MILIJONE lüür wat Jësus någåe, daue ni dai wijnachte fijre. Däit eer dat lëd? Fëgelt eer wat? Maine een kiner dat wat eer fëgle däit? Hijr uuner ståe wek daile wat Jehovaas Tüügen ine ganse wild sägt häwe dåroiwer.

An Jësus Kristus andenke: “Airer as ik Tüüge fon Jehovaa woore bün, däir ik bijnå nij ais nam kirch gåe. Bloos wijnachte un ooster. Åwer, sogår in dere dågs, däir ik ni an Jësus Kristus andenke. Hüütsendågs, dau ik ni dai wijnachte fijre, åwer 2 mål upe week dau ik mij mite gemaind forsamle un dau sogår andrer inlëre wat dai Bijbel sägt oiwer Jësus.” - EVE, AUSTRÁLIA.

Geschenke geewe: “Ik bliw sër fröölig wen air mij ain geschenk giwt, ån dat ik dat luure däir. Dat däit mij sër gefale! Ik mag gërn uk wat srijwe urer wat måle taum dat tau andrer lüür geewe, weegen soo daue sai sich frööge un ik bliw uk sër fröölig dårmit.” - REUBEN, IRLANDA DO NORTE.

Helpe dai wat bruuke: “Wij mage gërn eeten kåke taum air wat krank is. Öftens daue wij blaume mitneeme, ain kuchen urer ain anerd geschenk taum dai mësch frööge. Wij mage dat måke, weegen soo koine wij irgends air dag fone jår dai lüür besuike.” - EMILY, AUSTRÁLIA.

T’hoop mit dai familg sin: “Wen oos familg t’hoop is, in ain stel woo ale sich gaud befijne daue, oos kiner koine een tante un unkel, een groosfåter un groosmuter un uk een primos, beeter kene. Wij daue ni ain fijrdag luure taum oos familg besuike. Dårweegen, oos fründschaft waite dat wij eer besuike daue, weegen wij eer lijbe daue un ni dat wij dat måke muite.” - WENDY, ILHAS CAIMÃ.

Freere: “In dai wijnachte tijd, süüt soo uut dat soo feel daile sin tau måken, dat dai lüür går ni tijd häwe taum an dat freere denke. Nuu dat ik lërt häw wat dai Bijbel forsprääke däit taum dai lüür, dau ik mij ruige befijne. Nuu wait ik dat mijn kiner in ain beeter wild leewe koine.” - SANDRA, ESPANHA.