Famaʼeleʼö Nitema Yohane 12:1-17
12 Aefa daʼö, uʼila zahöli-höli dödö salua ba mbanua si yawa. So samösa ndra alawe+ sobaru luo, barö gahenia so mbaŵa. Ba högönia so dakula nifazökhi moroi ba zi 12 ndröfi
2 ba manabina ia. Muʼao ia ba waʼafökhö börö me lö ara tö moʼono ia.
3 Uʼila zahöli-höli dödö tanö böʼö ba mbanua si yawa. So naga sebua soyo si hulö hola-hola galitö,+ fitu högönia ba fulu dandru. Ero sambua högönia so dakula.
4 Ibözi sambua niʼotölu ndröfi+ si so ba mbanua faoma iʼonia, ba ifazaumba ndröfi daʼö ba gulidanö.+ Ba no mosindro manö naga daʼö föna ndra alawe andrö,+ ba ohitö dödönia enaʼö itölö nono daʼö na tumbu.
5 Ba moʼono ndra alawe andrö ono matua,+ yaʼia zokubaloi fefu soi faoma siʼo siʼöli.+ Me awena tumbu nono andrö, iʼanemaiʼö laʼohe ia föna dadaoma Lowalangi.
6 Moloi ndra alawe daʼö ba danö si mate. No ihenaigö khönia naha ba daʼö Lowalangi ba tebeʼe gönia ba zi 1.260 hari waʼara.+
7 Aefa daʼö alua wasuwöta ba zorugo. Fasuwö Mikhaʼeli*+ awö ndra malaʼikania ba wolawa naga andrö. Fasuwö naga awö ndra malaʼikania göi,
8 hizaʼi kala ira ba lö nahara saʼae ba zorugo.
9 Ba tetiboʼö ba gulidanö+ naga sebua andrö.+ Yaʼia gulö satua+ nifotöi Afökha+ ba Satana,+ samaelungu niha ba gulidanö maʼasagörö.+ Tetiboʼö göi ndra malaʼikania awönia.
10 Ba urongo li sebua moroi ba mbanua si yawa imane,
”No iʼorifi niha Lowalangi!+ No oroma waʼabölönia, no mosindro Wamatörönia,+ ba mamatörö Keriso andrö khönia iadaʼa! No tetiboʼö nudu sangadugö ira talifusöda bongi maʼökhö föna Lowalangi!+
11 No lakalaisi nudu daʼa+ ira talifusöda börö ndro Nono Mbiri-biri+ ba börö duria nifaʼemara.+ Lö laʼomasiʼö nosora*+ hewaʼae latörö waʼamate.
12 Andrö, omusoiʼö dödöu yaʼugö sorugo hegöi yaʼami si toröi ba daʼö! Ba alai gulidanö awö nasi+ börö me no möi mitou Gafökha andrö khömi. Noa sa ebua wönunia börö me iʼila lö ara tö ginötö nitehe khönia.”+
13 Me iʼila naga andrö wa no tetiboʼö ia ba gulidanö,+ ifakao ndra alawe+ sangadonogö ono matua no mege.
14 Hizaʼi, tebeʼe khö ndra alawe daʼö dombua gafi moyo sebua.+ Andrö wa tola muhombo ia isawa danö si mate, ifandröndröu ia moroi ba gulö.+ Ba nahia daʼö, tebeʼe gönia ba zi sagötö, dua götö, ba matonga ngaʼötö.*+
15 Aefa daʼö, iʼutaʼö nidanö ulö andrö föna ndra alawe daʼö, simane faʼabölö-bölö nungo nidanö, enaʼö alömö ia.
16 Hizaʼi, itolo ndra alawe andrö tanö. Ibokai mbawania tanö ba wanölö idanö niʼutaʼö naga.
17 Mofönu sibai naga daʼö khö ndra alawe andrö. Ifakao maʼuwu ndra alawe andrö si tosai,+ yaʼia daʼö niha soloʼö oroisa Lowalangi ba sanema halöwö ba wamaduhuʼö Yesu.+
Nisura ba gahe zura
^ Eluahania ”Haniha Zimane Lowalangi?”
^ Mazui ”waʼaurira”. Faigi Geluaha Ngawua Wehede.
^ Eluahania tölu a matonga ngaʼötö.
