Neemiya 10:1-39
10 Vaya vakavangisa citenderano ngo kudira cidhindho cavo nga ava:
Govhernadhori* Neemiya mwana wa Akariya,Zedhekiya,
2 Seraya, Azariya, Jeremiya,
3 Pashuri, Amariya, Marikija,
4 Atushu, Shebhaniya, Maruki,
5 Harimu, Meremothi, Obhadhiya,
6 Dhanyeri, Ginetoni, Bharuki,
7 Meshuramu, Abhiya, Mijamini,
8 Maaziya, Bhirigai na Shemaya. Ava ndivona vainga vapiri.
9 Varevhi vainga ava: Jeshuwa mwana wa Azaniya. Vana va Enadhadhi vainga ava: Bhinuyi, Kadhimiyeri,
10 hama javo jainga iji: Shebhaniya, Hodhiya, Kerita, Peraya, Hanaa,
11 Maika, Rehobhi, Ashabhiya,
12 Zakuri, Sherebhiya, Shebhaniya,
13 Hodhiya, Bhani na Bheninu.
14 Vakuru vo vandhu vainga ava: Paroshi, Pahati-mowabhi, Erami, Zatu, Bhani,
15 Bhuni, Azigadhi, Bhebhai,
16 Adhonija, Bhigivhai, Adhini,
17 Ateri, Ezekiya, Azuri,
18 Hodhiya, Ashumi, Bhezai,
19 Arifi, Anatoti, Nebhai,
20 Magipiyashi, Meshuramu, Heziri,
21 Meshezabheri, Zadhoki, Jadhuwa,
22 Peratiya, Hanaa, Anaiya,
23 Hosheya, Hananiya, Ashubhi,
24 Aroheshi, Piriha, Shobheki,
25 Rehumi, Ashabhina, Maaseya,
26 Ahija, Hanaa, Anaa,
27 Maruki, Harimu na Bhahanaa.
28 Vandhu vamweni vese, kureva vapiri, Varevhi, vangwariri vo musuvo, vaimbi, vashandi* vo muthemberi no vese vainga vakavha ku majinja ku nyika jainga jakavatendeneja kuti vatevere Mutemo wa Mwari wo cokwadi, no vakaji vavo, vana vavo vorume no vana vavo vokaji no vese vainga vano zivo yo kuzwisisa,*
29 vese vakabatana no hama javo, vanarume vano nduma, vopika kuti vaizofamba mukuzwirana no Mutemo wa Mwari wo cokwadi, wovakapuwa ndi Mosi, mushandiri wa Mwari wo cokwadi. Kuti vazonase kuzwira, mutemo yese ya Jehovha Mambo wedu, no matongero ake ese akarurama no ndhungamiriro jake.
30 Atizopi vana vedu vokaji ku vandhu vo nyika jakatitendeneja, nee atizotorivo vana vavo vokaji kuitira vana vedu vorume.
31 Kudari vandhu vo nyika jakatitendeneja vakaviya no nyagoso javo no mushovo wese wo zvokuha kuzotitengesera mu njiku yo Sabudu, apana ciri cese catinozotenga. Nee ngo mu Sabudu nee ngo mu njiku jakacena. Atizokotorivo zvokuha mu gore rocinomwe no kukhumbusazve* magava acizivi kupagahwi.
32 Kusiyapo izvi, takazvitemeravo kuti gore ngo gore, umwe na umwe wedu anofanera kupa divi rimwe basi pamativi matatu o mashekeri* ro kushandisa pa basa ro nyumba* ya Mwari wedu,
33 kuitira pau jakarongejwa, kuitira mupiro yo zvokuha inoizwa mukuvo wese, kuitira cipo cokupiswa cinoithwa mukuvo wese mu masabudu, kuitira kugara ko mweji mupsa, kuitira mutambo inoizwa pa nguva yakagajwa, kuitira zviro zvakacena, kuitira zvipo zvo cishaishi zvinoviiranisa Vaiziraeri no kuitira mabasa ese o nyumba ya Mwari wedu.
34 Takakhandiravo sorti yo huni jinofanera kuviiswa ku nyumba ya Mwari wedu, ngo vapiri, Varevhi no vandhu mukuzwirana no nyumba jo majibaba edu pa nguva yakagajwa gore ngo gore, kuti jipiswe pa artari ya Jehovha Mwari wedu mukuzwirana no zvakatahwa mu Mutemo.
35 Tinozoviisavo gore ngo gore mucero inotanga kuivha yo nyika yedu no mucero inotanga kuivha yo mushovo wese yo muti ku nyumba ya Jehovha.
36 Tinozoviisazve matangwe o vana vedu vorume no o zvifuyo zvedu mukuzwirana no zvakatahwa mu Mutemo. Tozoviisazve matangwe o n’gombe jedu no mavhuta edu. Tinozomaviisa pa nyumba ya Mwari wedu, mu nyara jo vapiri vanoshanda pa nyumba ya Mwari wedu.
37 Kusiyapo izvi, tinozozisavo upfu ucizivi kuceta o mbeu jedu jokutanga, mupiro yedu, mucero yo mushovo yese yo muti, vhinyu imbza no mafuta ku ndau inovigihwa zviro zvo nyumba ya Mwari wedu pamwepo no cogumi co nyika yedu ku Varevhi. Ngokuti Varevhi ndivona vanotora zvogumi zvatakasima mu madhorobha edu ese.
38 Mupiri, mwana wa Aroni anodikana kuva no Varevhi pavanonga vecitora zvogumi. Kuvha pa zvogumi zvondhozvo, Varevhi vanodikana kutora cogumi voenda kopira ku nyumba ya Mwari wedu pa ndau inohihwa mu nyumba inovigihwa zviro.
39 Ngokuti Vaiziraeri no vana vo Varevhi vanodikana kuviisa mupiro yo mucece, vhinyu imbza no mafuta ku ndau inovigihwa zviro, ngokuti ndikona kuno mujiyo jo ndau yakacena. Ndikonazve kunoshandira vapiri, varindiri vo pamusuvo no vaimbi. Itusu atizoregerizve kutaja nyumba ya Mwari wedu.
Masoko o Pasi
^ Kana: “Tirishata.” Iri izina ro kureremeja govhernadhori wo porovhinsiya yo Persiya.
^ Kana: “Vanetinimi” Gama ngo Gama: “Vandhu vakapekejwa Mwari kuti vamushandire.”
^ Kangaije: “vese vainga vano ndanga yo kuzwisisa.”
^ Kana: “kuyondazve.”
^ Shekeri imwe yairema 11,4g. Vonanyi Masoko Okuengejera B14.
^ Kana: “themberi.”
