Sinunö 77:1-20
Khö zondröniaʼö sinunö: Yedutuno.* Sinunö Gasafo.+ Sambua sinunö.
77 Ebua ligu ba weʼao khö Lowalangi;Muʼao ndraʼo khö Lowalangi, ba ifondrondrongo.+
2 Ba ginötö waʼatosasa, uʼalui Yehowa.+
Ba zi bongi, lö atage ndraʼo wamazawa tangagu* ba wangandrö.
Hewaʼae simanö, lö terara dödögu.
3 Na itörö tödögu Lowalangi ba mangarö-ngarö ndraʼo;+Alangu dödögu ba marase ndraʼo.*+ (Sela)
4 Lö alau hörögu öbeʼe;Abu dödögu ba lö uʼila fahuhuo.
5 Itörö tödögu ginötö si no numalö,+Döfi si no utaluʼi.
6 Na ba zi bongi, itörö tödögu zinunögu;*+Ba uʼangerönusi bakha ba dödögu;+Ahori uʼangeragö fefu.
7 Hadia itiboʼö ndraʼaga Yehowa sagötö faʼara?+
Hadia lö saʼae omuso dödönia khöma?+
8 Hadia no taya waʼomasinia si lö faröi irugi zi lö aetu?
Hadia lö hadöi ngaʼötö sangila faʼalua mbuʼusa linia?
9 Hadia olifu Lowalangi wangoromaʼö faʼahakhö dödö khöma,+Mazui no taya waʼahakhö dödönia börö wönunia andrö? (Sela)
10 Hadia lö uböhöli wangumaʼö, ”Daʼa mbörö wa marase ndraʼo:*+
No faböʼö dödö Wondrege Zalawa khöma”?*
11 Itörö tödögu nifalua Yehowa;*Itörö tödögu ngawalö zahöli-höli dödö nifaluamö mböröta.
12 Uʼangerönusi fefu halöwömöBa uʼangeragö ngawalö nifaluamö.+
13 He Lowalangi, niʼamoniʼö fefu lalamö andrö.
Haniha Lowalangi si fagölö khöu faʼabölö, yaʼugö Lowalangi?+
14 Yaʼugö Lowalangi sindruhu, samalua ngawalö zahöli-höli dödö.+
No öforomaʼö waʼabölömö ba soi misa.+
15 Faʼabölömö* andrö zangefaʼö* ono mbanuamö+Iraono Yakobo ba iraono Yosefo. (Sela)
16 He Lowalangi, iʼila ndraʼugö idanö;Iʼila ndraʼugö idanö ba mokiba ia.+
Idanö sabakha manö ba modaulu.
17 Iduwagö nidanö lawuo moroi si yawa.
Moʼugu dalu mbanua solawuo,Ba oi fabözi misa nono wanamö.+
18 Li gari mbanua+ andrö khöu hulö li gaolo-gaolo gureta wasuwöta;Mohaga gulidanö* ba gari mbanua;+Modögö danö ba muheu.+
19 Mofanö ndraʼugö ötörö nasi,+Ötörö nidanö soya;Hizaʼi, lö oroma lahemö.
20 Ödöniaʼö nono mbanuamö simane ngawawa mbiri-biri,+Moze faoma Aʼaroni, daʼö zolohe yaʼira.+
Nisura ba gahe zura
^ Faigi Geluaha Ngawua Wehede.
^ Sin.: ”lö moriri dangagu”.
^ Mazui ”ba taya waʼabölögu”.
^ Mazui ”li fakake zinunö khögu”.
^ Sin.: ”Ibulöʼö dangania kambölö Fondrege Zalawa khöma”.
^ Mazui ”wa hulö nifahö-fahö bakha dödögu”.
^ Sin.: ”Ya”. Daʼa döi Yehowa si no muʼadogoiʼö.
^ Sin.: ”Taʼiomö”.
^ Sin.: ”zangöhöli”.
^ Mazui ”danö satabö sinanö”.