• IS GEBOORE WOORE IN: 1963

• LAND: INGLATERRA

• GESCHICHT: HAR AIN ARBËD WAT FEEL GAURE DAILE GEEWE DÄIR

WAT IK BELEEWT HÄW:

Ik bün geboore in Croydon, ain stel fon Londres. Bün dai söxt fon 9 kiner. Mijn papa un mama wäire fon São Vicente, ain insel fon Caribe. Mijn mama wäir fon dai metodista kirch. Lijkerst dat ik sër gërn lëre däir, ik har kain wile taum oiwer God lëre. Ik wäir gewoont wen dai férias wäire fone schaul dicht an wåter blijwe, wat dicht an oos huus wäir, taum buiker leese wat ik ine biblioteca mij borgt har.

Wek jåre nåheer dat ik al uutgelërt wäir, häw ik saie dat ik helpe wul dai lüür wat hülp bruuke däire. Ik häw anfånge helpe dai wat kair hüüser hare, dai lüür wat ni gåe koine un dai wat ni licht lëre. Dun, häw ik anfånge oiwer gesundhët lëre ine Universidade. Nåheer, taum mij wuunre, ik häw etslig arbëd kreege un mij leewend is ümer faine woore. Ik däir for mij selwst arbëre soo as consultora empresarial un pesquisadora social, ales wat ik bruuke däir wäir mijn komputador un internet. Ik däir weeke lang nam uutland rëse, däir in dai hotel blijwe wat mij dülst gefale däir, fon woo ik feel fain daile kijke küün un dår däir ik uk nam dai spa un dai academia de ginástica gåe taum ümer gaud blijwe. Dit wäir gaud leewe! Nog soo, ik däir mij bekümre mit dai wat slimhët doirsete däire.

WOO HÄT DAI BIJBEL MIJ LEEWEND ANERS MÅKT:

Feel jåre lang häw ik mij frågt, woweegen leewe wij un wat hät dat leewend upsich? Åwer, ik häw nij ais söcht dai antwoord fon dai Bijbel. Air dag in 1999 mijn swester Margaret, wat jünger as ik is un Tüüge fon Jehovaa woore is, hät mit bröcht ain fruug fon dai selwig religion taum mij besuike. Dës fruug hät sich sër bekümert mit mij. Dun, häw ik annåme dai Bijbel lëre. Åwer hät sër lang duurt dat ik mij leewend aners måkt häw weegen mij arbëd un soo as ik leewe däir, däir mijn gans tijd neeme.

Im somer fon 2002, bün ik taum ain anerd stel in Inglaterra hentrekt. Dår, häw ik anfånge mijn pós graduação in pesquisa social taum der doutorado krijge. Ik häw uk anfånge henmåke in dai forsamlunge fon Jehovaas Tüügen mit mijn klain kind. Lijkerst dat ik feel lërt har ine schaul, is dat wat ik fon dai Bijbel lërt häw wat mij hulpe hät beeter forståe dai problems fon dai leewend un waite wat dat int raich bringe küün. As ik Mateus 6:24 leest häw, häw ik forståe dat wij ni twai Her häwe koine. Ik müst uutsuike God sijne wile måke urer rijk ware.

Air jår airer wäir ik feel måls henwääst in ain grup wat dai Bijbel lëre däir, woo dai Jehovaas Tüügen dat bauk, Existe um Criador que se importa com você? a studijre däire. Ik wäir mij sicher dat bloos Jehovaa, dai wat ales upbröcht hät, ales int raich bringe kan. Åwer in dai Universidade däir ik lëre dat taum dat leewend wat upsich häwe, wäir ni nöörg glööwe an dai wat ales upbröcht hät. Dat hät mij ni anståe! Dun, bloos nå 2 månet ine Universidade studijre, häw ik anhule un häw uutsöcht mër tijd neeme taum God sijne wile måke.

Provérbios 3:5 un 6 hät mij hulpe mij leewend aners måke, dår stäit: “Forlåt dij up Jehovaa mit al dijn härts, forlåt dij ni up dij aigen forståen. Dau andenke an em in al dijn weegs, un hai däit dai int raich bringe.” Oiwer oose lijb God lëre, wäir beeter as irgends air rijkhët urer dail wat ik krijge küün mit air doutorado. Ji mër dat ik lëre däir oiwer Jehovaa sij wile tau dai ër un dat Jësus sij leewend geewt hät taum oos rere, mër wul ik mij leewend anbaire taum God. Ik bün tauwt woore in april fon 2003 un fon dun an häw ik mij leewend ümer ainfache måkt.

WOO DAI BIJBEL MIJ HULPE HÄT:

Mijn gaur ümgang mit Jehovaa hät groote wërd. Dat ik Jehovaa kenelërt häw, häw ik wår freere un frööligkët fuune. Ik bün uk fröölig dat ik ümgang häw mit andrer wat uk God anbeere daue.

Ik dau ümer bijblijwe mër lëre fon dai Bijbel un in dai kristlig forsamlunge. Ik dau gërn fortele oiwer mijne gloobe tau der andrer. Dit is mij leewend woore! Nuu kan ik wirklig helpe der lüür air beeter leewend häwe un uk air gaur hofnung taum in dai nijg wild leewe. Set juni fon 2008, dau ik up dai gans tijd lang preege un mij leewend is fröölige un beeter as nij ais wääst is. Ik häw forståe wat dat leewend wirklig upsich hät un bün sër dankbår tau Jehovaa dår up.