1, 2. Woweegen daue Jehovaas Tüügen sich antreke up air moor wat God gefale däit? (Sai dat bijld im anfang fon artikel.)

 AIR JORNAL fon Holanda land hät fortelt oiwer dai sort tüüg wat dai religione schefs antrekt hare up air forsamlung. Dai jornal hät uutdüürt: “Sai häwe ni dai richtig tüüg antrekt taum dai forsamlung, uphaupt weegen dat soo hait wäir. Dai kongress fon Jehovaas Tüügen sin gans aners. Kërls un jonges daue ansuug un gravata antreke. Fruuges un määkes daue fornünftig roke antreke, åwer ni soo as dai früüsche tijd.” Feel måls lüür daue Jehovaas Tüügen låwe weegen sai daue sich mit schik beklëre. Dai apostel Paulo hät sägt dat dai wat Jësus någåe, muite “sich uutsmüke mit fornünftigkët un gaure forstand”, weegen sai daue God horge. (1 Tim 2:9 un 10) Dai apostel Paulo däir oiwer dai fruuges fortele, åwer dat höört uk tau, tau dai kërls wat Jësus Kristus någåe.

² Wij wile oos gaud antreke weegen dat hät groote wërd tau Jehovaa. (Gên 3:21) Jehovaa hät oos måkt, dårweegen hai hät recht doir dai Bijbel säge wosoo schåle wij oos antreke. Den, dai tüüg wat wij antreke daue dört ni bloos oos gefale, åwer uphaupt mut Jehovaa gefale.

3. Wat koine wij lëre oiwer dat wat Moisés sreewe hät oiwer wosoo wij oos antreke muite?

³ Dat wat Moisés sreewe hät, hät dai israeliten behüütet fon dai huurerig fon andrer folker. Dat däir uk wijse dat Jehovaa ni gefale däir wen ain fruug sich antreke däir soo as air kërl un air kërl soo as ain fruug. (Lees Deuteronômio 22:5) Den, wat koine wij lëre oiwer dat wat Moisés sreewe hät? Dat däit Jehovaa ni gefale wen air kërl sich antrekt soo as ain fruug un wen ain fruug sich antrekt soo as air kërl, urer wen ni licht is waite doir dai tüüg wen dai mësch air kërl urer ain fruug is.

4. Wat kan oos helpe gaur uutsuiken måke wen wij tüüg uutsuike daue taum antreke?

⁴ Dai Bijbel kan oos helpe wen wij tüüg uutsuike daue taum antreke. Hät nischt sägen woo wij wåne, wen hait urer kuld is urer woo dai lüür gewoont sin woo wij wåne daue. Dai Bijbel däit ni säge jërer sort tüüg wat wij antreke koine, dai löt dat wij uutsuike daue wat fon sort tüüg oos gefale däit. Åwer dat wat dai Bijbel inlëre däit, däit oos helpe waite “dat God sij wile is gaud un åne fëgel”, sogår wen wij tüüg uutsuike daue. Wiman’s wek fon dës formånen saie. (Rom 12:1 un 2)

5, 6. Woweegen muite wij oos gaud antreke?

⁵ Lees 2 Coríntios 6:4. In dës spruch daue wij air gaur formånen fijne wat Jehovaa oos geewe däit. Weegen dai tüüg wat wij antreke daue, koine dai lüür wat gaures urer wat slechtes oiwer oos reere. Dai tüüg wat wij antreke daue wijst tau dai lüür wat fon sort lüür wij sin. (1 Sam 16:7) Wij daue God horge, dårweegen wij koine ni antreke bloos wat oos gefale däit. Dat wat ine Bijbel stäit helpt oos kair tüüg uutsuike wat eng is, kort, wat wijd uutgesneere is urer dat wen dai lüür na oos kijke daue, daue sai an huurig daile denke. Dit däit wijse dat wij kair tüüg antreke daue wat oos körper wijse däit. Wij wile ni dat dai andrer sich slecht befijne urer dat sai wegkijke daue taum anerd sijr weegen dai tüüg wat wij antreke daue.

⁶ Is lichter dat dai lüür oos respektijre daue soo as air wat God horge däit wen wij oos gaud antreke, wen oos tüüg rëgen is un wen wij fornünftig tüüg antreke. Un nog, wen wij oos gaud antreke daue, kan sin wart lichter dat dai lüür waite wile wee is dai God tau wem wij arbëre daue. Sai daue oos düler respektijre un horge wile wen wij tau eer preege daue.

7, 8. Wonair muite wij oos nog düler uppasse wen wij tüüg uutsuike daue?

⁷ Oos tüüg mut wijse dat wij Jehovaa, oos bruirers un swesters un dai lüür wat wij preege daue respektijre. Wij wile dat dai lüür gaud oiwer Jehovaa un oiwer dat wat wij preege reere daue. (Rom 13:8 bet 10) Dårweegen up oos forsamlunge un wen wij preege daue muite wij nog düler uppasse dai tüüg wat wij uutsuike daue. Wij muite tüüg antreke wat wijse däit dat wij God horge daue. (1 Tim 2:10) Kan sin air tüüg wat wij up air stel antreke daue, wij koine ni up anerd stel antreke. Åwer, dat wij Jehovaas Tüügen sin, wij wile tüüg antreke wat wijse däit dat wij dai andrer respektijre daue, hät nischt sägen woo wij wåne.

