1. Sin dat feel urer wënig wat glööwe daue in hexerig? Dau dat uutdüüre?

 IN Air bauk fon religione in África wat hit Religião Tradicional Africana sägt soo oiwer hexerig: “Ine África wënig fråge of dat hexerig giwt urer ni weegen dai mëst fon africanos daue denke dat hexerig höört tau taum dat leewend.” Jërer sort lüür däit glööwe an hexerig, dai wat lërt häwe un dai wat ni uutlërt häwe. Un uk dai religione schefs fone kirche urer andrer religione daue uk glööwe dår an.

2. Soo as dai lüür in África denke daue, fon wem kümt dës kraft taum hexerig måke?

² Soo as dai lüür in África denke daue, giwt ain kraft wat fon gaist kümt. Dës kraft is fon God. Dai spauk un dai saichen daue dës kraft benutse. Wek lüür daue uk dës kraft benutse taum gaur urer slecht hexerig måke.

3. Wat is slecht hexerig un wat daue dai lüür dåroiwer glööwe?

³ Ain sort hexerig wat slecht is, wart benutst taum dai fainde forhexe. Dai wat dat måke daue, sai daue anglööwe sai koine tijre schike taum dai lüür oiwerhand neeme soo as fågels un flërermüüse, flaige un andrer. Feel daue anglööwe, dat doir dai hexerig, daue sai sich strijre, dai fruuges häwe kain kiner, wek ware krank un wek blijwe sogår dood.

4. Wat daue feel glööwe oiwer dai hexemësters un wat häwe wek wat al hexemësters wääst sin sägt?

⁴ Dai hexemësters säge dat sai fon sijn körper åwends ruutergåe koine taum wijd henflaige taum t’hoop kåme mit andrer hexemësters un taum im langsåm uutrote dat leewend fon dai lüür wat sai schåre wile. Dai körper fon dai hexemësters blijwt in ber slåpen, åwer man kan ni sicherhët häwe oiwer dës daile weegen dës daile ware fortelt for dai wat hexerig måke däire un dat nuu besijdlåte häwe. Aine bauk ine África fortelt oiwer wek määkes wat hexemësters wäire. Sai häwe soo sägt: “Ik häw måkt dat 150 lüür fone motorad ruunerfale sin un doodbleewe sin.” “Häw fijw kiner doodmåkt for eer blaud suuge.” “Ik häw drai bruudman doodmåkt weegen sai wule ni mër mit mij blijwe.”

5. Wat kan nent ware soo as gaur hexerig un wosoo wat dat måkt?

⁵ Wek glööwe dat dai gaur hexerig urer sich besprääke låte däit eer behüüte gëgen dat slechtigkët. Dai wat dit måke, daue fingerring benutse urer daue ain ring in der arm måke taum eer behüüte. Wek daue sich besprääke låte taum kurijrt ware un dai wat besprääke daue geewe melicin tau dai mësch inneeme urer roiwersmeere up dai körper. Sai daue t’huus urer ine land daile forsteeke wat sai maine daue dat eer familg urer huus behüüte däit. Sai häwe t’hoop mit sich daile taum sich behüüte, soo as bijbelsprüüch urer stüken for andrer hailig buiker soo as dai Alcorão.

6. Wat häwe Satan un sijn slecht ängels früüer måkt un krijge sai måkt ales wat sai wile?

⁶ Is wår dat Satan un sijn slecht ängels sin oos gefärlig faind. Sai häwe kraft oiwer dai gedanke un dai leewend fon dai lüür, un früüer sin sai sogår rinergåe ine körper fon lüür un fai un däire eer oiwerhand neeme. (Mateus 12:43 bet 45) Sai häwe groot kraft åwer dat bedüürt ni dat sai måke koine ales wat sai wile.

7. An wat wil Satan dat wij glööwe schåle un wosoo koine wij dat beeter forståe?

⁷ Satan is dai best taum der andrer belaige. Hai wil dat dai lüür glööwe daue dat hai mër kraft hät as hai wirklig hät. Taum dat beeter forståe wiman’s saie wat passijrt is jåre trööguut in krijgs wat ine África passijrt sin. Dai soldåte wule sijn fainde ängste un dårtau häwe sai wat grawret woo dai fainde hööre küüne feel wafen schaite. Sai wule dat een fainde denke schule dat sai feel mër wafen hare as sai wirklig hare. Soo, uk Satan wil dat dai lüür denke schåle, dat hai mër kraft hät, as hai wirklig hät. Hai wil dai lüür ängste dat sai em sijne wile måke un ni Jehovaa sijne wile. Nuu, daue wij drai loigen saie wat Satan wil dat wij glööwe schåle.

8. Wat fon is air fon Satan sij loigen?

⁸ Air fon Satan sij loigen is: Kair slechtigkët däit unnüte passijre. Wen air mësch dat ni måkt hät, den passijrt dat weegen dai slecht ängels dat måkt häwe. Soo as wen air kind doodblijwe däit weegen dai malária, kan sin dat dai mama waite däit dat dai malária ain krankhët is wat kåme däit doir dai moskit. Åwer sai kan uk glööwe dat air hexerig måkt hät, taum air moskit schike un eer sij kind steeke.

