Sinunö 83:1-18
Sambua sinunö. Sinunö Gasafo.+
83 He Lowalangi, böi honogö manö ndraʼugö;+Böi lau zi lö hede-hede mazui ahonoʼö manö, yaʼugö Lowalangi Fondrege Zabölö.
2 Hiza, lafobörö wagua-guasa si faʼudu khöu;+Fayawa* niha si fatiu tödö khöu.
3 Laʼalui lala wamaʼala ono mbanuamö ba zi tobini;Mamagölö ira ba wolawa niha niʼomasiʼömö.*
4 Lamane, ”Aine, datahori fefu soi daʼa,+Enaʼö lö saʼae itörö tödö niha döi ndraono Gizaraʼeli.”
5 Hasara dödöra ba wangalui lala;Fawuʼu li ira ba* wolawa yaʼugö,+
6 Ose niha Gedomo hegöi niha Zimaʼeli, Moabi+ awö niha Hegara,+
7 Gebala ba Amoni+ ba Amaleki,Filisiti+ hegöi banua Diro.+
8 No faʼawö göi khöra Asiria;+No laʼoʼawögö* ngaʼötö Loti.+ (Sela)
9 Falua khöra zimane nifaluamö ba niha Midiano,+Khö Zisera hegöi khö Yabino ba Nungo Nidanö Kizono.+
10 Tehori ira ba Geni-dora;+Tobali ira pupu ba danö.
11 Falua khö duhenörira andrö zimane nifaluamö khö Gorebi ba SebiHegöi sondröniaʼö yaʼira simane Seba+ ba Salamuna,+
12 Lamane, ”Aine, tarabu danö nahia si toröi Lowalangi.”
13 He Lowalangigu, baliʼö ira simane duʼu sodoi niʼoloiʼö nangi,+Simane töla wakhe nitöri nangi.
14 Simane alitö sanunu atua,Simane hola-hola galitö si manga hili,+
15 Yaʼögohi ira faoma bade andrö khöu+Ba öfetaʼu ira faoma angi fuyu.+
16 Balugö* mbawara faʼaila,Enaʼö laʼalui döimö, yaʼugö Yehowa.
17 Yateʼailasi ira ba ataʼu irugi zi lö aetu;Yateʼoʼaya ira ba tehori;
18 Yaʼaboto ba dödö niha wa ha yaʼugö zotöi Yehowa,+Ha yaʼugö Wondrege Zalawa ba gulidanö maʼasagörö.+
Nisura ba gahe zura
^ Mazui ”Lafaöga mbawara”.
^ Sin.: ”nibiniʼömö”.
^ Mazui ”Laʼosaraʼö dödöra”.
^ Sin.: ”No tobali taʼio ba”.
^ Sin.: ”Hawui”.