Mut dat ümer air lei sin wat ine Bijbel sreewe stäit?

AS duu klain wäirst, kan sin dat dijn papa un mama däire dij ümer säge wat’s duu måke schust. As duu gröter wäirst, dun häst duu saie dat sai dat måke däire, weegen sai däire sich bekümre mit dij. Nuu, dat’s duu al groot büst bruukst duu ni mër eer horge, åwer kan sin dat’s duu nog feel daile måke däist soo as sai dijn inlërt häwe.

In em sij Woord dai Bijbel, oos himlisch Fåter, Jehovaa, däit oos forordne feel daile wat wij ni måke döre soo as falsche godes anbeere, huurerig måke un steelen. (Êxodo 20:1 bet 17 un Atos 15:28, 29) Wen wij mër lëre oiwer Jehovaa, daue wij lëre dat hai dës ordnung oos geewt hät weegen hai däit oos lijbe, wil oos behüüte un dai ordnung wat hai oos giwt sin ni taum ales oos forbaire måke. (Efésios 4:15, Isaías 48:17, 18 un 54:13)

Åwer, dai Bijbel däit ni ümer säge dai uutsuiken wat wij måke muite. Dårweegen, wek lüür maine dat sai måke koine wat sai wile. Sai daue denke, wen dat wirklig nöörg wäir, däir God oos aine ordnung dåroiwer geewe.

Dës lüür daue ni forståe dat wij ine Bijbel lëre koine wat God wil dat wij måke schåle, lijkerst wen kair ordnung dåroiwer is. Wen wij dai Bijbel studijre, daue wij lëre wat Jehovaa maine däit richtig urer forkërd is. Dat däit oos forstand inlëre un helpt oos gaure uutsuiken måke. Wen wij soo måke, daue wij Jehovaa frööge un dat däit oos gaud gåe. (Efésios 5:1)

God sijn dijners wat wij nåmåke koine

Dai Bijbel fortelt oos oiwer feel wat Jehovaa dijne däire wat gaur uutsuiken måkt häwe, lijkerst wen kair ordnung dåroiwer wäir. Sai wat passijrt is mit José. As Potifar sij fruug José andreewe hät taum seks bedrijwe mit eer, Jehovaa har nog ni ain ordnung geewt woo säge däir dat dat forkërd wäir. Åwer, lijkerst soo ån ain ordnung häwe José däir waite dat wäir forkërd seks bedrijwe mit eer un dat wäir air groot süün gëgen Jehovaa. (Gênesis 39:9) Gans sicher, däir José waite wat Jehovaa tau Adam un Eva sägt hät dat forfrigte lüür müste reäl sin air mit dem andrer. (Gênesis 2:24)

Denk uk an dat wat sreewe woore is in Atos 16:3. Dår häwe wij lërt dat Paulo, hät ain stük fel fon dai jong Timóteo sijn gemecht afsneere, airer as hai Timóteo mitnåme hät in dai rës taum preege. In dai spruch 4 wijst dat Paulo un Timóteo sin na feel stäärer henrëst un häwe tau dai bruirers un swesters sägt, “wat dai apostels un dai ülster in Jerusalém uutsöcht hare”. Åwer air fon dai daile wat uutsöcht woore wäire, wäir dat dai kristen brüükt ni mër ain stük fel fon dai kërls sijn gemecht afsnijre! (Atos 15:5, 6, 28 un 29) Den, woweegen hät Paulo dai stük fel fon Timóteo sijn gemecht afsneere? “Weegen dai judeus in dai gëgende, ale wüste dat [Timóteo] sij papa grego wäir.” Paulo wul ni dat dat wat dai kristen måke däire urer ni måke däire dai lüür forstööre däir taum dai gaure nijges hööre. (2 Coríntios 4:2 un 1 Coríntios 9:19 bet 23)

Paulo un Timóteo däire oiwerain denke. Lees Romanos 14:15, 20, 21, 1 Coríntios 8:9 bet 13 un 10:23 bet 33. In dës sprüüch, koine wij saie dat Paulo däir sich sër bekümre mit dai andrer eer gloobe, uphaupt mit dai wat sich forhåke küüne weegen air dail wat ni forkërd wäir. Oiwer Timóteo, Paulo hät soo sreewe: “Ik häw kaine ande wat soo trecht is as hai, wat gans genau sich bekümert mit juuch. Weegen al dai andrer daue suike wat sai aigen wile, ni dat wat fon Jësus Kristus is. Åwer jij kene gaud wat hai selwst weese hät, dat hai arbërt hät mit mij t’hoop dat dai gaure nijges foirwärtsgåe däire.” (Filipenses 2:20 bet 22) Hüüt, wij koine feel gaure daile lëre fon dat wat dës bëre kërls måkt häwe. Wen ni ain ordnung wäir, däire sai ni måke wat sai wule. Åwer, sai däire Jehovaa un Jësus eere lijb nåmåke un soo däire uutsuiken måke wat andrer helpe däire Jehovaa dijne.

