Dai Bijbel mökt dat leewend aners

“Air hät mij sägt ik wäir ‘air fass åne borem’.” - LUKA ŠUC

IS GEBOORE WOORE IN: 1975

LAND: ESLOVÊNIA

GESCHICHT: BESÅPEN MËSCH

WAT IK BELEEWT HÄW: Ik bün geboore woore in Liubliana, ain stad fon Eslovênia. Ik häw ain gaur leewend hat bet ik 4 jår har, as mij papa sich doodmåkt hät. Denåste hät müst mijn mama sër dul arbëre taum 2 kiner uptreke, ik un mij ülst braurer.

As ik 15 jår har, bün ik hentrekt nam mijn groosmuter un ik däir gërn dår wåne weegen dai woo mit ik ümgang har, däire dår dicht wåne. Dår küün ik wek daile måke wat ik ni måke küün as ik mit mijn mama wåne däir. Mit 16 jår, häw ik anfånge gåe mit lüür wat uutgangsweek drinke däire, häw mijne hår wasse låte, tüüg antreke wat ni fornünftig wäir un rooke.

Ik häw feel drogas benutst, åwer häw mij anwent mitm drinkerig weegen dat däir mij dülst gefale. Im anfang, däir ik bloos pår gläss wijn drinke, åwer ni sër lang nåheer, jërer mål wen ik drinke däir, däir ik mër as ain gans flasch wijn uut drinke. Ik wäir sër slau un dårweegen däire dai lüür ni saie dat ik al soo besåpen wäir. Feel mål, wäir dat bloos saien doir woo ik rüüke däir, dat ik al feel drunke har. Un nog soo wüst kair wofeel liter wijn un bijr t’hoop mit vodca, har ik drunke.

Bijnå ümer, nå ain gans nacht in ain dansen huus sin, mit dai woo mit ik ümgang har, ik däir eer helpe ståen blijwe lijkerst wen ik dat duwelt drunke har as sai. Aine dag häw ik air for eer sägen höört dat ik air fass åne borem wäir, in esloveno språk, dës wöör wäire benutst taum fortele oiwer air wat mër drinke däir as al dai andrer. Dat hät mij sër argret.

Ik häw anfånge denke oiwer dat wat ik mit mijne leewend måke däir. Ik däir mij åne wërd befijne. Saigt soo uut dat ales wat ik måke däir nischt upsich har.

DAI BIJBEL HÄT MIJN LEEWEND ANERS MÅKT: In dai tijd, häw ik saie dat air wat t’hoop lëre däir mit mij ine schaul, aners wäir, wäir soo as wen hai ruige wäir. Ik wul waite woweegen hai aners woore wäir, dårweegen häw ik em nöögt taum kafe drinke. Hai hät mij uutdüürt dat hai anfånge har dai Bijbel lëre mit Jehovaas Tüügen. Hai hät mij wek daile sägt wat hai lëre däir un taum mij wäir dat wat nijges, weegen ik däir taum kain religion tauhööre. Dun, häw ik anfånge upm Jehovaas Tüügen sijn forsamlunge gåe un däir uk mit eer dai Bijbel lëre.

Dårmit, däir ik feel belërungs fone Bijbel lëre wat mij wirklig koråsch geewe däir. Soo as, ik häw lërt dat wij in ain tijd leewe daue wat dai Bijbel nent soo as dai “lätste dåg.” (2 Timóteo 3:1 bet 5) Ik häw uk lërt dat God dai slechte lüür uutrote däit un dat dai gaure lüür up ümer leewe koine in paradijs. (Salmo 37:29) Ik wul sër gërn mij leewend aners måke un air gaur mësch ware soo as Jehovaas Tüügen.

Ik häw anfånge fortele mit dai wat ik ümgang har oiwer dai belërungs fone Bijbel wat ik lëre däir. Feel häwe spot oiwer mij, åwer dat is gaud wääst, weegen soo häw ik saie dat sai kain gaure ümgang wäire. Ik häw forståe dat ik tau feel drinke däir, weegen dai slechte ümgang wat ik har. Dai däire dai gans week luure taum werer uutgangsweek besåpent ware.

Ik häw besijdlåte dai woomit ik ümgang har un häw mij t’hoophule mit Jehovaas Tüügen. T’hoop mit eer sin, däir mij koråsch geewe, weegen sai däire God lijbe uutm ganse härts un sai däire sich anstrenge nå dai Bijbel leewe. Mitm tijd, häw ik anhule kreege tau feel drinke.

WOO DAI BIJBEL MIJ HULPE HÄT: Ik dau Jehovaa danke dat ik ni mër feel drinke bruuk taum fröölig sin. Ik wait ni wat mit mij passijre däir wen ik mij leewend ni aners måkt har. Åwer ik bün mij sicher, nuu is mij leewend sër, sër beeter.

Hät groote wërd hat tau mij dës lätste 7 jåre in dai Betel fon Eslovênia arbëre. Nuu dat ik Jehovaa kene dau un em horge dau, mij leewend hät wirklig wat upsich.