IITOPOLWA YI IKOLELELA KOSHIPALANYOLO SHOKOMBANDA | OONZAPO DHAJEHOVA ODHO OOLYE?
Oonzapo dhaJehova odhi itaala shike?
Odhi itaala kutya “Enyolo kehe olya nyolithwa kOmbepo yaKalunga noli na oshilonga shokulonga oshili.” (2 Timoteus 3:16) Ohatu longitha Ombiimbeli oyo yi tu wilike sho tatu ilongo kombinga yOmushiti. Oyo wo hatu longitha yi tu kwathele tu kale nonkalamwenyo tayi ti sha.
Ombiimbeli otayi ti: “Jehova Ofule; edhina lye Jehova.” (Eksodus 15:3, OB-1954) Onkee ano, tse ohatu longele owala Jehova Kalunga. Otwa tokola toko oku tseyithila wo yalwe edhina lye, shaashi tse Oonzapo dhe. — Jesaja 43:10-12.
Aakriste ayehe oyi itaala kutya Jesus oye “Omuna gwaKalunga.” * Oyi itaala wo kutya Jesus okwi ile kombanda yevi, na Kalunga okwe mu gwayeke a ninge Omukwaniilwa gwetu. (Johannes 1:34, 41; 4:25, 26) Sho Jesus a si, okwa yumudhwa. (1 Aakorinto 15:3, 4) Konima yethimbo okwa londo a yi megulu, nokwa kuutumba kolulyo lwaKalunga he. Okuza mpono Kalunga okwe mu ningi omukwaniilwa gUukwaniilwa We. (Ehololo 11:15) Uukwaniilwa mboka owo epangelo lyolela ndyoka tali ke eta Oparadisa kombanda yevi. (Daniel 2:44) Ombiimbeli otayi ti: “Aayifupipiki otaa ka thigulula evi notaa ka mona uulinawa nombili.” — Episalomi 37:11, 29.
Omusita gwaKatoolika, Benjamin Cherayath okwa popi moshifo shimwe shOshindowishi a ti: “Uuna [Oonzapo] tadhi lesha Ombiimbeli, odhi itaala kutya Kalunga oye ta popi nadho. Ngele omwa holoka uupyakadhi monkalamwenyo yadho ohadhi kongo omayele mOohapu dhaKalunga. . . . Kudho Oohapu dhaKalunga odhi na omwenyo.”
Oonzapo dhaJehova odhi itaala kutya omayele gOmbiimbeli otaga vulu okukwathela aantu nokunena. (Jesaja 48:17, 18) Nomolwashoka, dho ohadhi vulika kugo. Pashiholelwa, Oonzapo ihadhi hili omakaya, dho ihadhi longitha iingangamithi. Omolwashike mbela? Omolwaashoka Ombiimbeli otayi londodha aantu kaaya nyateke omadhiladhilo nomalutu gawo. (2 Aakorinto 7:1) Ohadhi iyageke wo okuninga iinima mbyoka yi indikwa kOmbiimbeli ngaashi: okukolwa, oluhondelo, ohole yiipala nokuyaka. — 1 Aakorinto 6:9-11.
^ okat. 5 Ombiimbeli otayi popi wo Jesus e li “Omuvalwa awike gwaKalunga,” oshoka Kalunga okwe mu shita tango, nopwaahe na ekwatho lyagumwe. — Johannes 3:18; Aakolossa 1:13-15.
Opu na ishewe uuyelele mbuka
OMAPULO NGOKA HAGA PULWA OLUNDJI KOMBINGA YOONZAPO DHAJEHOVA
Oonzapo dhaJehova odhi itaala shike?
Tseya kombinga yiinima 15 mbyoka twi itaala.
OMAPULO NGOKA HAGA PULWA OLUNDJI KOMBINGA YOONZAPO DHAJEHOVA
Mbela Oonzapo dhaJehova odhi itaala kutya odho owala dhi li melongelokalunga lyashili?
Mbela Jesus okwa li a popi kutya oku na oondjila odhindji ndhoka tadhi fala kehupitho?
ESSENTIAL BIBLE TEACHINGS
Mbela Kalunga oku na edhina?
Kalunga oku na omadhinasimeneko ogendji. Gamwe gomugo ogo Omunankondoawike, Omushiti nosho wo Omuwa. Kalunga oku na edhina lye mwene ndyoka lya holoka lwiikando yi vulithe po 7 000 mOmbiimbeli sho ya nyolwa petameko.
