“ToTajtsin iluikakchane kitlalis se tekiuajyotl tlen xkeman kipopoloskej.” (Daniel 2:44, Traducción del Nuevo Mundo.)

“Nochi tekiuajyotl [tlen] onkaj ipan in tlaltikpaktli yokinoyaxkatij toTeko Dios niman iCristo.” (Apocalipsis [Revelación] 11:15, In Yencuic Iyectlajtoltzin Dios ican Náhuatl de Guerrero.)

•  Yejuin tekiuajyotl uelis techpaleuis kuajli matinemikan (Isaías 48:17, 18).

•  Tinemiskej ipan se yenkuik tlaltikpaktli kampa tiyolpakiskej niman xok tikualoskej (Apocalipsis 21:3, 4).

Kema, matikitakan san ome:

• Jesús okiteititi tlenon kichiuas iTekiuajyo toTajtsin. Jesús okimijli inomachtijkauan makitlajtlanikan ipan teoyotl ika mauajla iTekiuajyo toTajtsin niman manochiua ipan tlaltikpaktli tlen toTajtsin kineki (Mateo 6:9, 10). Noijki okiteititi kenon yemelak nochiuas tlen tiktlajtlanij ipan teoyotl.

  Ijkuak Jesús onen ipan tlaltikpaktli, otetlakualti, otepajti niman okinyoliti akin yomijkaj (Mateo 15:29-38; Juan 11:38-44). Pampa Jesús tekiuajtiskia ipan iTekiuajyo toTajtsin, otechititiko kenon kuajli kinpaleuis akin kitekichiuiliaj (Apocalipsis 11:15).

• Tlemach tlen panotika ipan tlaltikpaktli techititia ika iTekiuajyo toTajtsin iyejkotika. Jesús okijto ika iTekiuajyo toTajtsin kuajkuis yolseuilistli ipan tlaltikpaktli, san ika, ijkuak sa achijtsin poliuis ika yejkos yejon tonajli, melak miyekan oniaskia guerras, apistli niman tlalolinalistli (Mateo 24:3, 7).

  Ipan yejuin tonajli tikitstokej ika ijkon nochiujtok. Ika yejon, uelis tikneltokaskej ika xok uejkauis ijkuak iTekiuajyo toTajtsin tlayektlalis.