Denk uk an Jësus, dai best wat wij nåmåke koine. In sijn Preeg upm Barg, hai hät uutdüürt dat wij mër måke muite as bloos Jehovaa sijn leis horge. Wij muite uk andenke an woweegen Jehovaa dai lei geewt hät, den koine wij uk gaud uutsuiken måke oiwer andrer daile. (Mateus 5:21, 22, 27 un 28) Jësus, Paulo, Timóteo un José däire ni denke dat sai küüne måke wat sai wule wen kair lei wäir. Sai wüste dat dai twai oiwerste geboote sin God lijbe un dai andrer lüür lijbe. Un sai däire uutsuiken måke wat wijse däire dat sai dës twai leis horge däire. (Mateus 22:36 bet 40)

Un wij hüüt, woo koine wij gaur uutsuiken måke?

Dai Bijbel is ni soo as air papijr fon air kontrakt woo gans genau säge däit wat wij måke muite. Jehovaa blijwt sër fröölig wen wij oos anstrenge taum måke dat wat hai maine däit richtig is, lijkerst wen ni ain ordnung dåroiwer is. Wij döre ni luure dat God ümer oos säge däit wat wij måke muite. Wij muite oos anstrenge taum ‘forståe wat fon is Jehovaa sijne wile’. (Efésios 5:17 un Romanos 12:2) Woweegen fröögt em dat? Weegen dat däit wijse dat wij oos bekümre daue mër in em fröölig låte as oos selwst gefale. Wijst uk dat wij soo dul dankbår sin up em sij lijb, dat wij dës lijb taum andrer lüür uk wijse wile. (Provérbios 23:15 un 27:11) Un wen wij dai Bijbel benutse taum forståe wat Jehovaa wil dat wij måke schåle daue wij oos ümgang mit em stärke un uk feel måls ware wij gesuuner sin.

Nuu daue wij saie wosoo gaur uutsuiken måke.

Wosoo koine wij gaur tijdfordrijwen uutsuike?

Denk man’s dat air jong braurer dai musik hööre wil fon air mësch wat singe däit. Däit em gefale dai moor wosoo dai musik speelt wart, åwer hai däit ruuterfijne dat dai wöör wat dårin sin, sin huurig un hässlig. Hai wät uk dat dai musik fon dës mësch mëstümer dai lüür lust geewe däit gewald wijse. Weegen dës jong braurer Jehovaa lijbe däit, hai däit sich bekümre oiwer dat wat Jehovaa denke däit un forneeme däit oiwer dai musik. Wosoo kan hai forståe wat fon is God sijne wile?

Dat wat dai apostel Paulo sreewe hät tau dai Gálatas wijst wat dai süündig körper mökt un wat dai hailig gaist drågt. Kan sin dat’s duu al waite däist wat dës hailig gaist dråge däit: lijb, fruir, freere, geduld, gaurigkët, fründligkët, gloobe, fråmhët un sich selwst hule krijge. Åwer wat mökt dai süündig körper? Paulo hät sreewe: “Wat dai süündig körper mökt sin klår saien, dai sin: huurerig, unrëgenhët, leewe åne schåm, gemåkt daile anbeere, hexerig, faind sin, strijren, groot oogen, sër wüütend ware, unainigkët, fordailen ine gemaind, seitas anfänge, groot oogen, suuperig, fest fijren un daile soo as dës. Ik dau juuch formåne weegen dës daile, soo as ik juuch al formånt har: dai wat dës daile måke daue ni God sijne Regirung ärbe.” (Gálatas 5:19 bet 23)

Sai dai lätst wöör in Paulo sijn list ‘daile soo as dës’. Paulo hät ni jërer daile sreewe wat dai süündig körper måke kan. Åwer dat bedüürt ni dat dai mësch soo säge kan: wen ni sin dai daile wat Paulo sreewe hät, dai Bijbel löt mij dat måke. Dit bedüürt dat dai lüür müste sijne forstand benutse taum waite wat fon daile sin soo as dës, åwer wat Paulo ni sreewe hät, weegen wee daile soo as dës måke däit un wil ni aners ware däit ni God sijn Regirung ärbe.

Wij muite denke of air daile Jehovaa gefale däit urer ni. Is slim dat måke? Denk man’s dat dijn dokter dij säge däit dat’s duu mër fruchtapel, beere un gruinweesend eete schast un dat’s duu ni mër sofeel kuchen, smijr, dikerijs eete schast un daile soo as dës. Is slim waite taum wat fon sort eeten däit dai kuchen tauhööre? Nuu, denk man’s werer an wat dai hailig gaist drögt un wat dai süündig körper mökt. Taum wat fon däit tauhööre dai musik wat wij al fortelt häwe? Gans sicher däit ni uutsaie mit dai lijb, gaurigkët, sich selwst hule krijge urer andrer gaure moors wat besägen häwe mit dat wat dai hailig gaist drögt. Den, is ni nöörg ain ordnung häwe taum forståe dat dai soo as musik ni God gefale däit. Dai neemlig kast duu denke wen’s duu air bauk leese däist, air film urer wat ine TV kijke däist, videogames urer sogår wat ine internet un soo wijrer.

