Tlen toTajtsin techmachtia techyolseuiya
ToTajtsin techijlia tlenon kualtsin kichiuas ika tlayekapan. Yejua kipopolos nochi tlen xkuajli niman kichiuas matiyolpakikan (Salmo 37:11). ¿Tleka kuajli tikmatstokej ika ijkon kichiuas? Pampa “Dios xsen tlaltikpaktlakatl para istlakatis [noso tlakajkayauas]” (Números 23:19). Matikitakan seki tlen toTajtsin kichiuas.
ToTajtsin kinpopolos akin kichiuaj tlen xkuajli
“Ijkuak akin xkuajli inyojlo noskaltiaj ken xiujtli, niman akin kichiuaj tlen xkuajli miyekiyaj, popoliuiskej niman xok keman nemiskej” (SALMO 92:7, TNM).
Ijkon ken otikitakej ipan okse tlamachtijli, yejuin tlaltikpaktli melak yoijtlakauj. San ika, yejuin xkipiya techmojkatlachialtis, pampa Biblia yokijtojka ipan 2 Timoteo 3:1-5 ika, ijkuak inisiuj tlapopoliuis, tlaltikpakchanejkej kichiuaskiaj tlen melak xkuajli. San ika ¿tlenon popoliuis? Popoliuiskej tlaltikpakchanejkej akin xkitlakamatij toTajtsin. Sa achijtsin poliui toTajtsin kinpopolos akin xkinekij kitlakamatiskej. Niman san kinkauilis manemikan akin kema kitlakamatij. Salmo 37:29, itech Traducción de Nuevo Mundo, kijtoua: “Akin yolmelaujkej nemiskej ipan tlaltikpaktli, niman nochipa ipan chantiskej”.
ToTajtsin kipopolos Satanás
“Dios yejuan kitemaka yolseuilistli saniman kitlajkalis nemokxitlan on Satanás” (ROMANOS 16:20).
Ijkuak toTajtsin kipopolos Satanás, idemonios niman nochimej akin kichiuaj tlen xkuajli, aman kema tinochimej tinemiskej ika toyojlo. ToTajtsin kijtoua: “Xakaj kichiuas makuekuetlakakan” (Miqueas 4:4, TNM).
ToTajtsin kichiuas maka sa matikualokan nion matimikikan
“Aman Dios chanti intsajlan on tlakamej. [...] Dios kimpopouilis nochi iminixayo, niman xok onyas mikilistli, nion chokistli, nion ajmantli, nion kokolistli” (APOCALIPSIS 21:3, 4).
ToTajtsin kipopolos nochi tlen xkuajli yokichiujkej Satanás, Adán niman Eva niman tlaltikpakchanejkej. Ika yejon, xok onias kokolistli, mikilistli niman nochi tlen techtlajyouiltia. Nochimej akin kitlakamatij toTajtsin nochipa nemiskej. San ika ¿kanon?
ToTajtsin kikuepas yejuin tlaltikpaktli se xochitlalpan
“Ma paki on xalpatlajkan, on tlaluaktli; ma pakilistlamati, ma noxochiyoti” (ISAÍAS 35:1).
Ijkuak toTajtsin kipopolos tlen xkuajli, tlaltikpaktli nokuepas se xochitlalpan. Nochiuiyan melak tlakualtsinkan yes niman onias miyek tlakuajli (Salmo 72:16). Mar niman atentin melak chipaujkej yeskej. Xok keman tikitaskej ika tsokuiltikej. Tinochimej tikchijchiuaskej tokal niman ipan tichantiskej. Nochimej kipiyaskej inkal niman nochipa kipiyaskej tlen kikuaskej (Isaías 65:21, 22).
ToTajtsin kinyolitis nochimej akin yomijkej
“On mikatsitsimej yoliuiskej” (HECHOS 24:15).
¿Tikuelitaskia oksejpa tikimitas mochanejkauan noso moamigos akin yomijkej? ToTajtsin akin melak kojtik oksejpa kinyolitis ipan se xochitlalpan. ¡San xkonnemili kenon melak tiyolpakis ijkuak oksejpa tikimitas mochanejkauan! Biblia kijtoua ika yeuejkaui sekimej tlaltikpakchanejkej oyoliujkej. Jesucristo noijki okinyoliti oksekimej niman miyekej okitakej ijkuak ijkon okichiuj (Lucas 8:49-56; Juan 11:11-14, 38-44).
Puede que también le interese
¡XTLACHIAKAN!
Tlen xkuajli panotika: Xmatsto ika tlayektlaliuis
Biblia techpaleuiya matikxikokan tlen xkuajli panotika niman techijlia ika ajsis se tonajli ijkuak kuajli tinemiskej.
TLEN MIYEKEJ NOTLAJTOLTIAJ ITECH BIBLIA
¿Tlenon kijtosneki yoliuilistli?
Kanaj mitsmojkatlachialtis ijkuak tikitas akinomej yoliuiskej.
ENSEÑANZAS IMPORTANTES DE LA BIBLIA
¿Kenon nemij akin yomijkej?
Biblia kijtoua ika nochimej akin yomijkej noijki oksejpa yoliuiskej ijkon ken Lázaro.
CAMPAÑA ESPECIAL
Xkita kenon titemachtiaj
Xkita kenon tiktlajtlanis mamitsmachtikan Biblia kampa xtlaj tiktlaxtlauas.
