Sinunö 103:1-22
Sinunö Dawido.
103 Daʼusuno Yehowa;Yaʼisuno tödögu maʼasambua döinia niʼamoniʼö.
2 Daʼusuno Yehowa;Yalöʼirai olifu ndraʼo ngawalö zi no irai ifalua.+
3 Iʼefaʼö fefu zalagu+Ba ifadöhö ngawalö wökhögu;+
4 Iʼefaʼö waʼaurigu moroi ba waʼamate*+Ba iforomaʼö khögu waʼomasinia si lö faröi hegöi faʼahakhö dödö.+
5 Iʼabusoiʼö ndraʼo ngawalö zi sökhi+ sandrohu faʼaurigu,Enaʼö awuyu-wuyu ndraʼo ba abölö simane moyo.+
6 Atulö nifalua Yehowa+ ba lö ebua dödö zambuana iaBörö niha nifakao.+
7 Ifatunö lalania andrö khö Moze,+Simanö göi ngawalö nifaluania ba ndraono Gizaraʼeli.+
8 Sahakhö tödö Yehowa andrö ba sebua tödö,*+Lö alio mofönu ia ba fahöna khönia waʼomasi si lö faröi.*+
9 Lö iʼalu-alui manö zala niha,+Mazui abao dödönia sagötö faʼara.+
10 Lö ihuku ita moloʼö horö si no tafalua,+Mazui isulöni khöda simane faʼebua zala nifaluada.+
11 Simane banua si yawa, abölö alawa ia moroi ba danö,Simanö göi waʼebua waʼomasi si lö faröi niforomaʼö Lowalangi ba niha sangataʼufi yaʼia.+
12 Simane otalua gatumbukha faoma aekhulaSimane daʼö waʼaröu wangefaʼönia olalöwada.+
13 Simane faʼahakhö dödö nama khö nononia,Simane daʼö waʼahakhö dödö Yehowa ba niha sangataʼufi yaʼia.+
14 Börö me aboto ba dödönia hewisa me tewöwöi ita,+Itörö tödönia wa yaʼita andre gawu-gawu.+
15 Faʼauri niha andre hulö ndruʼu;+Simane bunga ba mbenua waʼatumbunia.+
16 Hizaʼi, na itörini ia angi ba lö hadöi saʼae,Hulö zi lö irai so ia ba daʼö.*
17 Ba lö tebulö waʼomasi si lö faröi moroi khö Yehowa sagötö faʼaraBa niha sangataʼufi yaʼia,+Hegöi faʼasökhi dödönia ba maʼuwura,+
18 Ba niha soloʼö amabuʼula linia+Ba niha samalua oroisania soroi ba dödö.
19 No iʼaroʼö dadaomania Yehowa ba zorugo;+Ba mamatörö ia ba ngawalö hadia ia.+
20 Misuno Yehowa yaʼami malaʼikania sagabölö,+Samalua taromalinia+ ba soloʼö fehedenia.*
21 Misuno Yehowa yaʼami ngawawa zaradadunia,+Yaʼami sangai halöwö samalua ohitö dödönia.+
22 Fefu niwöwöi dangania, misuno YehowaBa zi sagörö banua nifatörönia.
Yaʼisuno Yehowa tödögu.
Nisura ba gahe zura
^ Sin.: ”ba dögi”.
^ Mazui ”ba soböwö”.
^ Mazui ”waʼasökhi dödö”.
^ Sin.: ”Ba lö saʼae iʼila ia nahiania andrö”.
^ Sin.: ”Samondrongo fehede daromalinia”.