⁸ Lees 1 Coríntios 10:31. Wen wij in oos kongress sin, wij muite fornünftig tüüg antreke. Wij döre ni oos antreke soo as dai lüür wat ni Jehovaas Tüügen sin. Airer un nåheer as wij nam kongress hengåe, wen wij na huus kåme urer wen wij for t’huus ruutergåe, oos tüüg mut wijse dat wij God horge daue. Wij döre oos ni schääme taum andrer lüür säge dat wij Jehovaas Tüügen sin, bloos weegen oos tüüg. Wen wij oos fornünftig tüüg antreke daue, wij koine oiwer Jehovaa tau dai andrer fortele in irgends air stel.

9, 10. Wosoo Filipenses 2:4 helpt oos wen wij tüüg uutsuike daue?

⁹ Lees Filipenses 2:4. Woweegen muite wij an oos bruirers un swesters andenke wen wij tüüg uutsuike daue? Air dail is wat stäit in Colossenses 3:2 un 5: “Måk den dood, dai daile fon dijm körper wat besägen hät mit huurerig, ni rëgen sin, wünsch taum seks bedrijwen.” Airer as Jehovaa kent häwe, wek bruirers un swesters däire huurig daile måke. Nuu, sai daue sich sër anstrenge taum ni an forkërd daile denke. (1 Cor 6:9 un 10) Wij wile ni dat soo as wij oos antreke daue eer forstööre däit bijblijwe Jehovaa horge. Dårweegen is gaud andenke airer as wij uutsuike daue wat fon sort tüüg wij antreke daue.

¹⁰ Dai wild is ful huurig lüür, åwer wij sin aners. Soo as wij oos antreke daue mut wijse taum oos bruirers un swesters dat ine gemaind, kair däit soo denke as dai lüür fone wild. Mut soo sin ni bloos wen wij upe forsamlung sin, åwer in irgends air stel wen wij mit oos bruirers un swesters t’hoop sin. Gewis wij koine uutsuike wat fon sort tüüg wij antreke wile. Åwer wij muite tüüg antreke wat ni oos bruirers un swesters forstööre däit rëgen sin an wat sai denke, fortele un måke daue foir God. (1 Ped 1:15 un 16) Wee dai andrer uutm härts lijbe däit, “däit sich ni unfornünftig hule, söcht ni bloos sijne aigen wile”. (1 Cor 13:4 un 5)

11, 12. Wosoo Eclesiastes 3:1 un 17 helpt oos wen wij wat uutsuike taum antreke?

¹¹ Wen wij oos tüüg uutsuike daue, muite wij andenke dat “is ain tijd taum jërer arbëd un taum jërer dail wat dai mësch måke wil”. (Ecle 3:1 un 17) Wij daue fon dës spruch lëre dat airer as wij wat uutsuike taum antreke, muite wij richtig dåroiwer denke. Gewiss doch, wen dat hait urer kuld is, dai stel woo wij wåne daue urer andrer daile, koine mithelpe dat wij aine tüüg urer anerd uutsuike daue. Åwer dat wat Jehovaa säge däit richtig urer forkërd is, wart nij ais aners. (Mal 3:6)

¹² In stele woo dat hait is, is slime sich fornünftig antreke. Wen wij oos bruirers un swesters lijbe daue, wij daue kain tüüg antreke wat tau eng urer tau groot is, weegen wij wile ni oos körper tau feel wijse. (Jó 31:1) Wen wij upm praia urer ine piscina sin, oos tüüg dår mut uk fornünftig sin. (Prov 11:2 un 20) Feel lüür wen dai up dës stele sin, daue tüüg antreke wat dai körper tau feel wijse däit. Åwer wij wile dat dai lüür gaud reere daue oiwer oos God Jehovaa wen dai oos tüüg saie daue.

13. Wosoo däit 1 Coríntios 10:32 un 33 helpe oos tüüg uutsuike?

¹³ Lees 1 Coríntios 10:32 un 33. Wat in dës sprüüch stäit hät groot wërd taum oos helpe tüüg uutsuike. Dår wijst dat wij andenke muite an oos tüüg taum waite wen dai andrer forhåke kan urer ni. Wij wile ni dat oos bruirers un swesters urer andrer lüür sich ni gaud befijne daue weegen oose tüüg. Dai apostel Paulo hät sreewe: “Dat jërer ainsig fon oos, der ande gefale däit in dat wat gaud is tau dem, taum der stärke. Weegen nog nijmåls dai Kristus hät sich selwst gefale”. (Rom 15:2 un 3) Jësus däir ni maine dat em sijne wile in airst stel blijwe müst, taum em har gröter wërd oiwer Jehovaa taum dai andrer lüür fortele. Up dai selwig årt, wij wile ni dat oos tüüg dai lüür forstööre däit dai gaure nijges hööre.

