Isaya 44:1-28
44 “Wari izwai, iwewe Jakobe mushandiri wangu,Na iwewevo Iziraeri, wandakasana.
2 Jehovha wiya Wakakusika, wiya wakakuumba,Wiya wakakubesa kuvhira pawainga* uciri mundani,Anonanga kudari:
‘Jakobe muranda wangu, ucathya,Na iwewevo Jeshuruni,* wandakasana.
3 Ngokuti ndinozodururira kumwa ku mundhu ano nyotaNdozoita kuti nyika yakavoma ive no makandhwa.
Ndinozodururira mujimu wangu ku mubarihwana wakoNo makomborero angu ku mubarihwana wako.
4 Ivona vanozomera inga mamuti ari pakati po soraInga mamuti* ari mumbhiripiri mo mugere wo kumwa.
5 Umwe anozoti: “Ndiri wa Jehovha.”
Umweni anozojidaninja ngo zina ra Jakobe,Kuveni umweni anozotara mu nyara yake kudari: “Ndiri wa Jehovha.”
Ozojidura zina ro Iziraeri.’
6 Jehovha mambo wo Vaiziraeri, Muponesi wako,Jehovha wo hondo anonanga kudari:
‘Inini ndiri wokutanga no wokupejisira.
Akucina Mwari umweni kunja kwangu.
7 Ndiyani wakaezana neni?
Ngaakhuwe, ngaanange no kundiitira ucapupu!
Ngaanange zviro zviri kuda kuviya,No zviro zvinozoitikaInga zvandinoita kuvhira pa nguva yandakaita kuti pave no vandhu vo kare-kare.
8 Mucathya,Mucapera simba ngokuthya.
Andizivi kunanga no kuzivisa zviro izvi ku umwe na umwe wenyu nguva iciripo here?
Imwimwi muri zvapupu zvangu.
Kuna Mwari umweni kunja kwangu here?
Haiwa, akuna Buwe rimweni; andizivi buwe riri rese.”
9 Vaiti vese vo zvithombe zvakavezwa avaripi ciro,Zviro zvavo zvavanoda maningi azvizovabeseri.
Inga zvapupu zvavo, izvona azvivoni nee azvizivi ciri cese,Ngo kudaro, vaya vakazviita vanozopserujwa.
10 Ndiyani angaita cimwari kana kuita cithombe co simbi yakanyunguruswaCicikabesi ciri cese?
11 Izwai! Vadoni vako vese vanozopserujwa!
Vavezi vako ivandhu.
Vese ngavaungane vagare pa ndau javo.
Ivona vanozothyiswa no kupserujwa pamwepo.
12 Mupfuri wo simbi anopfura simbi pa murazvu wo muriro ecishandisa thurusi rake.
Iyena anoipfura ecishandisa martera,Iyena anoshanda eciipfura ngo mukono wake uno simba.
Ngo kudaro anotanga kuzwa njara opera simba;Anoremba ngo ndava yo kutama kumwa-kumwa.
13 Muvezi wo tabwa anotambanuja ruji wo kupima ndiwona, otara pa tabwa ngo jhijhi yo kupsuka.
Iyena anoiceca ngo mbezo* no kuitara ngo thurusi ro kutara ndirona.
Iyena anoinasirira yoita inga mundhu,Yoseja inga mundhu,Kuti aidire mumba.*
14 Pano mundhu anoita basa ro kutema mamuti o sedhro.
Iyena anosana mushovo umwe wo muti, muti wo mutondo,Wourera mbhera wokura no kuvanga pakati po muti yese yo mugwasha.
Iyena anosima muti unodaninjwa kuti raureri, iwona unorebeswa ngo nvura.
15 Ngo kudaro, aripo anoshandisa matabwa inga huni kuti abwakije muriro.
Iyena anotora huni imwe woikota;Anobwakija muriro okoca pau.
Anoitazve cimwari ocinamata.
Anocicinja coita cithombe cakavezwa, ogwadama pamberi paco.
16 Dimbu rimwe anoripisa pa muriro;Ngo dimbu rondhoro, iyena anokoca nyama, oiha, oguta.
Anokotazve muriro onanga kudari:
“Yaa! Ndiri kujiihwa ngo muriro wandakasotari.”
