Jona 2:1-10
2 Jona wakaita mukumbiro kuna Jehovha Mwari wake naari mundani mo hove.
2 Iyena wakananga kudari:
“Pandaitambujika ndakadaninja Jehovha, iyena wakandidavira.
Ndakacemera* kubesehwa ndiri mu Guva* rakajika.
Imwimwi makazwa izwi rangu.
3 Pa makandikhandira pa ndau yakajika pakati po jombe,Mavimbi akandimija.
Mavimbi enyu ese ano simba, akandiboboja.*
4 Ndakati: ‘Ndakajingwa pamberi penyu!
Ndicazovonazve themberi yenyu yakacena here?’
5 Kumwa yakandimija ndoguma pa kuda kufa.Kumwa yakajika yakandiboboja.*
Sora rakafukija musoro wangu.
6 Ndakandondomera mbhera pasi po matundhu.
Mugogo yo pasi, yainga yecindifungira mbhera narini.
Asi imwimwi Jehovha Mwari wangu makandibudisa mugomba.*
7 Simba rangu paraipera kuti ndigume pa kuda kufa, Jehovha ndiyena wandakarangarira.
Mukumbiro wangu wakaguma kwaari, mbhera mukati mo themberi yake yakacena.
8 Vaya vanonamata zvithombi zvicina zvazvinobesa, vanoramba cinyuke co rudo hucikacinji.*
9 Asi kwandiri no masoko angu o kubonga, ndinozomuitira mupiro.
Zvandakapika, ndinozozviita.
Ruponeso unovha kuna Jehovha.”
10 Ngo kudaro, Jehovha wakaita kuti hove iruce Jona pa ndau yakaoma.
Masoko o Pasi
^ Kana: “Ndakaririra.”
^ Kana: “Sheori.” Kana kuti, kufa kunoita vandhu vese. Vonanyi Kudurujihwa ko Magama.
^ Kana: “akandibobomeja.”
^ Kana: “yakandibobomeja.”
^ Kana: “rindo, rindi.”
^ Kangaije: “kugondeka kwavo.”
