Dai wat leese fråge

Oiwer wem hät Paulo sreewe in 2 Coríntios 6:14 as hai sägt hät: “dai wat ni glööwe daue an dai selwige daile as jij”?

In 2 Coríntios 6:14 stäit: “Daut juuch ni t’hoop hule mit dai wat ni glööwe daue an dai selwige daile as jij.” Gans sicher, wen wij nåsaie daue dai andrer sprüüch fon dës kapitel koine wij licht forståe dat Paulo fortele däir oiwer lüür wat ni taum dai gemaind tauhööre däire. In nog andrer bijbelsprüüch, koine wij beeter forståe oiwer wem Paulo sreewe hät as hai sägt hät “dai wat ni dai selwige gloobe häwe as wij”.

Airst hät Paulo strengt formånt wek ine gemaind dat sai upm gericht henwääst sin “foir dai wat ni dai selwige gloobe häwe as wij”. (1 Coríntios 6:6) In dës spruch, dai wat ni dai selwige gloobe häwe as wij sin dai juízes fon dai gerichtshuus in Corinto stad. In dai twait braif wat Paulo sreewe hät taum dës gemaind, hät hai sägt dat Satan ‘im düüster låte däit dai wat ni dai selwige gloobe häwe as wij.’ Dai sijn oogen sin soo as taubuune mit aine dauk, dat sai ni dai gaure nijges forståe koine. Paulo hät sreewe: “Wen air tröögkümt na Jehovaa, wart dat dauk wegnåme.” (2 Coríntios 3:16 un 4:4)

Wek fon dës lüür däire dai lei ni horge un däire falsche godes anbeere. (2 Coríntios 6:15 un 16) Åwer sin ni ale fon dai wat ni dai selwige gloobe häwe as wij, wat sich gëgen oos stele daue. Wek, mage gërn dat wat Jehovaas Tüügen inlëre daue. Feel sin forfrigt mit air Tüüge fon Jehovaa un sin fröölig in forfrigt leewend. (1 Coríntios 7:12 bet 14, 10:27, 14:22 bet 25 un 1 Pedro 3:1, 2) Åwer soo as wij al saie häwe, ümer wen Paulo fortele däit oiwer “dai wat ni dai selwige gloobe häwe as wij” däit hai fortele oiwer air wat ni tauhööre däit tau dai gemaind, woo dai lüür “gloobe an dem Her häwe”. (Atos 2:41, 5:14 un 8:12, 13)

Dai belërung in 2 Coríntios 6:14, helpt dai bruirers un swesters in feel daile ine leewend un feel måls wart dai benuts taum formåne dai wat sich forfrijge wile. (Mateus 19:4 bet 6) Air wat sich anbåre hät un sich tauwe låte hät, däit ni air taum forfrijge suike mank dai wat ni dai selwige gloobe hät as dai. Weegen dat wat dai im leewend wile, dat wat wërd tau em hät un dat wat dai glööwe dau, is gans aners.

Un dai wat dai Bijbel studijre daue un nam forsamulung gåe, urer dai wat preege daue åwer nog ni sich tauwe låte häwe? Den, sin dës dai wat ni dai selwig gloobe häwe as wij? Në! Dai lüür wat annåme häwe dai Bijbel studijre ,foirwärtsgåe im gloobe un häwe im wile sich tauwe låte, sin ni soo as dai wat ni dai selwige gloobe häwe as wij. (Romanos 10:10 un 2 Coríntios 4:13) Is soo sreewe woore oiwer Cornélio, airer as hai sich tauwe låte hät: “Kërl mit groote gloobe wat angst har im ni God gefale.” (Atos 10:2)

Den, in 2 Coríntios 6:14 hät Paulo ni sreewe oiwer dai wat al preege åwer nog ni tauwt sin. Wen wij hijr andenke daue, däit air wat Jësus någäit klaukhët wijse wen sich air bruud urer bruudman neeme däit, urer forfrijge däit mit aim wat al preege däit, åwer nog ni tauwt is? Në! Dat däit ni klaukhët wijse. Woweegen? Weegen dat wat Paulo formånt hät oiwer dai witfruuges ine gemaind. Paulo hät sreewe: “Sai kan werer frijge mit wee sai wil, bloos im Her.” (1 Coríntios 7:39) Dat passt sich t’hoop mit ale ine gemaind hüütsendågs uk. Sai schåle sich air suike taum frijge, bloos mank dai wat an “Her” glööwe daue.