14. Wosoo kan dai papa un mama een kiner mithelpe tüüg uutsuike wat God gefale däit?

¹⁴ Dai papa un mama wat Jehovaa horge daue, muite een kiner inlëre leewe nå dat wat dai Bijbel inlërt. Dai papa un mama un uk dai kiner bruuke fornünftig tüüg antreke un sich uutsmüke up ain moor wat Jehovaa gefale däit. (Prov 22:6 un 27:11) Wosoo koine dai papa un mama een kiner mithelpe respektijre un forståe dat wat God gefale däit? Airst, muite dai papa un mama leewe nå dat wat dai Bijbel inlërt un nog, sai muite een kiner mit gaurigkët inlëre woo sai tüüg kööpe koine un wosoo dai uutsuike. Dai kiner döre ni ain tüüg uutsuike bloos weegen sai dai mage daue, åwer muite air tüüg uutsuike wat wijse däit dat sai Jehovaa gefale daue.

15. Wat däit oos helpe gaur uutsuiken måke?

¹⁵ Dai Bijbel helpt oos uutsuiken måke wat Jehovaa fröölig låte däit. Åwer dat bedüürt ni dat al bruirers un swesters dai selwig sort tüüg uutsuike daue. Wij koine tüüg uutsuike wat wij mage daue urer dai wat wij betåle koine. Hät nischt sägen wat fon sort tüüg wij uutsuike daue, åwer dai mut rëgen sin, fornünftig sin un t’hooppasse mit dat wat wij måke daue un dai moor woo wij wåne daue.

16. Woweegen loont sich anstrenge taum fornünftig tüüg fijne?

¹⁶ Öftens, is ni licht fornünftig tüüg fijne. Feel geschäfthüüse daue bloos forkööpe dat wat dai mëste lüür antreke daue. Dårweegen, kan ni licht sin rok, klëd un hemd kööpe wat fornünftig sin, un uk hoose un ansuug wat ni eng sin. Åwer, loont sich anstrenge weegen oos bruirers un swesters daue fröölig blijwe wen wij fain un fornünftig tüüg antreke daue. Un nog, wat mëre wërd hät, is dat wij oos himlisch Fåter gefale daue!

17. Is richtig dai bruirers bård häwe urer ni?

¹⁷ Is richtig dai bruirers bård häwe urer ni? Früür, dai lei wat Moisés sreewe hät däir säge dat dai kërls bård häwe müste. Åwer, hüüt brüüke dai bruirers ni mër någåe dat wat Moisés sreewe hät. (Lev 19:27, 21:5 un Gál 3:24, 25) In wek gëgende, daue dai lüür gaud anneeme wen air kërl bård häwe däit un dai onglig måke däit. Dårweegen, in dës stele wen air braurer wat bård häwe däit tau eer preegt, dat däit eer ni forstööre. Kan sin dat dår bruirers wat ülster urer hülpsdijner sin bård häwe daue, åwer kan sin dat wek laiwe kain bård häwe daue. (1 Cor 8:9, 13 un 10:32) Åwer in andrer gëgende, daue dai lüür ni gaud anneeme bård häwe. Den, wen air braurer bård häwe däit, koine dai lüür slecht oiwer em reere un sogår oiwer Jehovaa. Dårweegen, kan sin dat dës braurer ni maint ware kan soo ‘air wat nischt forkërd måkt hät’. (Rom 15:1 bet 3 un 1 Tim 3:2, 7)

18, 19. Wosoo dat wat in Miqueias 6:8 stäit oos helpe kan tüüg uutsuike?

¹⁸ Is sër gaud waite dat Jehovaa ni säge däit wat wij antreke koine urer ni. Hai löt oos aigen uutsuiken måke, åwer dat mut t’hooppasse mit dat wat dai Bijbel formåne däit. Nog soo, döre wij oos ni forgeete dat dai tüüg wat wij antreke daue mut wijse dat wij ‘im gewöönligkët mit God gåe daue’. (Miq 6:8)

¹⁹ Wat bedüürt ‘im gewöönligkët gåe mit God’? Bedüürt dat wij ni måke daue bloos wat wij wile, åwer wij daue någåe dat wat Jehovaa oos formåne däit. Wij daue uk respektijre dat wat dai andrer lüür maine un forneeme daue. Un dat haupt is, fornünftig sin wart oos helpe andenke dat Jehovaa rëgen un hailig is. Hai wät dat wat beeter for oos is.

20. Wat wile wij dat dai andrer oiwer oos tüüg denke daue?

²⁰ Oos tüüg mut gans klår wijse dat wij Jehovaa horge daue. Wij daue oos fröölig befijne wen wij oos antreke up ain moor wat em gefale däit. Feel bruirers un swesters sin wërd låwt ware weegen woo sai sich uutsmüke daue un dat sai fornünftig sin. Öftens wile feel lüür oiwer God lëre dårweegen. Soo, låte wij Jehovaa fröölig. Wen wij oos tüüg gaud uutsuike daue, daue wij Jehovaa gefale, dai wat sich “mit herligkët un fainhët” antreke däit. (Sal 104:1 un 2)