Ndiani kamare ari kutonga nyika?
Munorangarira kuti ndi . . .
-
Mwari?
-
vandhu?
-
umwenizve?
BHAIBHERI RINOTI KUDINI
“Nyika yese yo pasi iri mu nyara ja Sathana.”—1 Johani 5:19.
“Mwana wa Mwari wakavoneka . . . kuti afujure mabasa a Sathana.”—1 Johani 3:8, Baiberi Mazwi Akacena aMwari.
IZVI ZVINGAREVENYI KWAMURI?
Durujiro yakajeka ngo pamusoro po zvineso zvo mu nyika.—Apokalipsi (Cakapangijihwa) 12:12.
Kuva no thangue ro kuti nyika yedu icazodakaja.—1 Johani 2:17.
TINGATHEMBADI KAMARE ZVINONANGA BHABHERI HERE?
Hina, ngo mathangwe matatu basi pakati po mazinji:
-
Utongi hwa Sathana hwakatukwa. Jehovha wakasunga kupeja kuvonerera ka Sathana vandhu vese. Iyena wakagondesa ‘kufujura . . . Sathana’ no kumusijira zvese zvaakaphwanya.—Vaheberi 2:14.
-
Mwari wakasana Jesu Kristu kuti atonge nyika. Jesu wakasiana kamare no mutongi wo nyika ino wakashatisisa, ano umbau. No kuda ko utongi hwa Jesu, Mwari wakati: “Anoitira unyaxa murembi no mutami . . . Anovasujunura mu bzigevenga no vaxuphi; ngazi yavo ino mutengo pa majiso ake.”—Nduyo 72:13, 14.
-
Mwari aanganyepi. Mukujeka Bhaibheri rinoti: “Mwari aakwanisi kunyepa.” (Vaheberi 6:18) Jehovha wakagondesa kuita ciri cese, cinotoita inga catoitika! (Isaia 55:10, 11) ‘Bzino mambo wo nyika ino anozokhandihwa kunja.’—Johani 12:31.
ZVOKURANGARIRA
Nyika icazova yakadini utongi hwake pahunonga hwabviswa?
Bhaibheri rinopingura mubvunjo uu pana NDUYO 37:10, 11 zve APOKALIPSI (CAKAPANGIJIHWA) 21:3, 4.
Zvimweni Zvamungadakarira nga Izvi:
ESSENTIAL BIBLE TEACHINGS
Ngenyi Mwari Anoregerera Kutambujika?
Vandhu vakawanda vanoda kuziva kuti ngenyi mu nyika makazara ngo kuzondana no matambujiko. Mupinguro wo Bhaibheri wakajeka zve unonyaraja.
NGO PAMUSORO PEDU
Ngenyi Kujija Bhaibheri
Bhaibheri rinopa mupinguro jo muvhunjo jinonesa maningi mu upenyu kuna zviuru no zviuru zvo vandhu kutenderera nyika yese. Maidakarira kuva umwe wavo?
NGO PAMUSORO PEDU
Kumbiranyi Kuvhakacihwa
Kuitira kukumbira kuvhakacihwa kuti mubhuisane ngo pamusoro po shwiro jo Bhaibheri kana kuda kuziva ngo pamusoro po urongwa hwedu hwo jijo yo Bhaibheri icikapagahwi, presherinyi forimurariyo iri mu saiti jw.org.
