambujwa ngo hondo, njara no kudengenyeka ko nyika.—Mateu 24:3, 7.
Mazuva ano, tiri kuvona izvi zveiitika. Izvi zvinotithembesa kamare kuti Umambo wa Mwari waaphedo no kupeja matambujiko ese ari mu nyika.
AMBOLANGARIRANYI BASI:
Upenyu unozova wakadini, Umambo wa Mwari paunonga wootonga?
Bhaibheri rinopingula muvhunjo uu pana MAPISAREMA 37:29 na ISAYA 65:21-23.
Zvimweni Zvamungadakarirawo
MUSHANDIRA PAMWEPO UNOKOSHA
Ngenyi Tinodikana kujija Bhaibheri?
Bhaibheri riri kupa mupingulo jo muvhunjo jinokosha maningi jo upenyu ku vandhu vakawanda maningi kutenderera nyika yese. Yemwi maidakarira kuva umwe wavo?