Wat bedüüre dai wöör “im Her” un “an Kristus”? Paulo hät fortelt oiwer dai wat “im Her” un “an Kristus” in Romanos 16:8 bet 10 un Colossenses 4:7. Wen’s duu dës sprüüch leese däir, däist duu saie dat sai däire mithelpe, däire dai Her gefale, wäire lijb bruirers un swesters, reäl dijners un eskravos im Her.

Wosoo air wart ‘eskrav im Her’? Dai mësch däit mit fraiwile måke dat wat air eskrav mökt un däit sijn aigen wile besijdlåte. Jësus hät uutdüürt: “Wen air mij någåe wil, mut sijn aigen wile besijdlåte, sijn post neeme un mij up ümer någåe.” (Mateus 16:24) Dai mësch fängt an Kristus någåe un däit God sijne wile måke, wen sich tau Jehovaa anbaire däit. Denåste däit sich tauwe låte un wart Tüüge fon Jehovaa un soo däit Jehovaa God gefale. Den, bloos ‘im Her frijge’, bedüürt sich frijge mit air wat al weese hät an dem Her glööwe däit. a Air wat “God sij eskrav un uk fon dem Her Jësus Kristus” is. (Tiago 1:1)

Wee dai Bijbel mit Jehovaas Tüügen studijre däit un foirwärtsgäit im gloobe mut låwt ware. Åwer hät nog ni sich anbåre tau Jehovaa, hät nog ni upsöcht em dijne un soo leewe as God wil. Däit nog im leewend dai daile int raich bringe. Dai mut forsuike forståe wat nöörg is taum air Tüüge fon Jehovaa ware, airer as andrer daile mit groote wërd ine leewend måke, soo as sich forfrijge.

Wäir woo gaud dat air braurer sich aine bruud neeme däit urer ain swester sich air bruudman neeme däit, bloos dat sai maine daue dat dai foirwärtsgäit in dai Bijbel lëre un luure bet dai sich tauwe löt, taum denåste mit dai frijge? Në. Dat kan måke dat air wat dai Bijbel lëre däit sich tauwe låte wil, ni weegen Jehovaa, åwer weegen aim wat al tauwt is, sich mit dai frijge wil, nå dat dai sich tauwe löt.

Mëst ümer, dai mësch däit preege ån sich tauwe låte, up ain kord tijd un denåste däit dai sich tauwe låte. Den, wat Paulo formånt hät, taum bloos sich im Her frijge, is ni tau streng. Åwer wen dat aners wäir, soo as wen air al uld naug is tau sich frijge, is uptrekt woore in ain familg wat Jehovaa God sijne wile mökt un al up feel jåre lang preege däit t’hoop mit dai gemaind, ån sich tauwe låte. Wen dat soo is, woweegen hät dai nog ni sich anbåre tau Jehovaa? Wat däit dai luure? Sin wek dai daile woo oiwer dai mësch sich ni sicher is? Den, lijkerst wen dai ni soo is as ain wat ni dai selwige gloobe hät as wij, wij koine ni säge dat dai “im Her” is.

Dat wat Paulo formånt hät oiwer forfrigt leewend, is dat ales gaud gäit mit oos. (Isaías 48:17) Wen dai kërl un fruug wat frijge wile, sich al anbåre häwe tau Jehovaa, sai koine sich düler air up der ander forlåte, weegen sai daue an der selwige daile glööwe un häwe dai selwige daile im wile taum måke. Dårweegen, sin sai ainige un fröölige im forfrigt leewend un uk, dat sai bloos “im Her” frigt häwe, wijse dat sai reäl an Jehovaa sin un dårmit krijge sai feel seegens wat up ain lang tijd duurt, weegen ‘mit dem wat reäl is, is Jehovaa reäl’. (Salmo 18:25)

[Nåt]

[Bijld]

‘Mit dem wat reäl is, is Jehovaa reäl’