“Elapo yoothene enavareryeliwa ni mulipa oonanara owo.”​—1 Yohani 5:19.

“Mwaana a Muluku aahooneihiwa wi anyaanye miteko sa Musaserya.”​—1 Yohani 3:8.

Yootaphulela yawooneya ya makacamiho a elapo.​—Wupulula 12:12.

Yoororomeliha wi elapo ahu enahaala otorokiwa wi ekhale phaama.​—1 Yohani 2:17.

Aai, moone mathowa mararu:

• Olamulelo wa Satana onammala. Yehova oolakelela omaliha olamulelo wa Satana ntakhara achu. Yehova oolaiherya ‘ovootha’ ni omaliha onanara woothene otannyiwe ni Satana.​—Ahepri 2:14.

• Muluku oomuthanla Yesu Kristu wi alamulele elapo. Yesu toohiyana vancipale ni mulamuleli ootakhala ni a nrima a elapo ya mutano. Vooloca sa olamulelo wa Yesu, Muluku onnalaiherya: “Owo onamwaamorelaka ikharari oothoiwa ni oohaawa, . . . owo onanwoopola wa ohooxiwa ni nlala.”​—Salmu 72:13, 14.

• Muluku hanootha. Piipiliya mwawiiweya onnaloca: “Muluku harwa ootha.” (Ahepri 6:18) Yehova alaiherya weera echu, enakhala ntoko yoheereya! (Yesaya 55:10, 11) Moohikhwa minikwa, “mulamuleli a elapo yeela onarwa iikariwa.”​—Yohani 12:31.