“Muluku . . . onahaala ovuta miithori oothene mmiithoni mwaya, nave horwa okhalavo tho okhwa, naari hokhalavo tho othanana, naari wunla, naari sawiicela. Ichu sakhalai soovira.”​—Wupulula 21:3, 4.

Muteko waphaama ni woohakalaliha.​—Yesaya 65:21-23.

Horwa okhalavo ireca naari okoi mmukhalelo ori woothene.​—Yesaya 25:8; 33:24.

Okumi woohimala, woohakalala, vamoha ni amusi ni asinthamwene.​—Salmu 37:11, 29.

Aai, moone mathowa meeli:

• Muluku ookhalano owerya wi akhwaaniherye yoolaiherya. Mu Piipiliya, Yehova Muluku mukhateiye oniichaniwa “Aikuru sothene,” ntakhara owo ookhalano ikuru soohimala. (Wupulula 15:3) Mwawiihiiha, owo tawaakhwanela wi akhwaaniherye yoolaiherya awe ya otoroka elapo ahu wi ekhale phaama. Hiiha ntoko Piipiliya onaloceiye, “wa Muluku, soothene ti sooweryeya.”—Mateyu 19:26.

• Muluku onnachuna okhwaaniherya yoolaiherya. Ntoko yootakiherya, Yehova ookhalano “munkhela” wa waaviha alipa ookhwa.​—Yupu 14:14, 15.

  Piipiliya tho onnooniherya wi Mwaana a Muluku, Yesu, aahaapenuxa areca. Ntakhara heeni owo aaheerano eyo? Nthowa nawi owo aanachuna weerano. (Marku 1:40, 41) Yesu moophaameya aahooniherya omuchu wa atiithi awe moorweela wa ochuna wawe waakhaviherya alipa oothoiwa.​—Yohani 14:9.

  Mwawiihiiha nnaphwanela ororomela wi Yehova ni Yesu annachuna onikhaviherya wi nipuhe omwaahiyu woohakalala!​—Salmu 72:12-14; 145:16; 2 Petru 3:9.