Neemiya 11:1-36
-
Jerusarema riri kugahwazve (1-36)
11 Vatungamiriri vaigara ku Jerusarema, vandhu vamweni vese vakakhandira sorti kuti pa gumi ro vandhu, umwe aende koogara ku Jerusarema, dhorobha rakacena. Vamweni vapfumbamwe vaende koogara ku madhorobha amweni.
2 Vandhu vakakumbira Mwari kuti akomborere vanarume vese vakazvipira kuti vaende koogara ku Jerusarema.
3 Vatungamiriri vaigara mu porovhinsiya yo Jerusarema nga ava: (Vaiziraeri vamweni vese, vapiri, Varevhi, vashandi vo muthemberi no vana vo vashandi va Soromona vaigara ku madhorobha amweni o Judha. Umwe nga umwe pa ndau yake, mu dhorobha rake.
4 Vandhu vamweni vo ukama wa Judha na Bhenjamini vaigara mu Jerusarema.) Vo ukama wa Judha vainga ava: Ataiya mwana wa Uziya, Uziya wainga mwana wa Zakariya, Zakariya wainga mwana wa Amariya, Amariya wainga mwana wa Shefatiya, Shefatiya wainga mwana wa Maaharareri, Maaharareri wainga umwe wo vana va Perezi,
5 na Maaseya mwana wa Bharuki, Bharuki wainga mwana wa Korihoze, Korihoze wainga mwana wa Azaya, Azaya wainga mwana wa Adhaya, Adhaya wainga mwana wa Joyaribhi, Joyaribhi wainga mwana wa Zakariya, Zakariya wainga mwana wa Shera.
6 Vana vese vorume va Perezi vakasara vecigara ku Jerusarema vainga 468. Vese vainga vanarume vano simba.
7 Ku ukama kwa Bhenjamini kwainga kuna Saruu mwana wa Meshuramu, Meshuramu wainga mwana wa Jowedhi, Jowedhi wainga mwana wa Pedhaya, Pedhaya wainga mwana wa Koraya, Koraya wainga mwana wa Maaseya, Maaseya wainga mwana wa Itiyeri, Itiyeri wainga mwana wa Jeshaya,
8 kusiyapo Saruu, kwaingavo kuna Gabhai na Sereyai. Vanarume vese vaikwana 928;
9 Joweri mwana wa Zikiri wainga muvonereri wavo. Judha mwana wa Hasenuwa wainga muvonereri wocipiri wo dhorobha.
10 Ku vapiri vainga ava: Jedhaya mwana wa Joyaribhi, Jakini,
11 Seraya mwana wa Hirikiya, Hirikiya wainga mwana wa Meshuramu, Meshuramu wainga mwana wa Zadhoki, Zadhoki wainga mwana wa Merayoti, Merayoti wainga mwana wa Ahitubhi. Ahitubhi wainga mutungamiriri wo nyumba* ya Mwari wo cokwadi.
12 Hama javo jaibata basa pa themberi jainga 822. Adhaya mwana wa Jerohamu, Jerohamu wainga mwana wa Perariya, Perariya wainga mwana wa Amizi, Amizi wainga mwana wa Zakariya, Zakariya wainga mwana wa Pashuri, Pashuri wainga mwana wa Marikija.
13 Hama jake, musoro jo mbhuri ku divi ro majibaba jainga 242. Amashasai mwana wa Azareri, Azareri wainga mwana wa Ahazai, Ahazai wainga mwana wa Meshiremoti, Meshiremoti wainga mwana wa Imeri.
14 Hama javo, vanarume vano simba vocunga vainga 128. Muvonereri wavo wainga Zabhidhieri, wo ukama wo mbhuri ino nduma.
15 Vo ukama wo Varevhi vainga ava: Shemaya mwana wa Ashubhi, Ashubhi wainga mwana wa Azirikami, Azirikami wainga mwana wa Ashabhiya, Ashabhiya wainga mwana wa Bhuni.
16 Shabhetai na Jozabhadhi vatungamiriri vo Varevhi vaivonerera zvaiizwa kunja ko nyumba ya Mwari wo cokwadi.
17 Mataniya mwana wa Mikeya ndiyena waitungamirira pa kuimba. Ndiyenazve waitungamirira ndumbo jo kusimba pa mukuvo wo mukumbiro. Mika wainga mwana wa Zabhidhi, Zabhidhi wainga mwana wa Azafi. Bhakibhukiya wainga mutungamiriri wo cipiri pakati po hama jake na Abhidha mwana wa Shamimuwa, Shamimuwa wainga mwana wa Garari, Garari wainga mwana wa Jedhutuni.
18 Varevhi vese vainga mu dhorobha rakacena vainga 284.
19 Varindiri vo musuvo vainga Akubhi, Tarimoni no hama javo. Vanarume ava vaikwana 172.
20 Vaiziraeri vamweni, vapiri no Varevhi vainga mu madhorobha amweni ese o Judha. Umwe na umwe waigara pa ndau yake yaakagara utaka.
21 Vashandi* vo muthemberi vaigara mu Oferi, Ziha na Gishipa vainga vavonereri vo vashandi vo muthemberi.
22 Muvonereri wo Varevhi mu Jerusarema wainga Uzi mwana wa Bhani, Bhani wainga mwana wa Ashabhiya, Ashabhiya wainga mwana wa Mataniya, Mataniya wainga mwana wa Maika, Maika wainga umwe wo vana va Azafi, vainga vaimbi. Iyena waivonerera basa mu nyumba ya Mwari wo cokwadi.
23 Ngokuti kwainga kuno mupango wa mambo waivabesera, kwaingazve no zviro zvaidikana kupuwa vaimbi mukuzwirana no zvaidiwa njiku no njiku.
24 Petahiya mwana wa Meshezabheri wainga mupangiri wa mambo pa shwiro jese jo vandhu. Meshezabheri wainga umwe wo vana va Zera, Zera wainga mwana wa Judha.
25 Ngo pamusoro po ndau no munda javo, vandhu vamweni vo Judha vakaenda koogara ku Kiriyati-aribha no mumadhorobha madoko akaitendeneja, ku Dhibhoni no mumadhorobha madoko akaitendeneja no ku Jekabhizeri no ndau jayo.
26 Ku Jeshuwa, ku Moradha, ku Bheti-pereti,
27 ku Hazari-shuwari, ku Bheri-shebha no kumadhorobha madoko akaitendeneja,
28 ku Zikiragi, ku Mekona no kumadhorobha madoko akaitendeneja,
29 ku Eni-rimoni, ku Zora, ku Jarimuti,
30 ku Zanowa, ku Adhurami no ku ndau jayo, ku Rakishi no munda jayo, ku Azeka no kumadhorobha madoko akaitendeneja. Ivona vakagara kuvhira ku Bheri-shebha mbhera ku bani ro Hinomi.
31 Vandhu vo ukama wa Bhenjamini vaigara ku Gebha, ku Mikimashi, ku Aija, ku Bheteri no mumadhorobha madoko akaitendeneja,
32 ku Anatoti, ku Nobhi, ku Ananiya,
33 ku Hazori, ku Rama, ku Gitaimi,
34 ku Hadhidhi, ku Zebhoimi, ku Nebharati,
35 ku Rodhi no Ono. Ono rainga bani ro vavezi.
36 Zvikwata zvimweni zvo Varevhi zvo Judha zvainga zvakagajwa kuti zvigare ku divi ra Bhenjamini.
Masoko o Pasi
^ Kana: “themberi.”
^ Kana: “Vanetinimi.” Gama ngo Gama: “Vandhu vakapekejwa Mwari kuti vamushandire.”