Wosoo koine wij gaur uutsuiken måke oiwer oos tüüg?

Dai Bijbel däit oos uk helpe gaur uutsuiken måke oiwer dai moor woo wij oos antreke daue un oos uutsmüke daue. Dit helpe dai lüür sich fornünftig antreke. Wen wij gaur uutsuiken måke daue oiwer dai moor woo wij oos antreke daue un oos uutsmüke daue koine wij oos Fåter in himel fröölig låte. Soo as wij al saie häwe lijkerst wen Jehovaa ni leis geewe däit oiwer wat fon tüüg wij antreke muite urer wosoo wij uutsmüke koine nog soo wil hai dat wij gaur uutsuiken dåroiwer måke daue. Dai tüüg wat ine moor is dråge kan gans aners sin in jërer gëgend un mit ais wile dai lüür dat ni mër antreke. Doir dai wårhëte fone Bijbel, däit God oos inlëre dat wij jërer stel urer stuun fornünftig antrekt sin.

1 Timóteo 2:9 un 10 sägt: “Neemlig soo, dai fruuges schåle sich mit schik beklëre, sich uutsmüke mit fornünftigkët un gaure forstand, ni mit ingeflechtig hår, ni mit guld urer mit pérolas, uk ni mit tüüg wat sër düür is, åwer, mit gaure arbëd, soo’s dai fruuges wat säge sai daue God horge .” Bruirers un swesters muite andenke wen dai tüüg wat sai antreke daue fornünftig is in dai stel woo sai wåne daue. (2 Coríntios 6:3) Wat hät groote wërd uphaupt weegen dai moor woo wij oos antreke un oos uutsmüke daue kan måke dat dai lüür aners denke daue oiwer dat wat dai Bijbel sägt. Wij wile fornünftig sin un dårweegen daue wij ni stråwe wat dai andrer sich forhåke måke kan. (Mateus 18:6 un Filipenses 1:10)

Wen air kristen ruuterkrijge däit dat dai moor woo dai sich antreke däit urer sich uutsmüke däit andrer sich forhåke måke kan urer dat andrer sich dårweegen schääme daue, soo as dai apostel Paulo dai mut ümstelen måke taum andrer helpe dai wårhët lëre. Paulo hät sägt: “Måkt mij nå, soo as ik Kristus nåmåke dau.” (1 Coríntios 11:1) Paulo hät oiwer Jësus sreewe: “Weegen nog nijmåls dai Kristus hät sich selwst gefale.” Is gans klår wat Paulo sägt hät taum al kristen: “Åwer wij wat stark sin, muite der eer swakhëte uuthule wat ni stark sin un ni måke wat oos selwst gefült. Dat jërer ainsig fon oos, der ande gefale däit in dat wat gaud is tau dem, taum der stärke.” (Romanos 15:1 bet 3)

Wosoo lëre gaur uutsuiken måke

Wosoo koine wij lëre gaur uutsuiken måke tau Jehovaa gefale lijkerst wen ni ain ordnung dåroiwer is? Wen wij dai Bijbel jërer dag leese daue uk oos anstrenge taum forståe un dåroiwer gaud grüüwle daue wij lëre oiwer dat wat Jehovaa gefale däit un daue wij uk gaur uutsuiken måke. Ik måke forståe is ni air daile rasch passijrt. Soo as wij ni saie krijge jërer dag dat air kind wasse däit, daue wij uk ni glijk saie dat oos ümgang mit Jehovaa stärke woore is un dat wij beeter uutsuiken måke daue.

Dårweegen muite wij geduld häwe un ni oos traurig befijne dat wij nog ni soo dul foirwärtsgåe man sin as wij wule. Åwer wij krijge ni foirwärtsgåe bloos weegen dat wij soo rasch uld ware daue. Wij muite dai Bijbel lëre un anstrenge taum God sijne wile måken. (Hebreus 5:14)

Wat God sijn leis giwt wij daue dai lei horge dat däit wijse dat wij måke daue wat em gefale däit, åwer wat kain leis is un wen wij gaud uutsuiken måke daue dat däit wijse dat wij em lijbe daue un låte em fröölig. Jij mër as wij Jehovaa dijne daue den wat oos gloobe stärke up em un wij daue beeter Jehovaa un Jësus nåmåke, un den wile wij dai Bijbel benutse taum mithelpe gaur uutsuiken måke. Wen wij dat uutsuiken måke daue taum Jehovaa fröölig låte den ware wij uk fröölig.

[BIJLD]

Dai tüüg is gans aners in jërer gëgende, åwer dai wårhëte fone Bijbel oos helpe fornünftig sin in irgend stel