9. Sägt dai Bijbel dat al dai problems Satan bringe däit?

⁹ Lijkerst dat Satan kraft hät taum oos wat schåre, is forkërd glööwe dat hai kraft hät taum ale un irgends air sort problem bringe. Dai Bijbel sägt: “Dai flinksche daue ni ümer dat loopen gewine, un dai starke daue ni ümer dat kämfen gewine; dai klauke häwe ni ümer eeten, dai uutgelërte häwe ni ümer rijkhët, dai wat feel måken forståe kåme ni ümer gaud uut; Weegen dai tijd un dat wat wij ni luure kümt oiwer ale dai.” (Eclesiastes 9:11) Air wat loope däit taum wat gewine kan dai flinkste sin mank ale dai andrer wat loope, åwer kan passijre dat hai ni gewine däit. Air dail wat hai ni luure däit kan em forstööre, hai kan sich forhåke, henfale, sich slecht befijne urer em sijn seene koine sër dul wai. Dës daile koine mit irgends air anerd mësch passijre, dat bedüürt ni dat Satan urer air hexemëster dat måkt hät. Dat däit ainfach bloos passijre!

10. Wat wart sägt oiwer dai hexemësters un wosoo waite wij dat dat loigen is?

¹⁰ Air twait loigen fon Satan is: Dai hexemësters daue fon sijn körper åwends ruutergåe taum wijd henflaige taum t’hoop kåme mit andrer hexemësters un taum in langsåm uutrote dat leewend fon dai lüür wat sai schåre wile. Åwer fråg dij: ‘Wen dai hexemësters dit måke koine, wat däit wirklig fon eer körper ruutergåe?’ Soo as wij al saie häwe, dai sël is dai aigen mësch, ni air dail wat fon dai mësch ruutergäit. Un uk dai gaist is dai kraft wat leewend taum dai körper giwt un uute körper kan dai nischt måke.

11. Wosoo waite wij dat dai hexemësters ni uut eer körper ruutergåe koine un däist duu dår anglööwe?

¹¹ Dai sël un dai gaist koine ni fon dai mësch sij körper ruutergåe taum wat gaures urer wat slechtes måke. Soo, dai hexemësters koine ni uut eer körper ruutergåe. Sai daue ni måke dai daile wat sai säge dat sai måkt häwe urer dat sai denke daue dat sai måkt häwe.

12. Wosoo koine wij uutdüüre dat wat dai hexemësters säge dat sai måkt häwe?

¹² Wosoo koine wij uutdüüre dat wat dai hexemësters säge dat sai måkt häwe? Satan kan måke dat dai lüür glööwe daue dat sai wek daile beleewt häwe wat sai wirklig ni måkt häwe. Doir saichen, Satan kan måke dat dai lüür denke daue dat sai saie häwe, höört häwe un daile måkt häwe wat sai ni saie häwe, ni höört häwe un uk ni måkt häwe. Soo, wil Satan, dai lüür aflenke fon Jehovaa un eer glööwe måke dat dai Bijbel forkërd is.

13. Giwt dat wirklig air gaur hexerig? Wat sägt dai Bijbel oiwer hexerig?

¹³ Dai drür loigen fon Satan is: Giwt air gaur hexerig, dai wat gëgen dai slecht hexerig is. Dai Bijbel wijst dat sich besprääke låte un hexerig måke sin oiwerain un forkërd. God däit dës bëd daile hasse. Sai dai leis wat Jehovaa taum Israel folk geewt hät oiwer hexerig un dai wat dat måke däire:

•   “Daut kain hexerig måke.” (Levítico 19:26)

•   “Irgends air kërl urer fruug wat hexerig mökt urer wat daile foiruut råre däit mut doodmåkt ware.” (Levítico 20:27)

•   “Mank juuch dört kair sin wat . . . råren benutst, urer air wat hexerig mökt, urer air wat saichen söcht, urer aine hexemëster, urer air wat andrer mit forhexen anbijnt, urer air wat dai suikt wat gaiste anraupt, urer air wat råre däit.” (Deuteronômio 18:10 bet 14)

14. Woweegen hät Jehovaa leis måkt oiwer hexerig?

¹⁴ Dës leis däire wijse dat God wul ni dat sij folk hexerig måke schul. Jehovaa hät dës leis tau sij folk geewt weegen hai däir eer sër lijbe un wul ni dat sai angst häwe schule un åwerglööbisch ware schule. God wul ni dat dai slecht ängels sij folk oiwerhand neeme däire.

15. Wosoo wijst dai Bijbel dat Jehovaa feel mër kraft hät as Satan?

¹⁵ Dai Bijbel fortelt ni sër feel oiwer dat wat dai slechte ängels måke koine un dat wat sai ni måke koine. Åwer dai wijst gans klår dat Jehovaa God feel mër kraft hät as Satan un dai slecht ängels. Jehovaa hät Satan fone himel ruunersmeete. (Apocalipse 12:9) Sai uk dat Satan God forlang hät taum Jó pruiwe un hät em horgt as God em forlangt hät taum ni Jó doodmåke. (Jó 2:4 bet 6)

16. Tau wem koine wij hülp forlange taum behüütet ware?

¹⁶ Provérbios 18:10 sägt: “Jehovaa sij nåme is air stark turm. Dai gerecht löpt dår riner un krigt behüüten.” Den wij muite bloos hülp forlange taum Jehovaa taum behüütet ware. Dai wat Jehovaa dijner daue ni hexerig måke urer sich besprääke låte taum behüütet ware fon Satan un dai slechte ängels,un häwe kair angst taum forhext ware. Dai wat God dijner glööwe an dat wat dai Bijbel sägt: “Weegen Jehovaa sijn oogen daue doir dai gans ër rëse, taum sijn kraft wijse oiwer dai wat em dijne mit eer ganse härts.” (2 Crônicas 16:9)

17. Wat fon sicherhët giwt oos Tiago 4:7, åwer wat muite wij den måke?

¹⁷ Tiago 4:7 sägt: “Hult juuch an God, åwer daut gëgen der Düüwel blijwe, un hai däit uutrijte fon juuch.” Wen’s duu dai wår God dijne un horge däist, den, kast duu sicherhët häwe dat hai dij behüüte däit.