Alipa Ookhwa Anamukookela Okhala Akumi Chiryene?
Mwaahaala wi . . .
-
aai?
-
hooye?
-
akhweya?
PIIPILIYA ONI
“Onamukhalawo ovinya muukhwani wa awookololowa ni oohookololowa.”—Saweeriwa ti Arummwa 24:15.
EYO ENATAPHULELA EHEENI WA NYUWO
Ohakararya vaavaa anakhwaaya oosiveliwa.—2 Akorintu 1:3, 4.
Otaphuwa wa woova okhwa.—Ahepri 2:15.
Ewehereryo yeeparipari ya okumana ni oosiveliwa anyu okhwile.—Yohani 5:28, 29.
HIYAANO NNAPHWANELA WEEMERERYA CHIRYENE YEEYO PIIPILIYA ONALOCEIYE?
Aai, moone mathowa mararu:
-
Muluku ti Mpatuxa a okumi. Piipiliya onaloca wi Yehova Muluku “ehime ya okumi.” (Salmu 36:9, PMM; Saweeriwa ti Arummwa 17:24, 25) Muluku yoowo ovanhe okumi soopatuxiwa soothene chiryene onnawerya okookiherya okumi wa muchu okhwile.
-
Khalai Muluku aahaaviiha achu muukhwani. Piipiliya onnaloca saweereya thanu nararu sa achu—amiravo, awunnuwelavo, alopwana ni athiyana—yaawo yaakookenle okhala akumi veelaponi ya vathi. Akina hiyaalekenle muukhwani, nyenya mmoha aahikhala mmahiyeni mahiku masese!—Yohani 11:39-44.
-
Muluku onnachuna weerano eyo wanaawiili. Yehova onniica okhwa; owo onoona okhwa ntoko mwiicani. (1 Akorintu 15:26) Muluku onnachuna omvootha mwiicani owo, onnachuna omaliha okhwa moorweela wa ovinya muukhwani. Muluku onnachuna waaruuha yaale ari mmuupuweloni mwawe nave onnachuna owoona awo ekhalaka wanawiili veelaponi ya vathi.—Yupu 14:14, 15.
WI MUUPUWELE
Ntakhara heeni nnuuluvalaahu ni okhwa?
Piipiliya onnaakhula nikoho nenla mu MAPACERERYO 3:17-19 ni AROMA 5:12.
Akhweya Tho Mwaahaala Osiveliwa
MAHUSIHERYO OOKHWELEYA A PIIPILIYA
Mukhalelo wa Achu Ookhwa Tuuvi?
Piipiliya onnaroromeliha elukuluku yeeyo achu ancipale anahaalaaya oviihiwa muukhwani, ntoko Lasaro aaviihiweiye.
HIYAANO NAANI
Ntakhara heeni omuhuserya Piipiliya?
Piipiliya onnavaha maakhulo a makoho matokotoko a okumi wa macikhwi a achu orukurerya elapo. Mwaanasiveliwa okhala mmoha a yaawo?
MAHUSIHERYO A PIIPILIYA
Musuwele Mukhalelo wa Oveka Yoohuserya ya Piipiliya
Mukhaleno ovaanela vooloca sa Piipiliya ohinaliveliwa ni muhusiha.
