Haniha zi Ndruhunia Zamatörö Ulidanö Andre?
Haniha moloʼö yaʼugö, hadia . . .
-
Lowalangi?
-
niha?
-
ma so danö böʼö?
HADIA NIWAʼÖ DAROMALI LOWALANGI
”Satana zamatörö ulidanö andre maʼasagörö.”—1 Yohane 5:19, Famoʼeluaha Gulidanö si Bohou.
”Tohare Nono Lowalangi ba wamakiko halöwö Gafökha.”—1 Yohane 3:8.
HADIA GUNANIA KHÖDA
Aboto ba dödöda hana wa so gabula dödö ba gulidanö.—Famaʼeleʼö 12:12.
Faduhu dödöda wa ifuli sökhi dania.—1 Yohane 2:17.
HADIA TOLA TAFADUHUSI TÖDÖ NIWAʼÖ DAROMALI LOWALANGI?
Tola. Si löʼö-löʼönia so tölu mbörö wa faduhu dödöda:
-
Hasambalö aheta ba danga Zatana ba wamatörö ulidanö. No ihonogöi Yehowa daʼö. No ifabuʼu ʼiheta Gafökhaʼ ba iʼaʼazökhi mangawuli zi no ifakiko Afökha.—Heberaiʼo 2:14.
-
No ifili Yesu Keriso Lowalangi ba wamatörö ulidanö. Faböʼö sibai ira Yesu Gafökha, Afökha afaito, ba ha sohare ia niʼaluinia. No ifabuʼu Lowalangi ba wamatörö Yesu dania, ”Ihakhösi tödö niha si numana ba sambö faʼabölö . . . Iʼefaʼö ira moroi ba wamakao ba faʼalösökhi.”—Sinunö 72:13, 14.
-
Lö falimo Lowalangi. Sura Niʼamoniʼö zangombakha wa ”tebai falimo Lowalangi”. (Heberaiʼo 6:18) Hadia nifabuʼu Lowalangi, ba hasambalö ifalua! (Yesaya 55:10, 11) ”Tetiboʼö baero zamatörö ulidanö andre.”—Yohane 12:31.
SINANGEA MUʼANGERAGÖ
Hewisa gulidanö andre na no aheta ba danga zamatörö yaʼia?
Taromali Lowalangi zangombakha khöda hadia wanema li ba zura SINUNÖ 37:10, 11 ba FAMAʼELEʼÖ 21:3, 4.
Te Göi Adöni Dödöu
ESSENTIAL BIBLE TEACHINGS
Hana Wa Itehegö So Wamakao Lowalangi?
Ato niha sanofu hadia mbörö wa no afönu faʼalösökhi hegöi fangarö-ngarö gulidanö andre. So wanema linia ba Zura Niʼamoniʼö, si tefaudu ba si möi fondrara dödö.
SANANDRÖSA KHÖMA
Hana Wa Moguna Tafahaʼö Ita ba Zura Niʼamoniʼö?
No ihenaigö Sura Niʼamoniʼö wanema li ba wanofu-nofu sabölö moguna ba waʼauri niha si zuta faʼato ba zi sagörö ulidanö. Hadia omasi öʼila wanema linia?
SANANDRÖSA KHÖMA
Falukhaisi Ndraʼo
Omasido ufahaʼö ndraʼo ba Zura Niʼamoniʼö, mazui uʼalui nasa danö böʼö sanandrösa khö ndra Samaduhuʼö Yehowa.