17 Asi dimbu rimweni rinosara anoriita cimwari, ciri cithombe cakavezwa.
Anogwadama pamberi paco ocinamata.
Anoita mukumbiro kwaciri onanga kudari:
“Ndiponesei, ngokuti uri mwari wangu.”
18 Ivona apana cavanoziva, apana cavanozwisisa,Ngokuti majiso avo akafungwa, avakwanisi kuvona,Mwoyo yavo aina uzivi.
19 Apana anorangariraApana ano zivo nee anozwisisa kuti anange kudari:
“Ndapisa dimbu ro tabwa pa muriro,Ndakakoca pau pa murazvu yayo, ndokocazve nyama kuti ndihe.
Kureva kuti ndinodikana kucinja dimbu rasararo roita ciro cinonyenywa here?
Kureva kuti ndinodikana kunamata dimbu ro tabwa rakatemwa pa muti here?”
20 Mundhu wakadaro anoha marota.
Mwoyo wake wakacengejwa womupausa.
Iyena aakwanisi kujiponesa pacake, nee aakwanisi kunanga kudari:
Aya asipi manyepo ari wari munyara yangu yo muho here?”
21 “Ceukijai zviro izvi iwewe Jakobe, na iwewe Iziraeri,Ngokuti uri mushandiri wangu.
Ngokuti ndakakuumba, iwewe uri mushandiri wangu.
Andizokukanganwi iwewe Iziraeri.
22 Ndinozopfujura kuposa kwako koita inga kwafukijwa ngo makoreZvishaishi zvako zvoita inga zvafukijwa ngo makwiti.
Hwirirai kwandiri, inini ndinozokuponesa.
23 Khuwani ngo mudakaro imwimwi matenga,Ngokuti Jehovha wazviita!
Tambanyi ngo mudakaro, imwimwi ndau jakajika jo panyika!
Khuwanyi ngo mudakaro imwimwi matundhu,Iwewe gwasha no muti jako jese!
Ngokuti Jehovha waponesa Jakobe,No kukhombija kunaka kwake kuna Iziraeri.”
24 Jehovha, muponesi wako,Wiya wakakuumba uciri mundani anonanga kudari:
Inini ndini Jehovha, wiya wakaita zviro zvese.
“Ndakatambanuja matenga ndega,Ndini ndakawaja nyika.
Ndiyani wainga na inini?
25 Inini ndinovhiringija zvitatijo zvo vaporofeti vokunyepa,Ndini ndinoita kuti vafemberi vaite inga mapenji;Ndini ndinobararisa hwiru wo vaziviNdocinja zivo yavo kuita upenji;
26 Wiya anoita kuti soko ro mushandiri wake riitikeWiya anokwanirisa zviro zvese zvinonangwa ngo ndhumwa jake;Wiya anonanga ngo pamusoro po Jerusarema kudari: ‘Irona rinozogahwa,’
Wonangazve ngo pamusoro po madhorobha o Judha kudari: ‘Iwona anozovakiswazve,Inini ndinozovakisavo mathere awo’;
27 Wiya anovhunja kumwa yakajika kudari: ‘Iphwai,Ndinozovomesa murambo jako jese’;
28 Wiya anonanga ngo pamusoro pa Siro kudari, ‘Ndiyena muhavisi wangu,Iyena anozoita zvese zvandinoda’;Wiya anonanga ngo pamusoro po Jerusarema kudari: ‘Irona rinozovakiswazve,’
Wonanga ngo pamusoro po themberi kudari: ‘Maambo ayo anozovakwa.’”
Masoko o Pasi
^ Kana: “pawakabhahwa.”
^ Zvinoreva: “Wiya Wakarungama.” Zina ro kureremeja ro Iziraeri.
^ Mucihebheri, zvinonangira mamuti anonyanya kuwanika maningi mumbhiripiri mo murambo ku medhiyo oriyente. Ngo cingezi anodaninjwa kuti “Poplar.”
^ Mbezo ithurusi rinoshandiswa pakuceca danda.
^ Kana: “pandau yakacena.”
